Maleo Senkawor

Saka Wikipédia Jawa, bauwarna bébas abasa Jawa
Maleo Senkawor
Status konsèrvasi
Klasifikasi èlmiah
Krajan: Kéwan
Filum: Chordata
Kelas: Manuk
Ordo: Galliformes
Kulawarga: Megapodiidae
Marga: Macrocephalon
Müller, 1846
Jinis: M. maleo
Jeneng binomial
Macrocephalon maleo
S. Müller, 1846

Maleo Senkawor utawi Maleo punika sato kéwan jinis manuk ingkang nggadhahi nama ilmiah Macrocephalon maleo.[1] Maleo Senkawor punika salah setunggaling jinis manuk gosong ingkang nggadhahi ukuran sedang saha dawanipun antawis 55 cm.[1] Maleo Senkawor punika tunggal-tunggaling manuk ingkang wonten genus tunggal Macrocephalon.[1] Ingkang nggumunaken, nalika nembe netes saking tiganipun, manuk maleo punika sampun saged mabur.[1] Ukuran tigan manuk maleo awratipun 240 gram ngantos 270 gram saben tiganipun, ukuran dawanipun kirang langkung 11 cm.[1] Menawi kabandingaken kaliyan tigan ayam ukuranipun langkung ageng kaping gangsal ngantos wolu.[1]

Ananging sapunika, manuk maleo senkawor kathah ingkang sampun pejah saéngga saged punah.[2] Bab punika amargi habitat utawi panggénan gesangipun ingkang sangsaya cupet saha tigan-tiganipun manuk maleo senkawor ingkang kathah dipunpendheti déning manungsa.[2] Cacahipun manuk maleo senkawor sapunika dipunètang kirang langkung kirang saking sedasa èwu manuk.[2]

Ciri-Ciri[besut | besut sumber]

Manuk maleo senkawor punika nggadhahi wulu ingkang werninipun cemeng, kulit sacedhaning mripat ingkang awerni jene, iris mripat abrit radi coklat saha sikil ingkang awerni ngawu layan, cucuk saha wulu bagéyan ngandhap ingkang awerni abrit ném radi pethak.[1] Maleo gadhah sungu utawi jambul ingkang werninipun cemeng.[1]

Populasi[besut | besut sumber]

Mboten ing sadaya panggénan ing Sulawesi saged manggihi maleo.[1] Maleo namung saged dipunpanggihi wonten ing laladan ingkang nggadhahi sejarah géologi ingkang wonten hubungan lempeng pasifik utawi Australasia.[1] Populasi kéwan endemik Indonésia punika namung dipunpanggihi wonten ing wana tropis dhataran rendah pulau Sulawesi mliginipun ing laladan Sulawesi Tengah inggih punika wonten ing laladan Kabupatèn Sigi (Desa Pakuli saha Kabupaten Banggai.[1]

Cathetan suku[besut | besut sumber]

  1. ^ a b c d e f g h i j k (id)indosiar.com(dipunundhuh tanggal 7 Oktober 2011)
  2. ^ a b c (id)pariwisataluwukbanggai.com(dipunundhuh tanggal 7 Oktober 2011)


Sumber artikel punika saking kaca situs web: "https://jv.wikipedia.org/w/index.php?title=Maleo_Senkawor&oldid=1054352"