Baguazhang

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Jujug: pandhu arah, pados

Cithakan:Infobox Martial Art Baguazhang ya iku seni bela diri Cina kang nganggo prinsip dasar saka buku kuno I Ching.[1][2][3] Baguazhang ya iku salah sawjining saka telung ilmu bela diri Cina kang nglatih organ jero kanthi nglatih kekuwatan jaran-jaran lan ora nglathih diri kanthi ''kekerasan'' kang diarani Neijia (loro liyane ya iku Xingyi lan Taijiquan)[2][3] Wong Cina kenal Taijiquan kanthi kekuwatan bangkeane. Xingyi kekuwatan tinjune lan Baguazhang mahsyur kanthi jangkahan sikile.[4][5]

Baguazhang ateges jurus Telapak Delapan Penjuru (八 ateges wolu, 卦 ateges penjuru, lan 章 ateges dlamakan).[6] Seni bela dhiri iki musatake kepriye carane nglawan musuh kanthi dlamakan mbukak lan owah, beda karo seni bela diri umume kang nggunakake tinju lan tenaga kang gedhe.[3]

Sejarah[sunting | besut sumber]

Jurus Baguazhang diciptakake déning Dong Haichuan (董海川) kang lair ing Wei An, He Bei sekitar taun 1831.[1][3] Kawit cilik dheweke latihan ilmu bela dhiri lokal lan dadi salah sawijining petarung kang disegani.[3] Nalika umur 40 tahun dheweke nindakake lelungan ing kidul lan dadi anggota saka sekte Quan Zhen (全镇), bageyan saka sekte Tao.[3] Anggota saka Tao biyasane ngapalake mantra sinambi mlaku mubeng supata tenang lan konsentrasi.[3] Amarga keprigelane pungkasane dheweke ditunjuk minangka instruktur lan punggawa istana déningKaisar nalika iku.[1][7]

Mula-mulane Dong Haichuan nyebut aliran bela dirine kanthi aran Zhuan Zhang (传章) kang ateges dlamakan malik utawa muter.[3] Banjur dheweke nggabungake karo teori Ba Gua (wolung penjuru) kang ana ing buku I Ching[3] Nalika iku Dong Haichuan mung nampa murid kang wis duwé dasar ilmu bela diri.[3] Saka kono kabeh muride nganggo teknik dasar Dong Haichuan lan nggabungake karo teknik bela diri kang wis dikuasai.[3] Iki kang nyebabake liran Baguazhang pecah dadi pirang-pirang bageyan.[3]

Murid-murid Dong Haichuan kang pungkasane dadi guru ya iku Yin Fu (尹福), Cheng Tinghua (程廷华), Song Changrong (宋长荣), Liu Fengchun (刘凤春), Ma Weiqi (马维棋), Liu Baozhen(刘宝珍), Liang Zhenpu (梁振蒲).

Aliran Yin[sunting | besut sumber]

Yin Fu ya iku murid Dong Haichuan kang paling tuwa lan kang sinau karo dheweke kira-kira 20 taun.[1][3] Ia pun mewarisi jabatan gurunya di pemerintahan sampai akhir dinasti Qing.[3] Dheweke uga kang nguwasani kabeh jurus lan falsafah Baguazhang ing antarane murid-murid Dong Haichuan.[3] Aliran bela dhirine sadurunge sinau Baguazhang ya iku Luo Han Quan, bela diri keprukan saka lore Cina.[3] Yin Fu ya iku guru saka aliran Yin Baguazhang.[3]

Aliran iki duwéni teknik kombinasi keprukan kang cepet.[3] Malah ana kang kandha yen seumur-umur Yin Fu yen gelut kaya macan, gerakan mlebu lan nyedaki musuh lan nibakake, kayata gerakan macan.[3] Aliran iki fokus marang gerakan kang cekat-ceket, gerakan sikil kang cepet.

Aliran Cheng[sunting | besut sumber]

Aliran iki tiru murid Dong Haichuan kang jenenge Cheng Tinghua.[3] Sadurunge dheweke sinau ilmu bela diri Shuai Jiao utawa gulat Cina ing basa Indonésia.[3] Dheweke duwéni akeh murid lan werna-werna gerakane.

Aliran iki mentingake gerakan kang alus lan uga nggunakake sithik tenaga.[3] Gerakan Cheng Tinghua diarani kaya naga kang nembus awan, diarani manawa saben dheweke ngubengake awake, musuhe bakal mbendal. Variasi populer saka aliran iki ya iku Gao, Jiang lan Sun.

Aliran Liang[sunting | besut sumber]

Aliran iki nganggo keturunan saka murid Dong Haichuan kang pungkasan ya iku Liang Zhenpu.[3] Nalika merguru, Liang Zhenpu kena pengaruh saka kakang-kakang seperguruane.[3] Kabeh mau kang ndadekake aliran kang sebenare ya iku gabungan saka aliran Yin lan Cheng.

Aliran liyane[sunting | besut sumber]

Baguazhang isih duwéni akeh pecahan aliran.[3] Ing antarane Fu, Gao, Gong, Jiang, Liu, Shi, Sun lan Yin Yang.[3] Senajan kaya ngono, kabeh aliran biyasane akeh jupuk dasar saka telung aliran kang ana ing dhuwur.

Ciri kas[sunting | besut sumber]

Kang mbedakake Baguazhang saka ilmu bela diri umume ya iku meh ora ana kekuatan tekanan kang ana ing jinis bela diri Waijia amarga latihane nglatih awak bageyan jero.[4][5] Baguazhang uga musatake gerakan ngubengake mripat lan tangan ana ing tengahing bunderan.[3] Keprukan-keprukan ing ilmu bela diri iki ora olih kanthi nggunakake otot kang kaku.[3] Lemes, nyawijining awak lan pikiran dadi kuncine.[4][5]

Sawijining petarung Baguazhang ora adep-adepan langsung kanthi kekuwatan lawan nanging golek celah kanggo ngepruk lan nggunakake tenaga kanthi temenan.[3] Yen ditindakake kanthi bener, pungkasane musuh bakal dikepung déning gerakan lincah Baguazhang lan kelangan keseimbangan.[3] Kanthi kaya ngono musuh bisa dikalahake déning serangan-serangan kang gonta-ganti manut kahanan.[3] Kabeh petarung saka ilmu bela diri liyane ya iku kandha manawa angel banget ngadepi musuh kang bedha-bedha lan duwéni gerakan cepet kaya Baguazhang.[3]

Baguazhang ing Indonésia[sunting | besut sumber]

Baguazhang ya iku ilmu bela diri kang dianggep anyar.[3] Agustinus Sufianto ya iku wong kang gawa ilmu bela diri tekan Indonésia.[4][5] Agustinus ngedegake Perguruan Delapan Penjuru lan mulang mahasiswa Baguazhang ing sawijining universitas swasta ing Jakarta.[4][5] Dheweke ya iku keturunan kaping lima saka aliran Yin.

Delengan uga[sunting | besut sumber]

Cathetan suku[sunting | besut sumber]

  1. ^ a b c d (en)Smoky Mtn YSB Study Group, Smoky Mtn YSB Study Group. Diundhuh tanggal 5 April 2010.
  2. ^ a b (en)Lie, Zhang. “Classical Baguazhang Volume V: Yin Style Baguazhang.” Trans. Joseph Crandall. Pinole, California: Smiling Tiger Martial Arts 1995.
  3. ^ a b c d e f g h i j k l m n o p q r s t u v w x y z aa ab ac ad ae af ag (en)Bagua,Shenwu Martial Arts. Diundhuh tanggal 6 April 2010.
  4. ^ a b c d e Wardhana, Raka M. Maret 2010. Pontianak Post: Berbagi Ilmu Dirikan Perguruan Delapan Penjuru
  5. ^ a b c d e Agustinus Sufiano, Bawa Seni Bela Diri Tiongkok ke Jakarta, Bataviase.co.id. Diundhuh tanggal 7 April 2010.
  6. ^ (en)About Pa Kua, Pa Kua International. Diundhuh tanggal 6 April 2010.
  7. ^ (en)Green, Thomas A. "Martial Arts of the World" 2001
Sumber artikel punika saking kaca situs web: "https://jv.wikipedia.org/w/index.php?title=Baguazhang&oldid=1053392"