Maufur

Dr. Maufur, M.Pd. (lair ing Brebes, Jawa Tengah, 26 Fèbruari 1956; umur 68 taun) inggih punika wakil wali kutha Tegal kala mangsa 2004 dumugi 2009, ngampingi wali kutha Adi Winarso. Sadèrengipun, Maufur dipunpracaya dados rektor Universitas Pancasakti Tegal. Sasampunipun mengku wonten papréntahan, piyambakipun kondur malih dhumateng pawiyatan luhur, mucal wonten Fakultas Kaguruan lan Èlmu Pendhidhikan.

Latar wingking

Maufur lair ing Kabupatèn Brebes, Jawa Tengah surya 26 Fèbruari 1957. Piyambakipun glampahi pendhidhikan dhasaripun wonten Brebes, lajeng nerasaken wonten Sekolah Pendidikan Guru ing Kutha Tegal. Salajengipun mlebet pawiyatan luhur Jurusan Didaktik Kurikulum wonten IKIP Semarang, ing taun 1981. Wondéné gelar magisteripun dipunrengkuh wonten IKIP Bandung ing Jurusan Pendidikan Umum, taun 1993. Ing pawiyatan punika ugi, piyambakipun ngrampungaken pendhidhikan dhoktoral ing taun 2005. Awit taun 1981, Maufur kacathet minangka dhosèn utusan saking Koordinator Perguruan Tinggi Swasta (Kopertis) VI Jawa Tengah, ingkang mucal wonten Universitas Pancasakti Tegal. Kajawi saking punika, piyambakipun ugi mucal wonten STIKES Bamada Slawi lan dhosèn Pascasarjana wonten Unnes Semarang.

Ing taun 2000 dumugi taun 2004, Maufur kapilih dados rektor di Universitas Pancasakti kanthi kalungguhan akademik lektor. Wonten ing Pemilihan Kepala Daerah Kutha Tegal 2004, Maufur kapilih minangka wakil wali kutha, ngampingi Adi Winarso, dumugi taun 2009. Sasampunipun lèngsèr saking papréntahan, piyambakipun kondur malih wonten pawiyatan, katimbalan minangka dhosèn wonten UPS.

Ugi pirsani

• Universitas Pancasakti
• Adi Winarso
• Kota Tegal

Rujukan

Jabatan Pulitik
Pendahulu	Wakil Wali Kota Tegal	Penerus
Tidak ada	2009-2009	Nursholeh