Afrodit

Saka Wikipédia Jawa, bauwarna bébas abasa Jawa

Cithakan:Infobox déwa Yunani Afrodit (Yunani: Ἀφροδίτη) ya iku dèwi katresnan, kacantikan, lan sèksualitas ana ing mitologi Yunani.[1][2] Ana rong vèrsi lègendha kang béda ngenani kalairané Afrodit.[1][2] Vèrsi pisanan nyebutaké yèn Afrodit iku putri saka Zeus lan Dione, nanging lègendha iki kurang populèr.[3] Vèrsi kaping loro ya iku adhedhasar marang Theogonia karya Hesiodos, kang nyebutaké yèn Afrodit dilairaké saka piranti kelamin Uranus kang ditugel déning Titan Kronos lan diuncalaké menyang segara.[2] Piranti kelamin iku banjur katutu déning buih segara lan saka buih-buih iku mau banjur Afrodit lair.[2] Amarga ayuné, para déwa kewedèn yèn Afrodit bakal nyebabaké papecahan ana ing antarané para déwa, mula saka iku Zeus banjur ngramaké Afrodit karo Hefaistos.[2] Nanging Afrodit duwé katresnan kang akèh saka kalangan déwa, kaya Ares, utawané saka kalangan manungsa, kaya Ankhises.[2]

Afrodit ya iku tokoh wigati ana ing lègendha Eros lan Psikhe, lan uga dadi ibu angkat lan uga dadi pacangan saka Adonis.[2] Akèh manungsa lan déwa minor kang disebut-sebut dadi anak saka Afrodit.[2] Salah siji putra saka Afrodit kang misuwur ya iku Eros (Cupid), déwa asmara.[3][1][2]

Afrodit uga ditepungi dadi Kithireia (Wanita saka Kythira) lan Kipris (Wanita saka Siprus) amarga kaloro panggonan mau dianggep dadi panggonan kalairané Afrodit.

Ana ing mitologi Romawi, dhèwèke ditepungi dadi Venus.[1] Wong Yunani uga ngidhèntikaké dèwi Mesir kuna, Hathor, karo Afrodit.[4]

Afrodit duwé jeneng liyané kaya Akidalia, Kythereia lan Kerigo, kang digunakaké ana ing sawijining laladan ing Yunani.[4]

Tanduran myrtle, manuk dara, manuk gréja, jaran lan banyak dikramataké kanggo dhèwèke.[1][2]

Cathetan sikil[besut | besut sumber]

  1. ^ a b c d e Pantheon.org
  2. ^ a b c d e f g h i j "Aphrodite"
  3. ^ a b Masalah sitiran: Tenger <ref> ora trep; ora ana tèks tumrap refs kanthi jeneng eros
  4. ^ a b Reginald Eldred Witt, Isis in the ancient world (Johns Hopkins University Press)1997:125. ISBN 0-8018-5642-6

Pranala njaba[besut | besut sumber]

Cithakan:Déwa Dewi Yunani