Conraua goliath

Saka Wikipédia, bauwarna bébas basa Jawa
Goliath frog
Status konsèrvasi
Klasifikasi èlmiah
Krajan: Animalia
Filum: Chordata
Kelas: Amphibia
Ordo: Anura
Kulawarga: Ranidae
Marga: Conraua
Jinis: C. goliath
Jeneng binomial
Conraua goliath
(Boulenger, 1906)

Conraua goliath utawa Kodhok Goliath ya iku spesies kodhok paling gedhe kang isih nyisa ing Bumi.[1] Kodhok iki bisa urip nganti 13 inci (33 cm) ya iku saka moncong nganti buntut, lan bobote ngancik 3 kg. Kodhok iki duwéni habitat kang relatif cilik, utamane ing Afrika Barat (cedhake nagara Gabon).[2] Katak Goliath bisa urip nganti 15 taun.[2] Panganane kodhok goliath ya iku kalajengking, serangga lan ceblong. Kodhok iki duwéni pangrungon kang landhep nangning ora duwé kantung vokal.[2]

Habitat[besut | besut sumber]

Kodhok goliath biasane ana ing kali-kali kang miline deres lan dhasare ya iku pasir ing nagara-nagara Afrika Barat, Kamerun lan Guinea Khatulistiwa.[2] Kali-kali iki biyasane ngandut oksigen akeh kang bisa digunakake kanggo ambekan.[2] Kali-kali iki rentange saka 125 mil pungkasan (200 km) saka cekungan Sanaga ing Kamerun ing lor nganti 30 mil pungkasan (50 km) saka laladan ilinan Kali Benito ing Guinea Khatulistiwa ing kidul.[3] Sistem kali panggonane kodhok kerep ditemokake ing laladan wewatuan padat, laladan kang lembab banget kanthi suhu kang relatif dhuwur.[2]

Reproduksi[besut | besut sumber]

Kaya amfibi liyane, banyu minangka salah siji babagan kang wigati tumrap reproduksine.[4] Kodhok lanang bakal gawe laladan pembibitan lan ing jero kali kanthi nyurung watu ing pola setengah bunderan. Ora patiya dingerteni reproduksine kodhok goliath iki, nanging sebageyan ulama Afrika wis mulai nindakake panaliten amarga alesan medis.[5]

Cathetan suku[besut | besut sumber]

  1. ^ (en) Crump, M.L. (2003). Grzimek's Animal Life Encyclopedia, 2nd ed., Vol. 6 Amphibians, Gale, page. 180
  2. ^ a b c d e f (en) Duellman, W.E., ed. (1999). Patterns of Distribution of Amphibians: A Global Perspective, 325, The Johns Hopkins University Press. Page 210-232
  3. ^ (en) Sabater-Pi, J. (1985). Contribution to the biology of the Giant Frog (Conraua goliath, Boulenger). Amphibia-Reptilia, 6(2), page 143-153
  4. ^ (en) Amiet (2004). Conraua goliath. 2006 IUCN Red List of Threatened Species. IUCN 2006. Diakses 11 May 2006. Database entry includes a range map and justification for why this species is endangered
  5. ^ (en) Duméril, A.M.C. and G. Bibron (1841). Erpétologie Générale; ou, Histoire Naturelle Complète des Reptiles, Librairie Encyclopédique de Roret, page. 659

Pranala njaba[besut | besut sumber]

Media[besut | besut sumber]

Sumber artikel punika saking kaca situs web: "https://jv.wikipedia.org/w/index.php?title=Conraua_goliath&oldid=1015666"