Kabayaki
Kabayaki (蒲焼、蒲焼き、かばやき?) ya iku sawijining cara masak iwak ing masakan Jepang. Sawisé disigar lan dibuwang isi weteng lan balung, iwak disundhuk nganggo sundhukan wesi utawa sujèn (sundhukan sate saka pring), lan diwènèhi saus kang digawé saka campuran kecap asin, mirin, gula pasir, lan sake.
Kabayaki dumadi saka tembung kaba atau gama (蒲?), jeneng Jepang kanggo tuwuhan banyu kang diarani stok (Typha latifolia), lan yaki (焼?). Kembang Typha latifolia wujudé gilig, wernane coklat semu emas kaya unagi kang disundhuk lan dibakar.[1]
Iwak kang padatan digawé kabayaki, tuladhané sidat Jepang (jeneng Jepang:unagi), Conger myriaster (anago), sauri pasifik (sanma), lan sarden (iwashi). Sanajan kaya mangkono, iwak kang paling kerep digawé kabayaki ya iku sidat jepang lan Conger myriaster. Kang diarani kabayaki ya iku unagi kabayaki. Sauri pasifik lan sarden kang dimasak cara kabayaki luwih kerep didol minangka panganan kaleng.
Ana rong teknik masak kanthi cara kabayaki, ya iku kanthi cara Kanto lan cara Kansai. Ing tlatah Kanto, iwak dikukus dhisik nganti mateng, banjur dipanggang. Déné ing tlatah Kansai, iwak dipanggang tanpa dikukus.[2] Nalika dikukus, gajih ing unagi kalong. Awit saka iku, gajih unagi kabayaki cara Kanto luwih sithik tinimbang unagi kabayaki cara Kansai.[2]
Cathetan suku
[besut | besut sumber]- ↑ Meikyo Kokugo Jiten, Kitahara Yasuo, ed. Tokyo: Taishukan, 2002. ISBN 4-469-02106-7
- ↑ a b "東西のうなぎの蒲焼き". Tokyo Gas. Diarsip saka sing asli ing 2011-09-16. Dibukak ing 2010-07-26.
 | Artikel magepokan panganan iki minangka artikel rintisan. Kowé bisa ngéwangi Wikipédia ngembangaké. |