Peté

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Peté

Peté utawa mlanding nduwéni jeneng latin Parkia speciosa.[1] Peté kalebu tanduran taunan tropika saka suku polong-polongan utawa Fabaceae.[1] Peté iki saka anan suku petai-petaian kang jeneng latiné Mimosoidae. [1]Tanduran iki urip kasebar ing Indonésia wilayah kulon utawa barat. [1]Wijiné kang diarani peté biyasané dipangan nalika isih anom.[1] Peté bisa dipangan nalika isih seger lan uga dimasak.[1] Yèn dipangan nalika isih seger biyasané kanggo lalapan nganggo sambel.[1]

Dhèskripsi[sunting | sunting sumber]

Wit peté urip taunan. Dené dhuwuré bisa nganti tekan 20 mèter.[2] Godhongé kalebu godhong majemuk, kang susunané sajajar ing bonggol.[2] Kembangé thukul ing cedhaké pucuk pang. [2]Wohé gedhé, bentuké dawa, kaya woh polong-polongan.[2] Woh peté biyasané ombyokan. Saben sakombyok bisa isi nganti welasan woh peté. [2]Saben sapeté kang dawa ana kurang luwih 20 wiji ing njero polong peté kang dawa.[2] Wiji peté wernané ijo nalika isih nom lan ana selaput rada kandel kang mbungkus wiji peté.[2] Selaput iki wernané coklat padhang.[2] Woh peté bakal garing yèn wis mateng lan wijiné padha ucul.[2]

Wiji peté ambuné khas lan rada mirip jéngkol utawa jering.[3] Peté bisa dipangan nalika isih seger lan bisa uga dicampur ing masakan.[3] Kayata sambel goréng ati kang katon tambah sedhep yèn ditambah peté.[3] Saliyané iku peté uga bisa kanggo campuran sego goréng, biyasané diarani sego goréng peté. Ana uga kang diarani sambel peté, yaiku peté kang diosèng karo sambel.[3] Yèn wis tuwa kulit peté malih dadi ireng.[4]

Peté digandhulna

Wiji peté biasané didol ombyokan karo polongé.[5] Ananging, peté uga ana kang dibungkus kanthi modhèrn yaiku nganggo plastik utawa stirofoam kang dibungkus plastik kang kedhap udhara.[5]

Kena ing guna[sunting | sunting sumber]

Nadyan ambuné kurang énak nanging peté nduwéni khasiat kanggo kaséhatan.[5] Peté bisa nguwataké pinggang. Peté uga kena kanggo obat lara boyok utawa bangkékan.[5] Kanggo wong kang nduwéni lara ing bangkékan bisa mangan peté saben dina kanggo tamba. [5]Kanggo wong kang durung kena lara bangkékan lan kepéngin nyegah lara bangkékan uga kena mangan peté kanthi dimasak utawa diolah dadi panganan kaya iwak teri yèn dimasak pedhes.[5] Masakan iki diarani balado teri Peté.[5]

Khasiat[sunting | sunting sumber]

Peté kang biyasané mung kanggo lalapan utawa kanggo ngancani sambel uga bisa diolah dadi tablèt multivitamin lan suplemen multiguna.[6] Peté ngandhut antioksidan kang bisa diolah lan dadi investasi ing tablét multivitamin kang bahan dhasaré saka peté.[6] Tablét multivitamin kang bahané saka peté iki bisa diombé sapa waé kalebu wong kang ora seneng ambuné peté, awit tablét iki ora mambu kaya peté nalika durung diolah.[6]

Asil olahan[sunting | sunting sumber]

Peté bisa kaolah dadi werna-werna masakan.[6]

Cathetan suku[sunting | sunting sumber]

  1. ^ a b c d e f g (id)http://perpustakaan.litbang.depkes.go.id(dipunundhuh tanggal 18 Mei 2011)
  2. ^ a b c d e f g h i (id)http://www.suaramerdeka.com(dipunundhuh tanggal 18 Mei 2011)
  3. ^ a b c d (id)http://www.dinamikaebooks.com(dipunundhuh tanggal 18 Mei 2011)
  4. ^ (id)http://www.pertanianperak.gov(dipunundhuh tanggal 18 Mei 2011)
  5. ^ a b c d e f g (id){http://www.lintasberita.com/Lifestyle/Kesehatan/khasiat-petai-untuk-memperkuat-pinggang http://www.lintasberita.com](dipunundhuh tanggal 18 Mei 2011)
  6. ^ a b c d (id)http://koran.republika.co.id(dipunundhuh tanggal 18 Mei 2011)
Sumber artikel punika saking kaca situs web: "http://jv.wikipedia.org/w/index.php?title=Peté&oldid=830358"