Persefone

Saka Wikipédia Jawa, bauwarna bébas abasa Jawa

Cithakan:Infobox déwa Yunani

Persefone (Kore atau Cora) wonten ing mitologi Yunani punika kalebet perwujudan saking suburing bumi. Wonten ing wekdal ingkang sami ugi dados ratu saking donya bawah. Persefone punika putri saking Demeter lan Zeus [1], ingkang kagarwa déwa Hades, sang panguwaos donya bawah.

Figur saking Persefone cekap kawéntar ing masa punika. Kisahipun gadhah nilai emosi ingkang ageng, satunggaling priyantun èstri ingkang lugu, satunggaling ibu ingkang sisah sanget nalika larenipun dipunculik, ugi ingkang suka cita nalika larénipun kondur. Cariyos punika ugi kaginakaken minangka satunggaling paradigma legénda babagan prosès alamiah nalika gantosing mangsa (musim) [2].

Persefone wonten ing mitologi[besut | besut sumber]

Kisah nalika dipunculik[besut | besut sumber]

Boten kados katurunan para déwa, Persefone punika gesang kanthi tebih saking para déwa sanèsipun. Persefone ugi dipunurus déning ibunipun, Demeter sang dewi pertanian. Kacariyosaken déwa kaods Hermes, Apollo, Ares, lan Hefaistos, naté remen kaliyan Persefone, ananging Demeter nampik sadaya peparingan lan bebungah saking sadaya punika. Lajeng Demeter ndelikaken Persefone tebih saking para déwa kasebut saéngga Persefone gesang kanthi tentrem saderengipun piyambakipun dados dewi saking donya bawah. Pagesanganipun ewah, nalika piyambakipun dupunculik déning Hades, ingkang medal saking rekahanipun bumi. Kala punika Hades sesarengan kaliyan Athena lan Artemis nembé ngopeksekar. Ing swasana sisah, Demeter pados Persefone. Lajeng Helios, déwa srengéngé ingkang mirsani sadaya kadadosan nalika Persefone dipunculik banjur nyariosaken dhateng Demeter.

Pungkasan, amargi pikantuk tekanan saking kathah pihak, Zeus meksa Hades supados ngonduraken Persefone. Ananging sampun dados seratan bilih sinten kemawon ingkang sampun dhahar lan ngunjuk saking donya bawah badhé gesang kanthi kekal wonten ing mriku. Saderengipun Persefone dibeta dhateng Hermes, ingkang sampun kautus kagem mbebasaken Persefone, Hades ngakali Persefone supados nedhi woh delima, ingkang ndadosaken kepeksa kondur malih ing donya bawah. Kala punika Demeter kepanggih malih kaliyan Persefone, bumi mlimpah kaliyan tuwuhan ingkang manéka warni, ananging pinten wulan salajengipun nalika Persefone kondur ing donya bawah, bumi dados gersang lan surem. Punika kisah wiwitan gantosing mangsa.

Cathetan suku[besut | besut sumber]

  1. ^ (id) http://www.infopusat.com/kisah-hukuman-dalam-mitologi-yunani/, Kisah hukuman dalam mitologi Yunani (dipunakses tanggal 31 Januari 2013)
  2. ^ (id) http://www.beritaunik.net/unik-aneh/dewa-dan-dewi-dalam-mitologi-yunani.html, Déwa dan Dewi dalam mitologi Yunani (dipunakses tanggal 31 Januari 2013)

Persefone wonten ing astronomi[besut | besut sumber]

Persephone punika nama saking sabuk utama asteroid kanthi diameter 49.1 km, ingkang kapanggih déning Max Wolf nalika taun 1895 ing Heidelberg.

Pranala njawi[besut | besut sumber]