Carica

Saka Wikipédia Jawa, bauwarna bébas abasa Jawa
Carica
Mountain papaya (Vasconcellea pubescens).jpg
Klasifikasi ngèlmiah
Karajan: Plantae
Unranked: Angiospermae
Unranked: Eudicots
Unranked: Rosids
Ordho: Brassicales
Famili: Caricaceae
Génus: Vasconcellea
Spésies: V. pubescens
Jeneng binomial
Vasconcellea pubescens
A.DC.
Sinonim

Carica utawa karika (Carica pubescens[1] utawa Vasconcellea cundinamarcensis[2]) ya iku tanduran éwoning famili katès. Ananging béda karo katès kang urip ing laladan panas, carica mung bisa urip ing laladan dhataran dhuwur kanthi suhu udara rélatif adhem. Ing Indonésia carica utawa kang uga ditepungi kanthi jeneng katès gunung akèh urip ing Dhataran Tinggi Dieng.[1] Carica mung urip ing dhataran dhuwur kang duwé dhuwur watara 1500 – 3000 mèter ing dhuwur lumahing segara. Woh iki jaréné asalé saka Andes Amérika Kidul[2].

Kasiyat carica[besut | besut sumber]

Woh carica wis ditepungi umum bisa kanggo nglancaraké pancernan panganan. Ananging saliyané iku carica uga duwé kasiat liyané, ing antarané: carica akèh ngandhut enzim papain, ya iku enzim kang duwé fungsi nyepetaké pancernan protein. Enzim papain sajeroning katès bisa nyerna dat akèhé kaping 35 luwih gedhé saka ukurané dhéwé, sanajan kandhutan enzim papanin sajeroning carica (4-6 gr) ora padha akèhé sajeroning katès ananging kabèh bisa diserep awak lan bisa mangaruhi marang prodhuksi hormon manungsa. Ana uga panelitèn anyar kang nemu kandhutan arginin sajeroning woh carica bisa nyandhet tuwuhing sèl-sèl kanker payudara.[1]

Kandhutan papain sajeroning woh carica uga duwé sipat antisèptik lan bisa ngréwangi nyegah tangkar-tumangkaré bakteri kang ngrugenu sajeroning usus, ngréwangi normalaké pH usus saéngga kahanan usus dadi normal. Kandhutan vitamin C sajeroning carica luwih dhuwur tinimbang kandhutan vitamin C sajeroning jeruk. Carica uga duwé kandhutan vitamin A kang luwih dhuwur tinimbang wortel. Saliyané iku carica uga akèh kandhutan vitamin B komplèks lan vitamin E kang apik kanggo kaséhatan awak.[1]

Cathetan sikil[besut | besut sumber]

  1. ^ a b c d Kasiyat carica Dieng Masalah sitiran: Tenger <ref> ora trep; jeneng "internet1" diwedharaké ping bola-bali déné isiné béda Masalah sitiran: Tenger <ref> ora trep; jeneng "internet1" diwedharaké ping bola-bali déné isiné béda Masalah sitiran: Tenger <ref> ora trep; jeneng "internet1" diwedharaké ping bola-bali déné isiné béda
  2. ^ a b Legité woh carica kas Dieng Masalah sitiran: Tenger <ref> ora trep; jeneng "internet2" diwedharaké ping bola-bali déné isiné béda