Macan
| Macan | |
|---|---|
 |
|
| Macan Sumatra (P. tigris sumatrae) | |
| Status konsèrvasi | |
| Klasifikasi èlmiah | |
| krajan: | Animalia |
| filum: | Chordata |
| kelas: | Mammalia |
| ordo: | Carnivora |
| kulawarga: | Felidae |
| Genus: | Panthera |
| Species: | P. tigris |
| Jeneng binomial | |
| Panthera tigris (Linnaeus, 1758) |
|
 |
|
| Sajarah dhaèrah panyebaran macan (kuning pucet) lan status ing taun 2006 (ijo).[2] | |
| Sinonim | |
|
Tigris striatus Severtzov, 1858 |
|
Macan, ing basa Latin dipunwastani Panthera tigris,[3] punika sato ingkang kagolong kulawargi Felidae utawi jinis kucing. Macan biyasané mburu mangsané nganggo cakar lan taringé.[3] Macan mlayuné cépet banget. Mangsané macan kalebu kéwan kang rada gedhé, kayata rusa sambar, kidang, babi, lan kancil.[3] Saliyané kéwan-kéwan mau, macan uga seneng mburu kéwan-kéwan cilik kayata landak yèn kéwan gedhé wis ora ana.[3] Sanajan saka famili kang padha, ananging macan béda karo kucing. Kucing luwih cilik saka macan.[3] Macan kalebu kéwan kang seneng nglangi ananging kucing kalebu kéwan kang wedi banyu.[3]
Bab lan Paragraf |
Macan Sumatra [sunting]
Macan Sumatra urip ing Pulo Sumatra.[4] Saiki kahanan alas ing Sumatra kang saya suda amarga didadékaké pemukiman sangsaya nggegirisi tumprap uriping macan Sumatra.[4] Kurangé alas uga ndadékaké akéh menungsa kang kepéngin mburu macan Sumatra iki.[4]
Kahanan alas Sumatra khususé alas ing Bengkulu kang rusak banget maragaké macan Sumatra sangsaya kurang habitat lan panggonan uripé. [4]Kahanan kang kaya mengkéné nggampangaké manungsa kanggo mburu lan nyekel macan Sumatra.[4]
Ing Bengkulu, saka 900 éwu héktar alas, 40 perséné wis rusak amarga penebangan liar.[4] Miturut catetan BKSDA, populasi macan sumatra ing Bengkulu mung ana 50-70 macan.[4] Ing sakabéhé wilayah Sumatra, populasiné mung ana 300-400 macan.[4]
Saliyané karana diburu manungsa, populasi satwa macan iki uga kurang amarga konflik perbatasan alas lan pemukiman manungsa.[4]
Macan Jawa [sunting]
Macan jawa(Panthera tigris sondaica) kalebu kéwan langka kang dilindungi pamaréntah.[5] Macan Jawa kalebu kéwan kang kudu dikembangbiaké amarga wis akéh sing punah.[5] Spesies macan jawa iki urip ing alas-alas kang akéh wit-witane.[5] Padha kaya macan-macan liyane, macan Jawa mangané daging.[5] Macan jawa kalebu karnivora yaiku kéwan kang mangané daging.[5] Macan jawa uga diarani macan ''gémbong''.[5] Kewan iki awaké gedhé lan mlayuné banter banget.[5]
Macan jawa kalebu kéwan buas lan galak.[6] macan jawa uga bisa mangan menungsa kayadéné mangsa kéwan.[6] Yèn mangsa menungsa bakal dipangan dagingé lan disisakéé balung-balunge.[6] Macan jawa tau urip ing Pulo Jawa lan resmi dikabaraké punah taun 1980-an.[7] Macan jawa punah awit diburu menungsa lan amarga habitat uripe kang saya ciut.[7] Habitat macan jawa kurang amarga dianggo lahan pertanian lan kanggo pemukiman panduduk.[7]
Kahanan macan jawa Panthera tigris sundaica isih dadi pitakonan.[8] Ananging akéh para panduduk ing pinggir alas kang kerep krungu swarané macan jawa lan ndeleng kéwan iki.[8] Kayata panduduk ing cedhak als Boyolali, Wonogiri, alas ing kawasan Taman Nasional Meru Betiri, Jawa Timur.[8] Macan jawa kalebu kéwan buas kang luwes mlakune.[8] Macan jawa corake belang-belang.[8]
Macan Putih [sunting]
Macan putih yaiku jinising macan kang nggawa gen resesif saéngga wernané pucet.[9] Genetik kang marakaké corak belang ing wuluné uga dadi pucet.[9] Macan putih irungé nduwé werna abang nom utawa jambon (pink), tlapakan sikilé uga nduwéni werna pink, kulité abu-abu rada putih, matané biru, lan wuluné putih utawa putih rada kuning utawa putih kuning belang-belang ireng, rada soklat.[9] Ana uga kang wernané putih semu abu-abu.[9]
Galeri Macan [sunting]
-
Macan Berlin
-
Macan Panthera tigris amoyensis
-
Macan
-
Macan Tigris
-
Macan Sumatra
-
Macan nglangi
-
Macan putih
-
Kéwan Macan
-
Macan kalebu kewan langka
.jpg)
Cathetan suku [sunting]
- ^ (en)Cat Specialist Group (2002). Panthera Tigris. 2006 IUCN Red List of Threatened Species. IUCN 2006. Diakses 10 May 2006. Database entry includes justification for why this species is endangered.
- ^ Save The Tiger Fund | Wild Tiger Conservation
- ^ a b c d e f (id)Liputan 6.com(dipunundhuh tanggal 26 April 2011)
- ^ a b c d e f g h i (id)Berita Antara Online(dipunundhuh tanggal 26 April 2011)
- ^ a b c d e f g (id)Kompas Online(dipunundhuh tanggal 26 April 2011)
- ^ a b c (id)Kompas Nasional(dipunundhuh tanggal 26 April 2011)
- ^ a b c (id)Antara News(dipunundhuh tanggal 26 April 2011)
- ^ a b c d e (id)MKoran Tempo(dipunundhuh tanggal 26 April 2011)
- ^ a b c d (id)Detik
Pranala jaba [sunting]
- http://www.detiknews.com/read/2009/11/28/103737/1250070/10/video-harimau-putih-makan-manusia-gegerkan-warga-bogor
- http://sains.kompas.com/read/2010/02/09/14302817/Harimau.Jawa.Masih.Ada.di.Wonogiri
 |
Wikispecies duwé informasi ngenani |
