Adi Winarso
| H. Adi Winarso, S.Sos. | |
|---|---|
| Barkas:Adi Winarso1.jpg | |
| Wali Kutha kaping 15 | |
| Linggih 1999–2009 | |
| Présidhèn | B.J. Habibie Abdurrahman Wahid Megawati Sukarnoputri Susilo Bambang Yudhoyono |
| Gubernur | Mardiyanto Bibit Waluyo |
| Litnan | Dr. Maufur, M.Pd. |
| Kang sadurungé | H.M. Zakir |
| Kang sawisé | Ikmal Jaya |
| Rerincèn dhiri | |
| Lair | Dhésèmber 11, 1950 Jepara, Jawa Tengah |
| Bangsa | Indonésia |
| Agama | Islam |
Kolonel Laut (Purn.) H. Adi Winarso, S.Sos. (lair ing Jepara, Jawa Tengah, 11 Dhésèmber 1950; umur 73 taun) inggih punika Wali Kutha Tegal ingkang mengku wonten kala mangsa 1999 dumugi 2004 lan 2004 dumugi 2009, nggantos H.M. Zakir.[1][2][3]
Latar wingking[besut | besut sumber]
Adi Winarso lair ing Désa Panggang Kabupatèn Jepara, Jawa Tengah, surya 11 Dhésèmber 1950. Kawit yuswa tigang taun sampun ngalih wonten Kutha Tegal awit saking tiyang sepuhipun ngayahi jejibahan minangka guru ing SMPN 1 Kutha Tegal. Sarampungipun saking SMA 1 Tegal, Adi Winarso nerasaken pawiyatan wonten Akademi Angkatan Laut Surabaya. Taun 1999, nalika mangsa reformasi, piyambakipun dipunsuwun supados nglenggahi minangka wali kutha lumantar pamilihan ingkang dipuncakaken déning Dewan Perwakilan Rrakyat Daerah Kutha Tegal, lan mengkoni ing kala mangsa 2004 dumugi 2009 lan 2004 dumugi 2009. Nalika ngayahi jejibahan minangka pangarsa kutha, Kota Tegal ingkang alit punika, alon-alon wonten éwah-éwahan. Kacathet wonten sekawan sasana blanja énggal kabangun, antawisipun Dinasty, Dedy Jaya Plaza, Pasific Mall, lan Rita Supermall. Pranatan ingkang dipuntrapaken inggih punika adamel gampil urusan birokrasi saperlu saget ngrawuhaken para investor mbikak usahanipun wonten Kutha Tegal, ndandosi pasar tradhisional kanthi jagrag semi-modhèren, lan ngalihaken terminal indhuk Kutha Tegal supados ngirangi kasemrawutan margi. Kajawi saking punika, lumantar program "Tegal Laka-laka", Adi Winarso ugi kasil ndadosaken dalan Ahmad Yani minangka Malioboro-nipun Kutha Tegal ingkang ngregengaken sektor riil kanthi dipunsengkuyung para pedagang alit.
Ing babagan lingkungan hidup, lumantar moto Tegal Keminclong Moncer Kotane, Adi Winarso menyulap kawasan kumuh menjadi ruwang terbuka hijau. Ing babagan pariwisata, Adi Winarso nilar warisan awujud Monumen Bahari ingkang dumunung wonten Pantai Alam Indah. Sedaya piranti perang ingkang kapasang wonten mriku dipunparingi déning TNI Angkatan Laut ingkang naté diginakaken ing mangsa perang kamardhikan. Monumen punika dipunkepyakaken ing surya 20 Dhésèmber 2008, kairing déning Kepala Staf TNI Angkatan Laut (KSAL), Laksamana TNI Tedjo Edhy Purdijatno SH, lan Wakil Gubernur Jawa Tengah, Dra. Rustriningsih, M.Si.
Kick AW[besut | besut sumber]
Sadèrèngipun lèngsèr saking palenggahanipun minangka wali kutha, Adi Winarso pikantuk pakurmatan saking masarakat Kutha Tegal. Ingkang kapisan, awujud pambabaran buku asesirah Kesan Pergaulan Bersama Adi Winarso, ngandhut puluhan seratan saking sapérang tokoh Tegal ingkang naté sesrawungan kaliyan Adi Winarso. Buku punika dibabar déning Akademi Kebudayaan Tegal landipunbesut déning Joshua Igho, Wijanarto, Atmo Tan Sidik, lan Enthieh Mudakir. Ingkang kaping pindho, piyambakipun nampi bebungah awujud adicara kanthi tajuk Kick AW ingkang dipun-cakaken déning Ahmad Firdaus (salah satunggalipun anggota DPRD Kutha Tegal) sesarengan Joshua Igho. Adicara punika dipunsuguhaken mèmper kaliyan Kick Andy ingkang dipun-giyaraken wonten Metro TV, ngandhut pitakenan-pitakenan "nakal" lan geguyonan ingkang ndadosaken suasana sansaya regeng.[4][5][6][7]
Ugi pirsani[besut | besut sumber]
Rujukan[besut | besut sumber]
- ↑ Situs resmi Pemkot Tegal Archived 2017-03-29 at the Wayback Machine., kapundhut 2 April 2015
- ↑ Info Tegal: Walikota Tegal dari masa ke masa, kapundhut 2 April 2015
- ↑ Harian Umum Suara Merdeka: LPj Diterima, Adi Winarso Nyalon Lagi, kapundhut 2 April 2015
- ↑ Walikota di-kick sambil gendong cucu, kapundhut 2 April 2015
- ↑ Pantura News, kapundhut 2 April 2015
- ↑ Perpustakaan Universitas Pancasakti Tegal Archived 2015-04-12 at the Wayback Machine., kapundhut 2 April 2015
- ↑ Suara Merdeka Budayawan Akan "Ngekick" Adi Winarso, kapundhut 2 April 2015
| Kang sadurungé H. M. Zakir |
Walikota Tegal 1999–2009 |
Kang sawisé Ikmal Jaya |
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |