Hermes

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Hermes
Patung Hermes.
Patung Hermes.
Mbeta pesen para dewa, dewa sesadean, lelampahan
Simbul Kadukeus, sandhal ingkang wonten swiwinipun, bulus, lira, pitik jagos,
Pasangan Merope
Wong tuwa Zeus lan Maia
Anak Pan, Hermafroditos, Tikhe, Abderos, Autolikos, Eunomia, Rhodos, lan Peitho
Padanan jroning mitologi Romawi Merkurius

Hermes (Basa Yunani : Ἑρμῆς) menika dewa ingkang mbeta pesen wonten ing mitologi Yunani. Hermes menika wiyos wonten ing Gunung Kellina ing Arkadia. Hermes putra saking Zeus lan Maia sarta kalebet salah satunggaling dewa Olimpus. Hermes menika pelindung dhaérah winatesan, para pangelana, gembala, sesorah, sastra lan puisi, olahraga, pangukuran, patemon, lan sesadéan [1][2]. Simbolipun kadosta bulus, pitik jago, sandhal lan topi ingkang wonten swiwinipun, lan kadukeus ( tongkat saking Apollo saking patemon Lira). Wonten ing mitologi Romawi, Hermes menika minangka Merkurius, dewa perdagangan ingkang dipunadaptasi saking mitologi Etruska.

Kejawi manggihaken lira, Hermes ugi dipunpitadosi manggihaken manéka jinis olahraga kadosta gulat, balap, lan tinju saéngga dipunwastani minangka dewa atletik. Hermes menika dados palindung para olahragawan lan paring pambiyantu dhateng altet ingkang gerah. Para pelancong ugi pari sesembahan dhateng Hermes sadèrèngipun tindakan supados slamet anggènipun tindakan.

Minangka dewa ingkang mbeta pesen, Hermes gadhah tugas ngirim pesen saking para dewa ing Olimpus dhateng para manungsa. Hermes ngginakaken sandhal ingkang wonten swiwinipun nalika nglampahi tugasipun. Tugas mbeta pesen ugi dipunlampahi déning dewi Iris. Kejawi menika Hermes ugi gadhah tugas paring pambiyantu dhateng para roh supados manggihaken mergi dhateng dunia bawah. Hermes menika salah satunggaling dewa ingkang saged mlebet lan medal dunia bawah kanthi bebas. Dene dewa sanèsipun ingkang saged nglampahi perangan kasebat inggih menika Hades, Persefone, Hekate, lan Thanatos.

Hermes menika dewa paling enèm nomor kalih ing antawisipun dewa Olimpus sasampunipun Dionisos. Hermes ugi wonten hubungan kalihan Afrodit lan kagungan laré kanthi nama Hermafroditos.

Etimologi[sunting | sunting sumber]

Patung sirah Hermes saking abad kaping 5 SM, nedahaken citra wiwitan Hermes minangka priyantun kakung ingkang sepuh.

Nama Hermes menika asalipun saking Basa Yunani, herma. Déné Herma menika cagak persegi saking watu utawi perunggu ingkang wonten patung sirah ing bagéyan nginggil lan patung alat kelamin priyantun kakung ing bagéyan ngandhapipun. Nalika masa kuno, cagak menika padatanipun mapan wonten ing dhaérah watesan supados dados kabegjan. Pérangan menika wonten gegayutanipun kalihan peran Hermes ingkang wiwitanipun kalebet simbol alat kelamin lan watesan sadèrèngipun dipunsembah minangka dewa perdagangan lan perjalanan [3].

Pamujan[sunting | sunting sumber]

Kuil Hermes wonten ing Yunani lan pusat pamujanipun wonten ing Feneros, Arkadia, papan kanggé festival Hermonea ingkang dipunwontenaken kanggé paring pakurmatan. Kathah lukisan tembok ingkang dipunpersembahaken dhateng Hermes kapanggihaken wonten ing agora kutha Athena. Wonten ing gegayutanipun kalihan agora (pasar), Hermes menika minangka dewa pelindung perdagangan [4].

Ajejuluk[sunting | sunting sumber]

Patung ingkang nggambaraken Hermes ingkang mbeta domba Krioforos.

Hermes menika kagungan kathah ajejuluk kadosta :

  • Krioforos (ingkang mbeta wedhus utawi domba),
  • Argeifontes (ingkang mateni Argus),
  • Agoraios (ingkang kagungan agora),[4]
  • Akakesios (saking Akakos),
  • Kharidotes (ingkang paring pesona),
  • Killenios (wiyos wonten ing Gunung Killene),
  • Diaktoros (ingkang mbeta pesen),
  • Dolios (ingkang ngatur strategi utawi siasat),
  • Enagonios (panguasa perlombaan),
  • Enodios (ing lelampahan),
  • Epimelios (njagi ternak),
  • Eriounios (ingkang mbeta kabegjan),
  • Psikhopompos (pengantar roh),
  • Poligios.


Cathetan suku[sunting | sunting sumber]

  1. ^ Norman O. Brown, Hermes the Thief: The Evolution of a Myth, (Madison: University of Wisconsin Press), 1947.
  2. ^ Walter Burkert, Greek Religion 1985 section III.2.8; "Hermes." Encyclopedia Mythica from Encyclopedia Mythica Online.
  3. ^ Crystalink: Hermes
  4. ^ a b Mabel Lang (1988) (PDF). Graffiti in the Athenian Agora. Excavations of the Athenian Agora (rev. ed.). Princeton, NJ: American School of Classical Studies at Athens. p. 7. ISBN 87661-633-3. http://www.ascsa.edu.gr/publications/upload/Graffiti%20in%20the%20Athenian%20AgoraLR.pdf. Retrieved 2007-04-14.

Pranala Njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Hermes&oldid=835968"