Bulus

Saka Wikipédia Jawa, bauwarna mardika basa Jawa
Bulus
Kalamangsa: Mangsa Trias - saiki
Bulus kotak Florida Terrapene carolina
Klasifikasi ngèlmiah
Karajan: Animalia
Filum: Chordata
Klas: Sauropsida
Ordho: Testudinata
Linnaeus, 1758
Subordo
Cryptodira
Pleurodira

Ngenani suku-suku Testudinata, Deleng uga ing uraian.

Bulus lan penyu iku kéwan sisik kang dhuwèni sikil papat (4) kagolong kulawarga reptil. Kulawarga kéwan mau kalebu (ordho) Testudinata (utawaChelonians) iki asli lan gampang dikenali amarga anané omah utawa thothok (bony shell) kang atos lan kaku. Ing basa Latin uga sok diarani Trionyx cartilagineus.

Thothok bulus iku kapérang dadi rong pérangan. Bagean ndhuwur kang nutupi geger mau karapas (carapace) lan pérangan ngisor (ventral, weteng) mau plastron. Banjur pérangan iki kapérang manèh dadi rong lapis. Pérangan njaba lumrahé wujud sisik-sisik gedhé lan atos, kaya gendhèng. Pérangan sing njero wujud lèmpèng balung kang kasusun rapet kaya ta thothok.

Ing kulawarga labi-labi (Trionychoidea) lan jinisé bulus brimbing, kulit njabané ora ana sisiké lan pérangan njaba thothok ana balungé. Ing basa Indonésia, ana telung (3) kulawarga kéwan kang kagolong bangsa, yaiku penyu (basa Inggris: sea turtles), labi-labi utawa bulus (freshwater turtles), lan kura-kura (tortoises). Ing basa Inggris, kapérang dadi bulus dharat (land tortoises) lan bulus banyu tawa (freshwater tortoises utawa terrapins).

Pranala njaba[besut | besut sumber]