Donburi

Donburi

Katsudon
Panggonan asal	Jepang
Woworan pokok	sega putih
Buku masakan: Donburi  Médhia: Donburi

Tendon

Donburi (丼, donburi, don) iku jinis panganan saka Jepang wujud sega putih kang diwènèhi pirang-pirang lawuh ing dhuwure kaya ta iwak, daging lan jenanganan ana duduhe kang disajekake sajeroning mangkok gedhé. Duduh donburi kaukuran ing jinis panganan, nanging padatan wujud dashi dicampur karo kecap asin lan mirin.

Sajarah

Unadon wiwit misuwur ing abad kaping 19, déné Fukagawadon misuwur ing jaman Edo periode pungkasan. Gyudon misuwur dikenal ing periode awal jaman Meiji, déné Uyakodon wiwit dikenal ing taun 1891. Ing taun 1913 wiwit dikenal Sōsu Katsudon, déné Katsudon kang ana saiki, dikenal wiwit taun 1921.

Miturut budaya dhahar kang dikenal wiwit jaman dhisik ing Jepang, sega putih kudu disajekake sajeroning mangkuk cilik kanthi lawuh kang diselehake ing piring kang béda. Dhahar sega kanthi lawuh kang diselehake ing dhuwure dianggep ora sopan, mula cara dhahar kanthi nyelehake sega ing porsi gedhé sajeroning mangkuk donburi dianggap nglanggar aturan. Donburi dianggap cara dhahar kang praktis amarga sega disajekake barengan lawuh, mula duduh kang ngresep sajeroning sega kaanggep minangka kalezatan dhéwé. Ing Jepang, Donburi dianggap panganan rakyat amarga ora bakalan bisa nikmati sega sajeroning mangkuk donburi sinambi manut sakabehing etika dhahar.

Jinising Donburi

• Unadon (うな丼, 鰻丼): sega lawuh welut Unagi kang dimasak cara kabayaki (dipanggang nganti matang karo dioles saus manis-asin), dinikmati karo bumbu penyedap mrica shicuan.
• Oyakodon (親子丼): sega putih lawuh potongan daging pitik, jamur shiitake lan bawang bombay kang dimasak karo endhog pitik lan dashi.
• Fukagawadon (深川丼): sega putih disiram lawuh wujud daging kerang lan onclang kang dimasak karo sup miso.
• Gyūdon (牛丼, beef bowl): sega putih lawuh irisan tipis daging sapi lan bawang bombay kang dimasak kaya semur karo dashi, kecap asin, lan mirin.
• Katsudon (カツ丼): Sega putih lawuh tonkatsu lan disiram saus kenthel
• Tendon (天丼): Sega putih lawuh pirang-pirang jinis tempura kaya ta urang, terong, labu parang, lan nori kang disiram karo duduh kenthel saka kecap asin, gula, lan dashi.
• Karēdon (カレー丼): Sega putih karo lawuh pirang-pirang kari ala Jepang kang isiné onclang, aburage utawa daging.
• Ikuradon (いくら): Sega putih lawuh endhog iwak mentah kang diarani Ikura.
• Unidon (ウニ丼): Sega putih karo lawuh kéwan laut jenenge bulu babi (uni) kang didhahar mentah.
• Tanindon (他人丼): Jinis Oyakodon kang nganggo daging, diarani tanin (他人, wong liya) amarga daging lan endhog pitik ora ana gegayutane karo seduluran.
• Chūkadon (中華丼): Sega putih lawuh capcay daging lan jejanganan.
• Tekkadon (鉄火丼): Sega putih lawuh irisan iwak tongkol mentah lannori.
• Butadon (豚丼): Jinis gyudon kang nganggo daging babi.
• Mabodon (マーボー丼): Sega putih kang disiram karo masakan tahu lan daging kang diarani mápó dòufu.