Kapri

Saka Wikipédia Jawa, bauwarna bébas abasa Jawa
Kapri
Peultjes peultjes Pisum sativum mange-tout.jpg
Kapri ing kebon
Klasifikasi ngèlmiah
Karajan: Plantae
Dhivisi: Magnoliophyta
Klas: Magnoliopsida
Ordho: Fabales
Famili: Fabaceae
Subfamili: Faboideae
Tribe: Vicieae
Génus: Pisum
Spésies: P. sativum
Jeneng binomial
Pisum sativum
L.

Kapri utawa kacang kapri (Pisum sativum L. ssp. sativum, suku polong-polongan utawa Fabaceae) iku sajenis tetanduran janganan sing gampang ditemoni ing pasar-pasar tradhisional Indonésia. Kapri kalebu ing golongan janganan woh, tegesé wohé sing dipangan minangka janganan lan ora digolongaké minangka who-wohan, kaya ta uga tomat utawa cabé. Woh iki, sing tipené polong (legume), dipanèn nalika isih enom lan wijiné durung sampurna, saéngga wanguné pipih lan isih empuk. Yèn ketuwan dipanèn polong kapri seraté kandel lan ora énak manèh dipangan.

Kapri isih sajenis karo ercis (sok-sok kesaru) lan kalebu salah siji janganan sing paling dhisik dikonsumsi manungsa. Ana sapérangan bukti budidaya ing wilayah wewatesan Thailand lan Myanmar 12 èwu taun kapungkur.[1]. Tetanduran kapri, sing tuwuh apik ing dhataran dhuwur, tuwuh mrambat saéngga merlokaké panyangga sajeroning budidayané. Ing Indonésia racaké disangga mawa tonggak-tonggak tipis saka pring.

Ana rong tipe kapri sing rada béda senadyan kaloronébisa dipangan polongé sacara kasluruhan. Sing pisanan ya iku sing wijiné pipih lan ditepungi minangka snow pea (Klompok budidaya axiphium). Tipe iki populèr ing Indonésia. Tipe sing kaloro ya iku sing wijiné bunder lan ditepungi minangka snap pea utawa sugar snap pea (Klompok macrocarpum).

Masakan sing migunakaké kapri akèh-akèhé ya iku panganan kanthi prabawa Tiongkok, kaya ta sega gorèng. Capcay uga asring dilengkapi nganggo kapri. Jangan kapri uga bisa ditumis utawa dadi salah sawijining bahan sop.

Rujukan[besut | besut sumber]