Atmo Tan Sidik
Drs. Atmo Tan Sidik (lair ing Kabupatèn Brebes, Jawa Tengah) inggih punika salah satunggalipun budayawan saking Indonésia. Namanipun misuwur lumantar pamikiranipun ingkang dipunpratélakaken miyos seminar, wawan rembag, lan kaserat ing sawenèh buku ingkang sampun kababar. Atmo Tan Sidik kalebet salah satunggalipun bayawan ingkang nampi bebungah saking Mantri Pendhidhikan lan Kabudayan Republik Indonesia lan pikantuk jejuluk Maestro Palestantun lan Pangembang Warisan Budaya, taun 2014.[1][2]
Latar wingking
[besut | besut sumber]Atmo Tan Sidik lair ing Kabupatèn Brebes, Jawa Tengah. Miwiti pedamelanipun minangka lurah Pakijangan, Kacamatan Bulakamba, Kabupatèn Brebes, taun 1989. Sasampunipun, Atmo katampi minangka pegawé nagari sipil (PNS) ing Kabupatèn Brebes dumugi nglenggahi kalungguhan minangka Kepala Pérangan Humas lan Protokol. Kajawi giyat salebetipun organisasi, Atmo ugi nyerat sapérang artikel ing ariwarta mliginipun ngengingi filsafat Jawa, seni-budaya. Salah satunggalipun buku anggitanipun ingkang nampi pangalembana saking Mantri Dalam Negeri Gamawan Fauzi lan Gubernur Jawa Tengah Ganjar Pranowo inggih punika asesirah Dikendangi Wong Edan Aja Njoget, ngandhut pitedah ngadhepi tantangan jaman. Taun 2009, sesareangan Joshua Igho, Atmo ngedegaken Akademi Kebudayaan Tegal (AKT) lan mbabar buku Kesan Pergaulan Bersama Adi Winarso. Salajengipun ngawontenaken nasional kebangsaan kanthi ngrawuhaken narasumber Mayor Jendral Saurip Kadi. Taun 2014, Atmo nampi pangaji saking Mantri Pendhidhikan lan Kabudayan Republik Indonesia lan pikantuk jejuluk Maestro Palestantun lan Pangembang Warisan Budaya sesarengan kaliyan sawenèh tokoh antawisipun Bondan Nusantara (kethoprak), Dimas Pramuka Atmaji (beksak tradhisional Jawa Timur), Heri Hendrayana Harris utawi Gol A Gong (sastra), Merdeka Gedoan (sandhiwara, beksan, lan musik), Murti Bunanta (sastra), Sorimangaraja Sitanggang (budaya Batak), Tanto Mendut (budaya; Komunitas Gunung), Tengku Nasaruddin Said Efendi (seni-budaya Melayu), lan Tuti Soenardi (kuliner tradhisional nusantara).[3][4][5]
Ugi pirsani
[besut | besut sumber]Rujukan
[besut | besut sumber]- ↑ Situs resmi Pemprov Jawa Tengah Archived 2015-06-21 at the Wayback Machine., kapundhut 22 Juni 2015
- ↑ Situs resmi Pemkab Brebes Archived 2021-01-28 at the Wayback Machine., kapundhut 22 Juni 2015
- ↑ Metro TV News Archived 2015-06-16 at the Wayback Machine., kapundhut 22 Juni 2015
- ↑ Pantura News, kapundhut 22 Juni 2015
- ↑ Brebes News, kapundhut 22 Juni 2015
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |