Yoyok Riyo Sudibyo

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Mayor Arh. (Purn.) H.
Yoyok Riyo Sudibyo
Yoyok Riyo Sudibyo Official.png
Bupati Batang 9
Wiwit linggih
13 Fèbruari 2012
Présidhèn Susilo Bambang Yudhoyono
Joko Widodo
Gubernur Bibit Waluyo
Ganjar Pranowo
Litnan Soetadi
Kang sadurungé Bambang Bintoro
Rerincèn dhiri
Lair (1972-04-23) April 23, 1972 (umur 47) [1]
Indonésia Batang, Jawa Tengah, Indonésia
Bangsa Indonésia Indonésia
Parté pulitik 20px|link=Partai Solidaritas Indonésia Partai Solidaritas Indonésia
Sisihan Hj. Budi Prasetiyawati, S.Sos
Almamater Akademi Militer
Panggaota Tentara
Wirausaha
Bupati
Agama Islam
Sana jaringan http://yoyokriyo.com
Jasa militèr
Kasetyan  Indonésia
Cawang 25px TNI Angkatan Darat
Taun leladi 1994-2006
Pangkat 25px Mayor
Iji Arhanud
Badan Intelijen Negara

Mayor Arh. (Purn.) H. Yoyok Riyo Sudibyo (lair ing Kabupatèn Batang, Jawa Tengah, 23 April 1972; umur 47 taun) ya iku Bupati Batang madeg awit tanggal 13 Fèbruari 2012 tekan taun 2017. Bebarengan karo wakilé, Soetadi, dhèwèké dilantik tanggal 13 Fèbruari 2012 déning Gubernur Jawa Tengah, Bibit Waluyo, sawisé mimpang ing Pemilihan Kepala Daerah Kabupatèn Batang sasi Dhésèmber 2011 kanthi ngumpulaké 113.027 suara (40,03 persèn) ngalahaké rong calon liyané, ya iku Susi Iriani-Lafran Panca Putranto (62.397 swara utawa 22,10 persèn), lan Dheddy Irawan-Mujarwo (107.992 swara utawa 37,87 persèn).[2] Yoyok lan Soetadi ngusung visi “Birokrasi Bersih, Ékonomi Bangkit”.[3][4][5]

Latar wuri[besut | besut sumber]

Yoyok Rio Sudibyo ngrampungaké pawiyatan Akademi Militer ing taun 1994. Sapérang tugas naté diemban ing antarané perwira operasi Detasemen Intel Kodam Jaya, Jakarta taun 2001, Komandan Koramil 03 Tanjung Priok, Jakarta Lor taun 2002, lan Komandan Satgas Badan Intelijen Negara (BIN) laladan Jayawijaya, Papua taun 2004. Nalika didhapuk dadi Danramil 03 Tanjung Priok, Yoyok kalebu Danramil sing paling nom sa-Indonesia.

Ing taun 2006, Yoyok Riyo gawé kaputusan pensiun gasik, lan mungkasi lumakuné ing dhinas militèr. Dhèwèké luwih milih ngemunah usaha garmen sing wis dirintis sadurungé. Pilihané kanggo pensiun ndadèkké perang batin, antarané nutukaké dadi bala utawa mandheg. Nanging pungkasé Yoyok teteg lan ora lila yèn ora ngopèni atusan pegawé sing wis prasetya. Salawasé taun 2006 tumeka 2012, dhèwèké njabat dadi Direktur Utama PT Smile Papua dan PT Papua Maju Sejahtera. Ya ing mangsa kuwi, usaha garmen sing ditelaténi maju saéngga nduwé toko cacahé sewidak ing Papua lan Batang.

Ing Pemilihan Kepala Daerah Kabupatèn Batang 2012, Yoyok wiwitané arep maju minangka calon indhepènden, disengkuyung déning golongan masarakat, wong tani lan para pangemunah yeyasan swadaya masarakat (LSM). Nanging ing wektu-wektu nyedhaki pandhaptaran ing Komisi Pemilihan Umum Daerah (KPUD), partai-partai pulitik mratélakké sengkuyungané, saéngga pasangan Yoyok-Soetadi kacathet minangka calon sing disengkuyung déning Parté Golongan Karya, Parté Amanat Nasional (PAN), Parté Persatuan Pembangunan (PPP), Parté Dhémokrat, lan sapérang partè sing ora duwé kursi ing gedhong dewan.

Pangaji[besut | besut sumber]

Rujukan[besut | besut sumber]

  1. Kabupatèn Batang:Yoyok Rio Sudibyo, diakses 24 Januari 2016; 13:28
  2. Lensa Indonesia: Yoyok Riyo Sudibyo-Sutadi Dipastikan Menang Pilkada Batang, diakses 27 April 2017
  3. News Detik:Selesai Menjabat, Eks Bupati Batang Tinggal di Rumah Kontrakan, diakses 27 April 2017
  4. Jateng TribunNews: Yoyok: Dagangan Saya Hancur Selama Saya Jadi Bupati, Sekarang Waktunya Membenahi, diakses 27 April 2017
  5. Regional Kompas: Mengenal Bupati Yoyok, "Mayor Edan" Penerima Bung Hatta Award 2015, diakses 27 April 2017