Kansai

Saka Wikipédia Jawa, bauwarna bébas abasa Jawa

Kansai (関西) ya iku istilah kang digunakaké kanggo nyebutaké wewengkon Jepang ing sisih kulon Pulau Honshu kang kasusun saka 9 prefektur: Fukui, Mie, Shiga, Kyoto, Osaka, Hyogo, Nara, Wakayama, lan Tokushima.

Senajan laladan Kansai mung manggoni 11% saka ambané wewengkon Jepang, 19,2% saka sekabèhingpopulasi pendhudhuk Jepang ana ing laladan Kansai, lan 19,3% PNB Jepang asalé saka laladan Kansai.

Istilah liya kanggo nyebutaké laladan ing sekitar kutha krajan kakaisaran Jepang jaman kuno ing Kyoto ya iku Kinki Chiho (近畿地方). Laladan Kinki kasusun saka 6 prefektur: Shiga, Kyoto, Hyogo, Osaka, Nara, lan Wakayama. Istilah Kinki asalé saka tembung "Kin" (近, sekitar) lan "Ki" (畿, istana kaisar). Sajroning buku pelajaran Geografi, prefektur Mie lan Fukui uga dilebokaké ing laladan Kinki.

Padatan, istilah Kansai luwih musiwur tinimbang istilah Kinki Chiho. Istilah Kansai lluwih akèh digunakaké ing samubaranag kang asipat sosial kamasarakatan, déné istilah Kinki Chiho kanggo samubarang kang asipat ilmiah, kaya déné panulisan sajarah, kartografi, lan prakiran cuaca. Istilah wong Kansai (関西人, Kansai-jin) ngacu marang wong kang manggon ana ing laladan Kansai, ananging ota tau ana sesebutan wong Kinki.

sajroning basa Inggris, istilah laladan "Kinki" biyasané uga ora digunakaké kanggo ngindari salah pangertèn.

Delengen uga[besut | besut sumber]

Cithakan:Jepang-geo-stub

Sumber artikel punika saking kaca situs web: "https://jv.wikipedia.org/w/index.php?title=Kansai&oldid=1015210"