Menara Ostankino

Saka Wikipédia Jawa, bauwarna mardika basa Jawa
Menara Ostankino
Menara Ostankino

Menara Ostankino inggih punika sawijining menara TV lan radio ingkang wonten ing Moskwa, Ruslan. Menara kanthi inggil 540 mèter punika dipunrancang déning Nikolai Nikitin [1] inggih punika satunggaling anggota saking Federasi Donya Menara Agung.. Pembangunanipun wiwit saking taun 1963 lan dipunpungkasi taun 1967. Menara Ostankino punika pikantuk rekor struktur yasan paling inggil ing donya satunggal dekade, dumugi Menara CN madeg wonten ing Toronto, Kanadha. Ananaging dumugi taun 2005, Menara Ostankino taksih pikantuk rekor ingkang sami kanggé laladan Eurasia lajeng sapunika dados menara paling ageng nomer sekawan ing donya [2].

Wonten ing taun 2003, médhia paring warta bilih anténa énggal sampun kapasang ingkang nambah inggiling menara dumugi 577 mèter. Nanging dhuwuring anténa énggal sami kaliyan anténa dangu.

Konstruksi menara punika kawiwitan nalika taun 1963 lan kapungkasan taun 1967. Ekstensif ngginakaken beton pratekan damel struktur ingkang prasaja nanging kokoh. Menara punika ngluwihi Empire State Building dados struktur paling inggil sadonya. Punika pikantuk rékor 9 taun dumugi Menara CN wonten ing Torontalo, Kanadha nalika taun 1976, ingkang ngluwihi puncakipun 13 mèter (43 kaki). Menara Ostankino tetep jumeneng paling inggil nomer kalih ing donya kirang langkung 31 taun. Dumugi wonten Khalifa Burj ingkang ngluwihi Menara Ostankino lan Menara CN nalika taun 2007.

Menara Ostankino kobongan[besut | besut sumber]

Menara Ostankino naté kobongan nalika 27 Agustus 2000 lan wonten kurban tigang tiyang. Kajawi punika, sinyal kanggé TV lan radio kanggé langkung saking 18 juta tiyang ing Moskow dados keganggu. Geni ingkang medal kapisan kirang langkung 98 mèter ing inggil dèk pangamatan lan Restoran Seventh Heaven. Kobongan punika winates ing pérangan balkoni kemawon lan saged mati geninipun awit saking duginipun pemadam kebakaran [3]. Awit saking kobongan punika sadaya staf dipun-evakuasi lan dipunungsiaken. Amargi piranti-piranti èlètronik ing mriku sampun tuwa lan kirang anggènipun ngrawat dados risak sanget. Kajawi punika akibat saking kobongan punika ing sapérangan dinten para warga Ruslan boten saged mirsani siyaran saking TV. Satunggaling stasiun TV ingkang boten keganggu inggih punika stasiun swasta NTV [4].

Ugi pirsani[besut | besut sumber]

Cathetan suku[besut | besut sumber]

  1. [1], Menara Ostankino (dipun-akses tanggal 22 Dhésèmber 2012).
  2. [2], Menara Ostankino (dipun-akses tanggal 22 Oktober 2012).
  3. [3], Kebakaran di menara Moskow (dipun-akses tanggal 6 Maret 2013).
  4. [4] Archived 2012-05-27 at the Wayback Machine., Menara Ostankino Terbakar(dipun-akses tanggal 8 Januari 2013).