Kaskus

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Kaskus
Kskus.jpg
Halaman utama Kaskus.co.id
Jinising situs
Forum internet
Portal web
Ana ing basaIndonésia
Kang duwéPT Darta Media Indonésia
Digawé déningAndrew Darwis
Ronald Stephanus
Budi Dharmawan
Situs jaringanwww.kaskus.co.id
DagangYa
Setatus saikiAktif

Kaskus ya iku situs forum komunitas maya gedhé dhéwé lan nomer siji ing Indonésia.[1] Panganggoné diarani Kaskuser.[1] Kaskus lair ing tanggal 6 November 1999 déning telung cah nom ya iku Andrew Darwis, Ronald Stephanus, lan Budi Dharmawan kang lagi nerusaké sekolah ing Seattle, Amérikah Sarékat.[1] Situs iki diatur déning PT Darta Media Indonésia.[1] Kaskus nduwé pratélan panganggo punjul 4,5 yuta kang kadaftar.[1] Panganggo Kaskus lumrahé rumaja nganti diwasa kang asalé saka Indonésia utawa njaba Indonésia.[1]

Kaskus iku singkatan saka Kasak Kusuk, biyèné mung hobi saka kumpulan cilik banjur bisa gedhé nganti saiki.[2] Kang mbukak kaskus punjul 900 èwu wong, jumlah page view punjul 15.000.000 saben dinané.[2] Nganti Juli 2012, Kaskus wis duwé punjul 600 yuta posting.[2]

Miturut Alexa.com ing sasi September 2011 Kaskus manggon ing peringkat 264 lan peringkat 7 situs kang akèh dibukak ing Indonésia.[2]

Tanggal 26 Mèi 2012, Kaskus kena gangguan ing DNS(Domain Name System)ya iku ing domain.us. saéngga, 27 Mèi 2012, Kaskus pindah domain kang asalé.us saiki dadi.co.id lan.com.[2]

Sajarah[besut | besut sumber]

Kaskus digawé tanggal 6 November 1999 déning telung mahasiswa saka Indonésia ya iku Andrew Darwis, Ronald Stehanus, lan Budi Dharmawan, ing Seattle, Amérikah Sarékat.[1] Kaskus biyené forum ora resmi kanggo mahasiswa Indonésia ing jaban rangkah.[1] Jeneng "Kaskus" dhéwé dijupuk saka singkatan "Kasak-kusuk".[1]

Sasi Agustus 2005, PC Magazine Indonésia ngewènèhi panghargaan marang situs kaskus mawa situs kang paling apik lan komunitas kang paling gédhé, banjur Kaskus kapilih manèh mawa website kang paling apik miturut pilihané wong kang maca PC Magazine ing taun 2006.[1]

Tanggal 23 Mèi 2006 manajemen Kakus kepeksa ngganti domain .com dadi .us, amarga nyebaré virus brontok kang digawé supaya bisa nyerang situs-situs gédhé saka Indonésia lan Kaskus dadi sasaran kang utama.[2]

Amerga saking akèhé wong kang mbukak situs iki, April 2007, manajemen Kaskus nambah rong server supaya bisa saya apik.[2]

Tahun 2008, operator Kaskus mutusaké kanggo pengoperasian server Kaskus ing Indonésia.[2] Kanggo kabutuhan mau Kaskus nuku wolung server Dell PowerEdge 2950 lan dijalakake mawa jaringan open IXP.[2] Amerga iku akses Kaskus bisa luwih rikat lan akhire operator ngrencanakake nambah wolung server manèh nganti kang operasi ing sasi September dadi 16 server.[2]

Awal taun 2011, Kaskus ngewenehi wara-wara babagan ekspansi bisnise mawa nggawe makarya sama karo Global Digital Prima kang dadi anak perusahaan saka PT Djarum.[1] Saliyané iku, Kaskus uga bakal nambah servere nganti 250 iji sarta nganakake panambahan pegawe anyar nganti wolung puluh wong.[2]

Tanggal 26 Mèi 2012 manajemen Kaskus ngganti manèh domain.us dadi.co.id amarga ana gangguan karo DNS.[2]

Serangan DDOS[besut | besut sumber]

Tanggal 16-17 Mèi 2008, Kaskus nggunakaké tèhnik DDoS (Distributed Denial of Service) déning wong kang asalé saka komunitas YogyaFree.[2] Serangan iku njalari database Kaskus corupt saéngga administrator kapeksa ngunci thread-thread kang wis ana.[2]

Panyerangan mau dikira-kira ana gayutané karo kadadéan perusakan (deface) situs yogyaFree dina sadurungé.[2] Wong kang nyerang ngaku yèn awake salah sijiné anggota Kaskus uga ngewenehi pisuhan ing salah siji pérangan forum YogyaFree.[2] Iki nggawe anggota YogyaFree nesu, lan banjur balik nyerang Kaskus karo DDos. Amergane, adminitrator Kaskus kapeksa matèni server Kaskus.[2]

Perang cyber antawisie komunitas kaloron iki akhire rampung rikala pengelola situs iki nandatangani memorandum online kanggo ngerampungi masalah antawis kaloron.[2] Pesen mau di pamerake sasuwéné pirang-pirang minggu ing kaca situse dhéwé-dhéwé.[2]

Sanajan karusaan kang diakibatake déning serangan iki rada abot, admdinistrator Kaskus njanjeni Kaskus bakal balik normal ing sasi Juli 2008, bareng di entokake server anyar Kaskus ing gedung Cyber, Jakarta.[2] Nanging, dhèwèké uga ngomong manawa data-data kang bakal diketokake manèh ya iku data kang tau dimuat sadurungé taun 2008, lan data kang dimuat taun 2008 ora bisa diketokake manèh.[2]

UU ITE[besut | besut sumber]

Sadurungé UU ITE diresmikake, Kaskus duwé rong forum kontroversial, BB17 lan Fight Club.[3] BB17 singkatan saka buka-bukaan 17 taun, ya iku forum mirunggan kanggo diwasa panggonan kanggo panganggo bisa bagi-bagi gambar utawa carita diwasa.[3] Fight Club ya iku forum kang dikhususake mawa panggonan padu kang bener-bener bébas ora bisa dikontrol.[3] Kerep masalah kang digawe padu ngenani SARA.[3]

Sawisé UU ITE diresmekake, Kaskus banjur nutup BB17 amarga nentang UU ITE ngenani penyebaran materi pornografi.[3] Fight Club diganti jenenge dadi Debate Club.[3] Fight Club lan Debate Club asliné duwé fungsi padha ya iku panggonan kanggo padu, nanging ora bisa bébas kaya biyèn amarga bener-bener dijaga.[3] Yèn dianggep ora layak lan mbahas SARA, mula thread iku bakal dibusek.[3]

Kanggo mbusek carita èlèk Kaskus mawa médhia undergroun lan situs porno, Kaskus nggenti tampilane ing tanggal 17 Agustus 2006.[3] Tampilan anyar kaskus digawe cerah lan wernane akèh.[3] Saliyané iku Kaskus uga nambah fitur-fitur anyar kaya blog lan Kaskus mobile/WAP.[3]

Fitur[besut | besut sumber]

KasPay[besut | besut sumber]

Ana layanan anyar saka Kaskus kang nyediani sistim pambanyaran online kang diwastani Kaspay.[4] Layanan iki wis diremekake Jemuah 6 November 2009, ing acara Ulang taun kaping 10 Kaskus Poste, The East Euilding, Kuningan, Jakarta.[4] Layanan transaksi iki bisa dianggo ora mung ing Kaskus nanging uga bisa dianggo ing situs-situs liya kang kerjasama karo Kaspay.[4]

Kaspay bakal dijalakake kaya E-wallet kang bakal didadèkaké piranti pambayaran dol tinuku ing kabèh transakai online, Kabèh prosès transaksi Kaspay dilakokake mawa transfer dhuwit, saéngga aman saka modus apus krama lan pemalsuan kertu kredit lan amane transaksi kudu dipastekake karo konfirmasi mawa e-mail lan cathetan transaksi.[4]

E-Pulsa[besut | besut sumber]

e-pulsa ya iku layanan saka Kaskus kang nyediakake fasilitas pangisian pulsa lan yèn dhéwé pengen tuku pulsa, dhéwé kudu mbayar migunakaké Kaspay.[5] Kabèh layanan operator disengkuyung ing Kaskus e-pulsa.[5]

Kaskus Ads[besut | besut sumber]

Kaskus Ads utawa KAD ya iku situs yèn dhéwé arep nggawe iklan ing Kaskus, dhéwé bisa manggonake iklan mau, nanging kudu mbayar Kaskus.[6] Layanan Kaskus Ads akèh wong utawa panganggo kaskus kang remen masang iklan ing Kaskus amarga murah lan amarga kaskus saiki duwé punjul telung yuta panganggo.[6]

Kaskus Radio[besut | besut sumber]

Kaskus radio iku Radio Internet Indonésia ing ngisore naungan komunitas kaskus.[7] Kaskus radio kang racaké disingkat KR duwé rongpuluh penyiar.[7] Radio kang muterake lagu nganti 24 jam iki racaké nyetel lagu saka warna-warna basa kaya basa Inggris, Mandarin, Jepang, Koréa lan isih akèh liyané.[7]

Kaskus Mobile[besut | besut sumber]

Kaskus mobile ya iku situs Kaskus kang wis digenti tampilane dadi minimalis saéngga trep karo layar ponsel utawi sing lagi ngetrend saiki ya iku HP Android. Alamat Kaskus mobile ya iku m.kaskus.co.id utawa kask.us.[8] Fitur ing versi iku nduwé watesan.[8]

Sub-forum[besut | besut sumber]

Loe-Ke-Loe[besut | besut sumber]

Panggonan forum para panganggo Kaskus bisa nemu lan ngrembag babagan topik mirunggan, kaya komunitas, hobi, lan apa war kang diseneni.[9] Yèn ditegesi mawa harfiah, “Loe-Ke-Loe” tegesé “saka awakmu kanggo awakmu” utawa ing basa Indonésia “dari Anda, untuk Anda”.[9]

Loe-Ke-Loe nduwé sub-forum kaya:

  • All About Design,[9]
  • AMH (Anime Manga Haven),[9]
  • Teknik,[9]
  • Computer Stuff,[9]
  • Cooking mencooking + restaurant guide,[9]
  • Fit & Healthy Lifestyle,[9]
  • Gadget & Gizmo,[9]
  • Games,[9]
  • Handphone & PDA,[9]
  • Ilmu Marketing,[9]
  • Health & Medical,[9]
  • Lifestyle,[9]
  • Model Kit & R/C,[9]

  • Movies,[9]
  • Music,[9]
  • My Pets,[9]
  • Otomotif,[9]
  • Outdoor Adventures & Nature Club,[9]
  • Photography,[9]
  • Sports,[9]
  • Supranatural,[9]
  • Tanaman,[9]
  • Travellers,[9]
  • Wedding and family,[9]
  • Activity & Hobby,[9]
  • Mobile Broadband.[9]

Cas-Cis-Cus[besut | besut sumber]

Panggonan kang ana forum kanggo panganggo Kaskus bisa ngomong bagagan perkawis apa waé kaya pulitik, berita umum utawa mung ngomongake masalah pribadi.[10] Cas-Cis-Cus duwé sub-forum kaya iki:

  • Welcome to Kaskus,[10]
  • The Lounge,[10]
  • Surat Pembaca,[10]
  • Berita & Pulitik[10]
  • Militer & Kepulisian,[10]
  • Business Board,[10]
  • Can You Solve This Game?,[10]
  • Debate Club,[10]
  • Disturbing Picture,[10]
  • Education[10]

Forum Jual-Beli[besut | besut sumber]

Panggonan kang bisa dianggo déning panganggo bisa nglakokaké dol tinuku barang utawa jasa ya iku Forum Jual Beli.[11] Forum iki dadi salah sijiné forum utama ing Kaskus.[11] barang utawa jasa kang didol ing forum iki akèh banget, saka kaos kang regane Rp.50.00 nganti hak kepemilikan tanah kang regane Rp260.000.000.000.[11]

Forum jaul beli utawa disingkat dadi FJB duwé sub-forum kaya ing ngisor iki:

Kaskus Corner[besut | besut sumber]

Panggonan kang bisa dimanfaatake déning panganggo Kaskus supaya bisa éntuk info ngenani acara utawa kagiyaan kaya bakti sosial, gathering utawa seminar kang dianakake déning Kaskus utawa panganggo kang kadaftar.[12] Kaskus Corner duwé sub-forum:

Terminologi[besut | besut sumber]

Istilah Tegesé
Juragan/Juraganwati Aran kanggo padha-padha panganggo Kaskus.[13] Juragan kanggo panganggo lanang lan juraganwati kanggo panganggo wédok.[13]
Agan/Aganwati Singkatan saka Juragan/Juraganwati.[13]
Kaskuser Panganggo Kaskus (lan uga aran kang nyebutake peringkat Kaskus).[13]
PertamaX Gabungan saka tembung Pertama + X (kali) kang digabung dadi siji (=Pertama kali) saéngga arep padha karo bahan bakar nonsubsidi saka PT Pertamina Tbk.[13] ya iku Pertamax, kang tegesé pisanan ngunggah posting piwales saka thread.[13]
Trit Singkatan saka Thread (kaca kang isiné topik kang digawe déning kaskuser).[13]
TS Singkatan saka Thread Starter (Kaskuser kang miwiti utawa nggawe thread).[13]
Cendol/Ijo-ijo/GRP Aran liya saka Good Reputation Point, poin reputasi apik Kaskuser.[13] Ya iku babagan kang paling dipengenake déning Kaskuser.[13] GRP diwènèhake marang Kaskuser liya kang wis nganti ISO 200, yèn thread kang digawe thread starter dianggep apik.[13] Ing jero Kaskus, GRP asring didadèkaké perkawis taruhan rikala lagi ana tetandhingan.[13]
Bata merah/BRP Aran liya saka Bad Reputation Point, poin reputasi èlèk kanggo Kaskuser.[13]
ISO 2000 Tingkatan kang dibutuhake kanggo ngewenehi CENDOL dan BATA. Diarani ISO 2000 supaya bisa tekan tataran iki kusu éntuk 2000 posting-an.[13] Tembung ISO manawa asalé saka basa Jawa "bisa" kang tegesé bisa ing basa Indonésia.[13] Ana uga kang duwé panyawruh yèn ISO asalé saka International Organisation for Standardisation (ISO 9000:2000).[13]
Kulkas Aran liya Control Panel, panggonan kanggo ndelok cacahé BRP lan GRP kang ditampa.[13]
Maho Singkatan saka "Manusia Homo", ya iku ejekan ing Kaskus kanggo ngarani wong homo utawagay.[13]
TKP Singkatan saka "Tempat Kejadian Perkara", tembung ganti link/tautan.[13]
Mimin Slang saka Administrator Kaskus.[13]
Momod Slang saka Moderator Kaskus.[13]
Enthusiast Tag spesial kanggo kaskuser kang duwé kontribusi ing sub-forum (kecuali FJB).[13]
KSP Singkatan saka subforum Kritik, Saran, lan Pitakonan.[13]
Main tenis Basa Kaskus kanggo maintenance.[13]
No afgan Basa Kaskus kanggo aja sadis ngenyang rega ing Forum Jual Beli (FJB).[13]
BB+17 Basa Kaskus kanggo Buka-Bukaan +17 = gambar diwasa kanggo 17 taun munggah.[13] Biasane kanggo gambar porno utawa gambar semi porno.[13]
Gan Basa Kaskus singkatan saka tembung juragan, aran kanggo panganggo Kaskus.[13]
Pejwan Basa Kaskus saka Page One.[13] Tembung iku asalé saka basa Inggris banjur dieja mawi harfiah ing basa Indonésia.[13]
Jebakan Betmen Istilah kang dianggo déning kaskuser rikala ana link/tautan kang menjebak.[13]
Mejeng Slang saka Pajang/Pamer.[13]
Junk Post sampah kang isiné ora wigati tuladhané: Nice Info Gan![13]
Alay atau 4l4y Singkatan saka Anak Layangan utawa tegesé anak Kampungan/Lebay.[13]
Pertamax Hunter Pemburu Pertamax.[13]
COD Singkatan saka Cash on Delivery; istilah ing forum Jual Beli (FJB) kang dhuwit diwènèhake rikala wong kang nuku lan bakul ketemu ing panggonan kang wis disarujuki.[13]
WTB Singkatan saka Want to Buy, nandhani KAskuser lagi nggolèk barang ing Forum Jual Beli (FJB).[13]
WTS singkatan saka Want to Sell, nandhani Kaskuser lagi pengen ngedol barang ing Forum Jual Beli (FJB)[13]
Sotosop Istilah kanggo ngarani gambar-gambar kang wis diedit nganggo aplikasi komputer (Photoshop).[13]
Nubitol Istilah kanggo ngarani Newbie kang ora maca rules utawa nglanggar aturan.[13]
+1 Istilah kanggo nambah postingan.[13]
Barcen Singkatan saka Barter Cendol.[13] Kagiyatan kang kerep dilakokake ing anggota kang wis ISO 2000.[13]
Spidol Singkatan saka Speedy Dodol.[13]
Dodol Lambat, lemot, utawa èlèk[13]
Kirbal Singkatan saka Kirim balik.[13]
Fullbar Istilah kanggo ngarani jumlah balok cendol paling akèh kang diketokake ing user=11 balok=1500 GRP/cendol[13]
Sista Aran kanggo kaskuser wédok[13]
Repost/Repsol Istilah kanggo thread/post jiplakan, utawa mbaleni thread/post[13]
Dejavu Aran liya saka repost[13]
Mikocok Basa kaskus kanggo Microsoft[13]
Dopost/Dobol/Dopsol 2 Post kang urut.[13]
Kloningan/Klonengan ID utawa username kaping 2. saka tembung clone.[13]
Geje/Gaje/GJ Singkatan saka Gak Jelas tegesé ora cetha.[13]
Donat Singkatan kanggo Donatur.[13]
Copas Singkatan kanggo Copy Paste. Tegesé mung jiplak banjur disalin.[13]
DP Singkatan kanggo Disturbing Picture.[13] Biasane dianggo rikala ana gambar kang ngganggu.[13]
IGO Singkatan kanggo Indonésian Girls Only.[13] Singkatan iki dianggo kanggo ngarani foto modhel saka Indonésia[13]
Sundul Istilah kang racaké kaggo ngetokaké menyang kaca pisanan ing forum supaya luwih akèh komentar.[13]
Komeng Basa Kaskus kanggo komentar.[13]
KW Istilah FJB kanggo Barang Tiruan.[13] Saya cilik angka ing burine KW, saya apik kualitase.[13]
Fullset Istilah liya Full Aksesoris[13]
Ongkir Singkatan kanggo Ongkos Kiriman[13]
Nego Slang kanggo menyang-nyangan[13]
Sedot Basa Kaskus kanggo unduh[13]
Kripik Pedas Basa Kaskus kanggo Kritik Pedas[13]

Cathetan suku[besut | besut sumber]

  1. a b c d e f g h i j k Sejarah Kaskus (dipunundhuh tanggal 20 Oktober 2012)
  2. a b c d e f g h i j k l m n o p q r s t u Kaskus ganti domain (dipunundhuh tanggal 20 Oktober 2012)
  3. a b c d e f g h i j k Dibalik Sukses Kaskus (dipunundhuh tanggal 20 Oktober 2012)
  4. a b c d Fitur Utama Kaskus (dipunundhuh tanggal 20 Oktober 2012)
  5. a b epulsa kaskus (dipunundhuh tanggal 20 Oktober 2012)
  6. a b Kad Kaskus (dipunundhuh tanggal 20 Oktober 2012)
  7. a b c KAskus Radio (dipunundhuh tanggal 20 Oktober 2012)
  8. a b Mobile broadband (dipunundhuh tanggal 20 Oktober 2012)
  9. a b c d e f g h i j k l m n o p q r s t u v w x y z aa ab Loe-Ke-Loe (dipunundhuh tanggal 20 Oktober 2012)
  10. a b c d e f g h i j k l m n o p q r s t u Kaskus Casciscus (dipunundhuh tanggal 20 Oktober 2012)
  11. a b c d e f g h i j k l m n o p q r s t u v w x y z aa ab ac ad ae af ag ah ai aj ak al Seputar Forum Jual Beli Kaskus (dipunundhuh tanggal 21 Oktober 2012)
  12. a b c d e Kaskus Korner (dipunundhuh tanggal 21 Oktober 2012)
  13. a b c d e f g h i j k l m n o p q r s t u v w x y z aa ab ac ad ae af ag ah ai aj ak al am an ao ap aq ar as at au av aw ax ay az ba bb bc bd be bf bg bh bi bj bk bl bm bn bo bp bq Istilah-istilah di Kaskus (dipunundhuh tanggal 21 Oktober 2012)