Monumen Bahari
Monumen Bahari ya iku tugu pengetan sing dumunung ana ing Kutha Tegal, Jawa Tengah, diresmèkké tanggal 20 Dhésèmber 2008 déning Kepala Staf Angkatan Laut (KSAL), Laksamana TNI Tedjo Edhy Purdijatno, SH, kairing déning Wakil Gubernur Jawa Tengah, Rustriningsih, M.Si lan Walikota Tegal, Adi Winarso S.Sos.[1][2][3][4] Monumen iki dadi panggonan karo obyek wisata Pesisir Alam Indah.
Riwayat[besut | besut sumber]
Kutha Tegal kasuwur minangka kutha bahari awit saka dumunung ing Pesisir Lor Jawa Tengah. Kutha iki naté didadèké papan panggonan ngadeké Badan Keamanan Rakyat – Laut (BKR Laut) nalika jaman kamardhikan Republik Indonesia, minangka cikal bakal ngadeké Tentara Nasional Indonesia Angkatan Laut.
Jiwa kapahlawanan sing miwiti anané Badan Keamanan Rakyat sing isiné para nom-noman bangsa iki antarané manten Kaigun Heiho, pegawé Jawa Unko Kaisha, lan siswa sarta guru Sekolah Pelayaran Tinggi Tegal wis ninggal tilas emas ana sajeroné sujarah kamardhikan bangsa Indonesia nganti sabanjuré dadi TNI Angkatan Laut.
Saliyané minangka wujud pangormatan tumrap para pepundhè sing nyèlèhké dhasar kebaharian ing Tegal, pambangunan Monumen Bahari dadi salah sijiné srana mengeti perjuangan lan sujarah minangka ngupadi, marisi kaluhuran para pejuang tumrap génerasi mudha amrih bisa ngisi pambangunan nasional sabanjuré.
Wangunan[besut | besut sumber]
Monumen Bahari kabangun ing lemah ambané 12.000 mèter persegi, kanthi yasan sing ambané 5.000 mèter persegi. Wangunan monumen digawé mèmper kapal perang, kang isiné sapérangan piranti utama sistem persenjataan (alutsista) sing naté dienggo nalika jaman perang.
Piranti-piranti mau sumbangan saka Markas Besar Tentara Nasional Indonesia Angkatan Laut, antarané kendaraan tempur tank PT 76, kendaraan tempur Pintam BRDM, pesawat udara Nomad N-22, meriam darat, bouyance, lampu navigasi, jangkar lan ranté, ranjau tanduk, sarta torpedo MK 44.
Rujukan[besut | besut sumber]
- ↑ Kompas: Monumen Bahari di Tegal diresmikan
- ↑ "Website resmi Pemkot Tegal". Diarsip saka sing asli ing 2009-03-02. Dibukak ing 2017-04-24.
- ↑ Indosiar: Monumen Bahari tawarkan wisata edukatif Archived 2011-12-21 at the Wayback Machine.
- ↑ Website resmi TNI-AL: KSAL resmikan Monumen Bahari Kota Tegal Archived 2009-01-14 at the Wayback Machine.