Mohammad Diponegoro

Mohammad Diponegoro

Mohammad Diponegoro inggih punika salah satunggaling sastrawan ing Indonésia ingkang miyos wonten ing Yogyakarta tanggal 28 Juni 1928 lan séda ing Yogyakarta tanggal 9 Mèi 1982.

Riwayat Pagesanganipun

Mohammad Diponegoro sampun naté ngrampungaken sekolahipun ing HIS Muhammadiyah Yogyakarta ing taun 1942, lajeng nerasaken sekolah ing SMP Muhammadiyah Yogyakarta ing taun 1954; lan sekolah ing SMA “B” Negeri Yogyakarta taun 1950. Salajengipun, piyambakipun nerasaken kuliah ing Fakultas Teknik Universitas Indonesia ing Bandung, nanging namung satunggal taun. Salajengipun saking pamrayoginipun satunggaling dhokter piyambakipun pindhah kuliah ing Universitas Gadjah Mada, Fakultas Sospol Jurusan Hubungan Internasional. Sabibaripun lulus saking UGM, piyambakipun ndhèrèk kursus ing Kursus Basa Jepang taun (1964), saha Kursus Kewartawanan ing taun (1974). Ing taun 1964, Diponegoro sekolah wonten ing Nippon Bunka Gakuin tingkat Sho-kyu ranking I lan dipunkintun dhateng Jepang dangunipun 6 sasi, lan ing taun 1969 wangsul malih dhateng Universitas Gadjah Mada, Fakultas Ilmu Sosial dan Pulitik, jurusan Hubungan Internasional ngantos tingkat III. Kajawi punika piyambakipun ugi ndhèrèk kursus kanggé nguaosi sapérangan basa asing, kados ta Inggris, Arab, Jepang, lan Walanda, saha naté dados santri ing Pondok Modern Gontor, Ponorogo. Ing jaman repolusi kamardikan, piyambakipun ndhèrèk aktip ing babagan militèr. Saking sasi April dumugi sasi Juni taun 1945, piyambakipun ndhèrèk gladhi militèr ing Cibarusa, Jawa Kulon. Kajawi punika, piyambakipun naté dados opsir TRI (Tentara Rakyat Indonesia]] kanthi pangkat letnan kalih, dados Staf Resimen Ontowiryo (TNI masarakat), saha ingkang nyepeng pimpinan Komandan Seksi ngantos taun 1946. Ing taun 1951, Diponegoro dados guru boten tetep kanggé mucal mata pasinaon basa Indonésia ing SMP Dinas Penyempurnaan Pengetahuan dan Keahlian Staf “A”, Angkatan Darat ing Bandung. Ing taun 1995, piyambakipun dhateng Amérikah Sarékat kanggé ngawontenaken panaliten babagan Youth Activities lan Youth Leaders’ Grant saking USIS. Sakonduripun saking Amérika, piyambakipun dhateng Inggris, Walanda, Prancis, Mesir, Pakistan, lan Singapura. Ing taun 1959, piyambakipun makarya ing USIS dados wakil direktur Jefferson Library Yogyakarta. Lajeng ing taun 1964, piyambakipun dhateng Jepang saha Filipina. Padamelan ingkang sanèsipun inggih punika kaandharaken kados makaten:

• Tentara Republik Indonesia, Batalyon 25 resimen 22 ing Yogyakarta (1945-1947),
• Resimen Ontowiryo, divisi III Yogyakarta, pangkat Letnan II (1947-1948),
• Guru Basa Indonesia wonten ing SMP DPPK, Teritorial III Bandung (1951),
• Redatur Majalah Media Yogyakarta (1954-1958),
• Redaktur Harian Suara Ummat, Yogyakarta (1955-1956),
• Majalah Suara Muhammadiyah (1965),
• Pengusaha tenun tangan Surya Kencana (1960-1969),
• Wakil Pemimpin Redaksi majalah Suara Muhammadiyah,
• Pengasuh acara carkak Radio Australia

Penghargaan

• Novèl Siklus pikantuk bebungah Penghargaan Sayembara Mengarang Roman Panitia Tahun Buku Internacional 1972 DKI Yakarta

Karya Tulis

• Manifestasi (1963),
• Kabar Wigati dan Karajan (1977),
• Duta Islam Untuk Dunia Modern (1983),
• Percik-Percik Pemikiran Iqbal (1983),
• Siasat (1984),
• Yuk Nulis Cerpen Yuk (1985),
• Odah dan Cerita Lanilla (1986)

Naskah Teater

• Surat Pada Gubernur (1977),
• Iblis (1983), drama kasebat nyariosaken pengorbananipun Ismail déning bapakipun, Ibrahim, lan dipunpentasaken kaping puluhan lan dipunbeto ing sapérangan pesantren saha jantung-jantung kalangan Islam kanggé ngatrol apresiasi lan punika dadosaken kontroversi kaliyan kalangan legalis fikih Islam.Pramila, kanggé nggarap pentas punika dipunbiyantu déning printis kamardikan A.R. Baswedan
• Ibrahim