Welut

Saka Wikipédia Jawa, bauwarna bébas abasa Jawa
Welut
Monopterus albus 2.jpg
Welut sawah Monopterus albus
Klasifikasi ngèlmiah
Karajan: Animalia
Filum: Chordata
Klas: Actinopterygii
Ordho: Synbranchiformes
Subordho: Synbranchoidei
Famili: Synbranchidae
Genera
Macrotrema
Monopterus
Ophisternon

Synbranchus

Welut iku saklompok iwak awujud memper ula sing kalebu sajeroning suku Synbranchidae. Suku iki dumadi saka patang genera kanthi total 20 jinis. Jinis-jinisé akèh sing durung dirinci kanthi pepak saéngga angka-angka iku bisa owah. Anggotané asipat pantropis (tinemu ing kabèh laladan tropika).

Welut béda karo sidat, sing kerep dianggep padha. Welut imung duwé sirip ing buntut sing uga karedhuksi, déné sidat isih duwé sirip sing cetha. Ciri khas welut liyané ya iku ora mawa sisik (utawa mung sethithik), bisa ambegan saka udara, bukaan insang ciut, ora duwé kanthong langi lan balung iga. Welut praktis minangka kéwan banyu tawa, déné akèh-akèhé sidat urip ing segara sanadyan ana uga sing urip ing banyu tawa. Mata welut akèh-akèhé ora bisa fungsi kanthi apik; jinis-jinis sing manggon ing guwa malahan wuta.

Ukuran awak warna-warna. Monopterus indicus mung ukuran 8,5 cm, déné welut marmer Synbranchus marmoratus diweruhui bisa nganti 1,5m. Welut sawah, sing biyasa tinemu ing sawah lan didol kanggo mangan, bisa dawané nganti watara 1m (sajeroning basa Betawi disebut moa).

Akèh-akèhé welut ora seneng nglangi lan luwih seneng ndhelik ing sajeroning blethok. Kabèh welut iku pamangsa. Pratélan mangsané racaké arupa kéwan-kéwan cilik ing rawa utawa kali, kaya ta iwak, kodhok, srangga, sarta krustasea cilik.

Anggota[besut | besut sumber]

  • Genus Macrotrema
    • M. caligans
  • Genus Monopterus
    • M. albus, welut sawah
    • M. boueti, welut Liberia
    • M. cuchia, welut cuchia
    • M. desilvai
    • M. digressus
    • M. eapeni
    • M. fossorius, welut Malabar (India)
    • M. hodgarti, welut India
    • M. indicus, welut Bombay
    • M. roseni
  • Genus Ophisternon
    • O. aenigmaticum
    • O. afrum, welut Guinea
    • O. bengalense, welut Benggala
    • O. candidum, welut gua
    • O. gutturale, welut Australia
    • O. infernale, welut gua (buta)
  • Genus Synbranchus
  • S. lampreia
  • S. madeirae
  • S. marmoratus, welut marmer

Uga delengen[besut | besut sumber]

Pranala njaba[besut | besut sumber]