Komédho

Saka Wikipédia Jawa, bauwarna mardika basa Jawa
Menyang navigasi Menyang panggolèkan
Komédho
Blausen 0811 SkinPores.png
Gambar kulit normal lan kulit kang nandhang komédho
SpecialtyMasalah skrip: Modhul "String2" ora ana.

Komédho (ing basa Inggris: comedo) ya iku grenjelan cilik sing tuwuh ana ing pori-pori kulit, lan bisa dadi cikal tuwuhing kukul. Komédho minangka pambuntetan ing folikel rambut. Folikel kang buntet iku wosé sèl kulit mati, sebum (lenga alami sing metu saka kulit), lan sajinis protèin kulit jejuluk keratin. Komédho bisa nyerang sapa waé ananging asring ditemoni ana ing pawongan sing jinis kulité nglenga. Tuwuhing komèdho racaké ana ing rai ananging ana uga sing tuwuh ing geger, dhadha, gulu, pundhak, sarta aréa kulit liyané sing mrodhuksi lenga.[1]

Jinis[besut | besut sumber]

Ana manèka jinis saka komedho ya kuwi:

  • Komédho kabuka (blackhead): jinis iki duwé werna ireng sing disebabaké sebum ing pori-pori kang kaoksidasi ing paparan hawa lan dudu rereged. Jinis iki ora krasa lara amarga ora ana peradhangan.
  • Komédho katutup (whitehead): jinis iki duwé werna putih amarga folikel buntet total.
  • Mikrokomédho: komedho sing cilik lan ora katon ing mripat.
  • Makro komedho: komédho katutup sing ukuré luwuh gedhé saka 3 milimèter.
  • Solar komédho: ditemokaké ing pipi lan janggut ing wong tuwèk, jalaran kulina kapapar sunar srengèngè.[2]

Jalaran[besut | besut sumber]

Komédho metu nalika sèl-sèl sing nglapisi duktus sebaséa (dalan metu lenga saka klanjer lenga) nambah akèh (kornifikasi) dibarengi karo anané undhakan prodhuksi lenga. Komédho dumadi saka débris sing nyumpel duktus sebaséa lan folikel rambut, ana uga faktor-faktor kang ndayani ya kuwi:

  • Aktivitas tèstostéron kang kaluwihan
  • Cendhèking kadhar lonolèat ing sebum sakèngga nyebabaké ngglodhoking kulit lan pamudhunan fungsi katahanan kulit.
  • Prosès paradhangan sing gegayutan sitokin-sitokin pro-inflamasi.[3]
  • Asem lemak bebas sing diasilaké baktéri.
  • Kulit sing lembab banget.
  • Kontak karo bahan tertamtu kaya ta pomade.
  • Iritasi ing folikel sing sinebut folikulitis.
  • Ngrokok
  • Mangan panganan sing dhuwur lemak lan karbohidrat.
  • Kena bahan kimia kosmètik kaya ta isopropyl myristate utawa propylene glycol.
  • Komsumsi obat-obatan tertamtu kaya ta kortikosteroid, lithium, lan pil KB.
  • Owahing hormon amarga mènstruasi sing nyebabaké prodhuksi lenga kang dhuwur.

Tamba[besut | besut sumber]

Kanggo nambani komédho ya kuwi:

Obat[besut | besut sumber]

  • Obat sing dipigunakaké ngandhut bahan asem salisilat, bénzoil peroksida, lan resorsinol. Obat iki makarya maténi baktéri, ngurangi prodhuksi lenga, lan nggawé kulit ngeculaké sèl-sèl kulit kang wis mati.
  • Obat kang diresèpaké dening dhokter ngandhut vitamin A, duwé ancas nyurung gantining sèl kulit anyar sing luwih cepet lan nyegah buntetan ing folikel rambut.[4]

Metodhe[besut | besut sumber]

  • Ngilangaké komédho kanthi manual, racaké nganggo prabot khusus kanggo ngetokaké komédho.
  • Terapi laser. Terapi laser bisa ngurangi prodhuksi lenga kang luwih lan maténi bakteri panyebab komédho.
  • Peeling. Dhokter  migunakaké bahan kimia ing kulit njaba, sakwisé diklothok, buntetan pori-pori kulit bisa kaangkat lan praupané kulit bisa luwih alus.
  • Mikrodermabrasi. Cara iki dilakokaké kanggo ngresiki bagéan paling njaba saka praupan kulit kanthi prabot mligi.[5]

Nyegah[besut | besut sumber]

Cara kanggo nyegah komédho tuwuh ing kulit kaya ta:

  • Raup lan ngumbah rai paling sitik sedina ping loro.
  • Kramas, adus lan njaga karesikan awak.
  • Migunakaké wedhak kang cocog ing rai, racaké kanthi label nonkomédogenik.
  • Ngganti sarung bantal paling sithik seminggu pisan.
  • Nyegah awak saka paparan polusi.
  • Ora asring ndemok rai kanthi tangan kang reged.
  • Resiki rai sakdurungé turu.
  • Pigunakaké masker clay mask kang bisa ngreiki rai saka lenga lan kulit mati sing nyumpel pori-pori.[6]
  • Pigunakaké masker alami sing bisa ditemoni ing omah ya kuwi: masker putih endhog, bubuk kopi, uwab banyu uyah, ilat baya, madu lan kayu legi.[7]

Kapustakan[besut | besut sumber]

  1. "Cara Menghilangkan Komedo Putih dan Hitam Agar Wajah Kembali Mulus". Hello Sehat (in Indonesia). 2016-12-16. Retrieved 2020-07-12.
  2. "Penyakit Komedo - Gejala, Penyebab, Pengobatan - Klikdokter.com". www.klikdokter.com. Retrieved 2020-07-12.
  3. "Komedo". Halodoc. Retrieved 2020-07-12.
  4. "Komedo". SehatQ (in Indonesia). Retrieved 2020-07-12.
  5. "Komedo". Alodokter. 2014-11-19. Retrieved 2020-07-12.
  6. Anisya, Ninda (2020-06-03). "Komedo: Mengenal Jenis, Penyebab dan Cara Mengatasinya". POPMAMA.com (in Indonesia). Retrieved 2020-07-12.
  7. Amida, Yuni Ayu. "5 Bahan Alami Ampuh Hilangkan Komedo di Wajah, Bisa Bunda Coba". moms-life (in Indonesia). Retrieved 2020-07-12.