Badan Pengawas Obat lan Makanan

Saka Wikipédia Jawa, bauwarna bébas abasa Jawa
Badan Pengawas Obat dan Makanan
LogoBPOM.jpg
Cekakan Badan POM
Situs web
http://www.pom.go.id/

Badan Pengawas Obat dan Makanan utawi ingkang asring dipuncekak Badan POM inggih punika salah satunggaling lebaga ingkang mlebe salah satunggaling Lembaga Pamaréntah Non Departemen ing Indonésia ingkang gadhah tugas kanggé ngawasi ideraning obat- obatan lan manéka warna dhaharan ing Indonesia. Fungsi lan tugas badan punika ingggih meh sami kaliyan fungsi lan tugasipun Food and Drug Administration (FDA) ing Amérika Sarékat.

Visi lan Misi[besut | besut sumber]

Visi[besut | besut sumber]

Dados institusi pengawas obat lan dhaharan ingkang inovatif, kredibel lan dipunakeni déning internasional kanggé nglindhungi masarakat.[1]

Misi[besut | besut sumber]

  1. Nindakaken pengawasan Pre- Market lan Post- Market kanthi standar internasional.
  2. Ngecakaken sistem manajemen mutu kanthi konsisten.
  3. Ngoptimalaken gayutan mitra kaliyan ingkang gadhah kapentingan ing sadaya lini.
  4. Mberdhayakaken masarakat supados saged nglindhungi pribadi piyambak saking obat lan dhaharan ingkang ngewrat resiko dhateng keséhatan pribadi kita.
  5. Mbangun organisasi pembelajar (Learning Organization).

Fungsi[besut | besut sumber]

Kanggé nindakaken tugasipun, Badan POM gadhah fungsi ing antawisipun inggih punika kados makaten:

  1. Kanggé ngatur, regulasi, lan standardisasi
  2. Kanggé paring lisensi lan sertifikasi indhustri ing babagan farmasi adhedhasar cara- cara produksi ingkang saé
  3. Paring evaluasi produk saderengipun dipunideraken
  4. 'Post marketing vigilance kalebet sampling lan uji laboratorium, mriksa sarana prodhuksi lan distribusi, kanggé nindakaken penyidhikan lan negakaken hukum bab dhaharan
  5. Pre- audit wonten ing lampahing kawicaksanan ngawasi obat lan dhaharan
  6. Komunikasi, informasi lan edukasi publik kalebet peringatan publik

Prinsip Dhasar SISPOM[2][besut | besut sumber]

  • Tumindak kanggé ngamanaken kanthi rikat, pas sasaran, akurat, lan propesional
  • Tumindakipun dipuntindakaken adhedhasar tingkat resiko lan kanthi basis bukti- bukti ilmiah.
  • Lingkup pengawasanipun saged njangkepi sadaya wewengkon lan njangepi sadaya siklus prosès
  • Wonten ing skala nasional/ lintas provinsi, kanthi jaringan kerja internasional
  • Otoritas ingkang saged nunjang tegakaken supremasi hukum.
  • Gadhah jaringan laboratorium nasional ingkang kohesif lan kiyat ingkang dipunkolaborasikaken kaliyan jaringan glbal.
  • GAdhah jaringan sistem informasi keamanan lan mutu produk.

Struktur Organisasi[besut | besut sumber]

Struktur organisasi ingkang wonten ing Badan POM inggih kados makaten:[3]

  • Kepala Badan Pengawas Obat lan makanan
  • Inspektorat
  • Sekretaris utama
    • Biro perencanaan lan kauangan
    • Biro kerja sama manca nagari
    • Biro Hukum lan gayutan masarakat
    • Biro umum
  • Pusat pengujian obat & makanan nasional
  • Pusat penyidikan obat & makanan
  • Pusat riset obat & makanan
  • Pusat informasi obat & makanan
  • Deputi I Babagan pengawasan produk terapetik lan narkotika psikotropika & zat adiktif
    • Direktorat penilaian obat & produk biologi
    • Direktorat pengawasan distribusi produk terapetik & PKRT
    • Direktorat standardisasi produk terapetik & PKRT
    • Direktorat pengawasan produksi poduk terapetik & PKRT
    • Direktorat pengawasan narkotika, psikotropika & zat adiktif sanèsipun
  • Deputi II Babagan pengawasan obat tradisional, kosmetika & produk komplemen
    • Direktorat penilaian obat tradisional suplemen makanan & kosmetik
    • Direktorat standardisasi obat tradisional, kosmetik & produk komplemen
    • Direktorat inspeksi & sertifikasi obat tradisional, kosmetik & produk komplemen
    • Direktorat obat asli indonesia
  • Deputi III Babagan pengawasan, keamanan pangan & bahan mbebayani
    • Direktorat penilaian keamanan pangan
    • Direktorat standardisasi produk pangan
    • Direktorat inspeksi & sertifikasi pangan
    • Direktorat surveilan & penyuluhan keamanan pangan
    • Direktorat pengawasan produk lan bahan mbebayani
  • Unit pelaksana teknis badan POM

Uga delengen[besut | besut sumber]

Cathetan suku[besut | besut sumber]

  1. ^ Visi Badan POM (dipunundhuh tanggal 2 Pebruari 2013)
  2. ^ Prinsip Dasar SISPOM (dipunundhuh tanggal 2 Pebruari 2013)
  3. ^ ORGANISASI BADAN PENGAWAS OBAT DAN MAKANAN REPUBLIK INDONESIA (dipunundhuh tanggal 2 Pebruari 2013)

Ktegori:Lembaga Pamaréntah Non Departemen