Menara Petronas

Saka Wikipédia Jawa, bauwarna bébas abasa Jawa
Menara Petronas

Menara Petronas inggih punika pencakar langit cacah ingkang wonten ing Kuala Lumpur, Malaysia ingkang naté dados gedhong paling inggil sadonya.[1]

Menara punika dipunrancang déning Adamson Associates Architects, Kanada kaliyan Cesar Pelli saking Cesar Pelli of Cesar Pelli & Associates Architects Amérika Sarékat ingkang purna dipunyasa ing taun 1998.[2] Gedhung punika gadhah 88 lanté kanthi desain interior ingkang ngrefleksikaken budaya Islam ingkang kiyat dipungebeng nagari Malaysia.[1] Nalika tanggal 17 Oktober 2003.[1] Taipei 101 mendhet rekor gedhong kembar punika.[1] Ananging Menara Petronas tetep nyepeng rekor gedhong kembar paling inggil sadonya.[1]

Desain lan Wangunan[besut | besut sumber]

Cesar Pelli ugi sampun ngrancang gedhong Miglin-Beitler Skyneedle (utawi saged dipunsebat Miglin-Beitler Tower) ingkang inggilipun 609,58 m ing Chicago, Amérika Sarékat ingkang purna dipunyasa ing taun 1988 ingkang kadosipun mémpèr kaliyan Menara Petronas.[3]

Menara Petronas gadhah inggil 452 méter utawi 1483 kaki.[1] Wujud lanténipun arupi kalih pesagi ingkang mbentuk bintang ingkang pucukipun wonten wolu.[1] Desain Cesar Pelli punika ngginakaken motif ingkang limrah dipun-ginakaken ing seni Islam kados budaya Islam ingkang sampun dados ciri khasipun Malaysia.[1]

Cathetan suku[besut | besut sumber]

  1. ^ a b c d e f g h Petronas Twin Towers Kuala Lumpur, Malaysia dipunundhuh tanggal 25 Agustus 2011)
  2. ^ Adamson Associates Architects dipunundhuh tanggal 25 Agustus 2011)
  3. ^ Miglin-Beitler Skyneedle dipunundhuh tanggal 25 Agustus 2011)

Pranala njawi[besut | besut sumber]