Mehmed VI

Sultan Mehmed VI

Mehmed VI (basa Arab: محمد السادس), jeneng asli Mehmed Vahdettin utawa Mehmed Vahideddin, (14 Januari 1861 – 16 Mei 1926) iku khalifah ka-40 Turki Utsmani, mengku jabatan watara taun 1918–1922. Panjenengané uga Khalifah Islam ka-100. Seduluré Mehmed V Resat, panjenengané munggah tahta amarga nglaluné Yusuf Izzetin, pawaris tahta. Panjenengané mengku tahta wiwit tanggal 4 Juli 1918, minangka padishah ka-36.

PD I nyebabaké bebendu kanggo Khilafah Turki Utsmani. Angkatan Inggris wis ngrampas Baghdad lan Jerusalem sakwéné perang lan sebagéyan gedhé kakhalifahan bakal didum-dumaké marang kuwasa Eropah. Jroning konfrènsi San Remo sasi April 1920, Prancis wis diwènèhi mandhat marang Suriah lan Britania Raya wis diwènèhi mandhat marang Palestina lan Mesopotamia. Nalika tanggal 10 Agustus 1920, pawakilan Mehmed nandhatangani Pasetujon Sevres, sing ngakoni mandhat iku, nguwalaké kendhali Ottoman marang Anatolia lan Izmir, ngilangaké pawiyaran Turki, lan ngakoni Hejaz minangka negara mardika.

Klompok nasionalis Turki (sing didhéking pihak Kulon) muntab karo pasetujon Sultan marang pamukiman-pamukiman mau. Sawijining pamaréntahan anyar, Majelis Nasional Agung Turki, dipimpin déning Mustafa Kemal wis kawangun nalika sasi April 1920, pusaté ing Ankara. Nalika tanggal 23 April, pamaréntahan Mehmed dibubaraké lan konstitusi sauntara disahaké.

Kasilé klompok nasionalis gawé kakuwasan khalifah dibubaraké tanggal 1 November 1922, lan Mehmed ninggalaké Istanbul, numpak kapal perang Inggris tanggal 17 November. Nuju Malta kanggo eksil, Mehmed banjur manggon ing Riviera Italia.

Panjenengané tilar donya tanggal 15 Mei 1926 ing San Remo, Italia. Nalika tanggal 19 November 1922 sepupuné diangkat minangka khalifah minangka Abdul Mejid II.

Didhisiki déning: Mehmed V	Sultan Ottoman 1918–1922	Diganti déning: Republik Turki sangisoré Kemal Atatürk
Didhisiki déning: Mehmed V	Khalifah Ottoman 1918–1922	Diganti déning: Abdul Mejid II

{{subst:#if:Mehmed VI|}} [[Kategori:{{subst:#switch:{{subst:uc:1861}}

|| UNKNOWN | MISSING = Taun lair ora ana {{subst:#switch:{{subst:uc:1926}}||LIVING=(wong urip)}}
| #default = Lair 1861

}}]] [[Kategori:{{subst:#switch:{{subst:uc:1926}}

|| LIVING  = Wong urip
| UNKNOWN | MISSING  = Taun pati ora ana
| #default = Pati 1926

}}]]