Iwak Salmon

Saka Wikipédia, bauwarna bébas basa Jawa
Ilustrasi salmon pejantan saking spesiès utami salmon Pasifik nalika musim kawin lan bertelur.

Iwak Salmon punika jinising iwak segara saking famili Salmonidae. Jinis iwak sanès ingkang satunggali famili kaliyan ulam salmon punika ulam trout. Ingkang béda punika migrasi uriping ulam salmon katandingaken kaliyan iwak trout ingkang netep. Ulam salmon punika netep wonten ing Samudra Atlantik lan Samudra Pasifik.

Ulam Salmon (oncorhynchus mykiss) punika kagungan kemampuan renang ingkang cepet. Spesies punika saged tuwuh dumugi 1.220 mm kanthi bobot dumugi 16,3 kg. Ulam punika mirip kaliyan ulam trout sanèsipun kanthi wujuding kepala ingkang radi ageng lan posisi lambé dumugi ing sawingkinging mripat. Ulam salmon punika kagungan warni ingkang macem-macem. Ulam ingkang gesang wonten ing tlaga padatanipun kagungan warni perak kanthi tambahan warni ijo peteng ing bagéyan wingking, wonten ugi ingkang warni biru ing bagéyan wingking. Ananging kathahipun ulam punika mliginipun ingkang gesang wonten ing dhaérah ingkang dangkal lan ing tlaga kagungan warni arupi lingkungannipun [1].

Kanthi umum, ulam salmon punika saking spesiès anadromous ya iku spesies ingkang migrasi kangé kembang biak. Salmon punika lair wonten toya tawar, migrasi dhateng lautan, lajeng balik malih dhateng toya tawar kanggé reproduksi.

Siklus gesang[besut | besut sumber]

Ulam salmon, salah satunggaling jinis ulam ingkang kagungan angka gizi ingkang paring manfaat dhateng manungsa. Jinis ulam punika saged gesang wonten ing perairan tawar lan segara, lan kalebet salah satunggal komoditi asiling perikanan ingkang kathah dipun-konsumsi déning masarakat.

Ulam salmon kalebet satunggaling ulam saking jinis kewan andromous, inggih punika ulam ingkang nglampahi imigrasi kanggé berkembang biak [2].

Siklus gesang ulam salmon kawiwitan saking perairan tawar kados lèpèn utawi kali. Wonten ing mriki endog ulam salmon netes (padatanipun wonten ing wulan November). Nalika tahap punika tingkat matining ulam ageng sanget. Saking total endog ingkang dipunbuahi, kirang langkung namung setengahipun ingkang saged netes. Ulam enggal ingkang nembé netes punika kagungan nama Alevin ingkang gesang wonten ing tumpukan krikil ing dhasaring kali lan mangan plankton. Saksampunipun panganan telas, alevin banjur medal saking krikil (wulan Mei utawi Juni). Ing tahap punika ulam salmon dipunwastani Fry. Lajeng fry tuwuh lan berkembang dados Smolt ingkang gerak dhateng muara lèpèn tumuju segara [3].

Taun kapisan gesang wonen ing segara dados tahap kritis ulam saldon ngadepi para predator segara. Predator ingkang mangan ulam salmon kanthi cacah ingkang kathah inggih punika anjing segara. Kejawi punika wonten singa segara, beruang, manuk, ugi manungsa dados ancaman gesanging ulam salmon.

Cathetan suku[besut | besut sumber]

  1. ^ [1], (id) http://www.karantina.deptan.go.id (dipun-akses tanggal 02 Desember 2012).
  2. ^ [2], (id) http://www.iftfishing.com (dipun-akses tanggal 02 Desember 2012).
  3. ^ [3], (id) Siklus hidup ikan salmon (dipun-akses tanggal 02 Desember 2012).
Sumber artikel punika saking kaca situs web: "https://jv.wikipedia.org/w/index.php?title=Iwak_Salmon&oldid=997009"