Hefaistos

Saka Wikipédia Jawa, bauwarna mardika basa Jawa

Hefaistos (Grikenlan: Ἥφαιστος, Hēphaistos) ana ing mitologi Yunani ya iku déwa tèknologi, pandhé wesi, pengrajin, pemahat, logam, metalurgi, geni, lan gunung geni.[1] Ana ing mitologi Romawi dhèwèké ditepungi dadi Vulkanus.[2] Hefaistos ya iku putra saka Zeus lan Hera.[2] Dhèwèké duwé peran dadi pandhé wesi kanggo para déwa utawa asring nggawé piranti lan gegaman kang migunani kanggo para déwa.[2] Hefaistos disembah ana ing kabèh panggon indhustri lan manufaktur ing Yunani mligi ana ing Kutha Athena.[2] Simbol saka Hefaistos ya iku palu, landhesan wesi, lan panjepit. Dhèwèké uga digambaraké lagi nyekel kapak. Kuil Hefaistos manggon ana ing cedhaké agora ing kutha Athena.[2]

Silsilah[besut | besut sumber]

Ana ing Odisseia lan kamungkinané ana ing Iliad, Hefaistos lair saka gayutané Zeus karo Hera. Ana ing carita liyané, Hera nglairaké Hefaistos dhéwé, Hera nglakokaké amarga Zeus uga nglairaké Athena dhéwé.[2] Nanging ana ing lukisan-lukisan vas ing Attika, Hefaistos digambaraké wis ana sadurungé kelairané Athena.[2] Hefaistos dilukisaké nyekel kapak kanggo nyigar sirahé Zeus lan ngetokké Athena.[2] Ing ngisor iki keturunan saka Hefaistos:

  1. Afrodit
  2. Aglaia
  3. Gaia

Uga delengen[besut | besut sumber]

Cathetan sikil[besut | besut sumber]

  1. [Walter Burkert, Greek Religion 1985: III.2.ii)]
  2. a b c d e f g h www.eocommunity.com

Pranala njaba[besut | besut sumber]

Cithakan:Déwa Dewi Yunani