Antisèptik

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Jujug: pandhu arah, pados
Larutan antisèptik iodin kang dioleskan ing tatu.

Antisèptik utawa germisida ya iku senyawa kimia kang digunakaké kanggo matèni utawa nyegati uripé mikroorganisme ing jaringan kang urip kaya ing lumahing kulit lan membran mukosa.[1][2] Antiseptik beda karo antibiotik lan disinfektan, ya iku antibiotik kang digunakaké kanggo matèni mikroorganisme ing awak, lan disinfektan kang digunakaké kanggo matèni mikroorganisme ing benda mati.[2] Iki disebake antisèptik luwih aman diaplikasikan ing jaringan [awak], tinimbang disinfektan.[3] Panggunaan disinfektan luwih ditujokake marang benda mati, tuladane wastafel utawa meja.[3] Nanging, antiseptik kang kuwat lan bisa ngiritasekake jaringan manawa isa dialihfungsingake dadi disinfèktan tuladhane ya iku fenol kang bisa digunakake minangka antisèptik lan disinfektan.[3][4] Panggunan antisèptik direkomendasikake banget etika nalika epidemi penyakit amarga bisa gawé suwe panyebaran penyakit.[5]

Efektivitas[sunting | besut sumber]

Efektivitas antisèptik nalika mateni mikroorganisme manut marang pirang-pirang faktor, tuladhane konsentrasi lan suwene ngandarake.[6] Konsentrasi ngusadani adsorpsi utawa penyerapan komponen antisèptik.[7] Ing konsentrasi cendhak, pirang-pirang antiseptik ngalangi fungsi biokimia membran bakteri, nanging ora bakal mateni bakteri mau.[7] Nalika konsentrasi antiseptik mau dhuwur, komponen antiseptik bakal menetrasi ing sel lan ngganggu fungsi normal seluler sacara amba, kalebu ngalangi biosintesis(gawé) makromolekul lan persipitasi protein intraseluler lan asam nukleat (DNA utawa RNA).[7] Suwene paparan antiseptik karo akehe karusakan ing sel mikroorganisme berbanding lurus.[7]

Jinis-jinis[sunting | besut sumber]

Mekanisme kerja antiseptik tumrap mikroorganisme beda-beda, tuladhane kanthi ndehidrasi (nggaringake) bakteri, ngoksidasi sel bakteri, ngkoagulasi (nggumpalake) cairan ing sekitar bakteri, utawa ngracuni sel bakteri.[4] Pirang-pirang contoh antiseptik ing antarane ya iku hydrogen peroksida, uyah merkuri, boric acid, lan triclosan.[3][4][7]

Hidrogen peroksida[sunting | besut sumber]

Hidrogen peroksida (H2O2) ya iku agen oksidasi, minangka antiseptik kuwat nanging ora ngiritasi jaringan urip.[3][4] Senyawa iki bisa diaplikasekake minangka antiseptik ing membrane mukosa.[4] Kelemahan saka zat iki ya iku kudu tansah dijaga kondisine amarga zat iki gampang ngalami karusakan nalika kelangan oksigen.[4]

Uyah merkuri[sunting | besut sumber]

Senyawa iki ya iku antiseptik kang paling kuwat. Merkuri klorida (HgCl) bisa digunakake kanggo ngumbah tangan kanthi perbandingan banyu 1:1000.[4]. Senyawa iki bisa mateni kabeh jinis bakteri ing pirang-pirang menit.[4]. Kelemahan saka senyawa iki ya iku kemungkinan besar bisa ngiritasi jaringan amarga daya kerja antimikrobane kang kuwat banget.[4].

Asam Borat[sunting | besut sumber]

Asam Borat minangka antiseptik lemah, ora ngiritasi jaringan.[4] Zat iki bisa digunakake sacara optimum nalika dilarutake ing banyu kanthi perbandingan 1:20.[4]

Triclosan[sunting | besut sumber]

struktur kimia triclosan

Triclosan ya iku antisèptik kang èfèktif lan misuwur, biyasané ana ing sabun, obat kemu, deodoran, lan liya-liyane.[7] Triclosan duwéni daya antimikroba kanthi spektrum amba (bisa nglawan pirang-pirang macem bakteri) lan duwéni sifat toksisitas minim.[7] Mekanisme kerja triclosan ya iku kanthi ngalangi biosintesis lipid mula membran mikroba kelangan kekuwatan lan fungsine.[7]

Delengen uga[sunting | besut sumber]

Referensi[sunting | besut sumber]

  1. ^ Levinson W. 2008. Review of Medical Microbiology & Imunology, Tenth Edition. New York: The McGraw-Hill Companies, Inc.
  2. ^ a b Madigan MT, Martinko JM, Brock TD. 2006. Brock Biology of Microorgnisms. New Jersey: Pearson Prentice Hall.
  3. ^ a b c d e Jain M. 2004. Competition Science Vision. India: Pratiyogita Darpan.
  4. ^ a b c d e f g h i j k Havard CMH. 1990. Black’s Medical Dictionary 36th Edition. USA: Barnes & Noble Books.
  5. ^ [KSBH] Kansas State Board of Health. 2008. Annual Report of The State Board of Health of The State of Kansas. USA: BiblioBazaar LLC.
  6. ^ Block SS. 2001. Disinfection, Sterilization, and Preservation 5th Edition. USA: Lippincott Williams & Wilkins.
  7. ^ a b c d e f g h Franklin TJ, Snow GA. 2005. Biochemistry and Molecular Biology of Antimicrobial Drug Action 6th Edition. New York: Springer Science & Business Media Inc.
Sumber artikel punika saking kaca situs web: "https://jv.wikipedia.org/w/index.php?title=Antisèptik&oldid=1013243"