Mayor

Saka Wikipédia Jawa, bauwarna bébas abasa Jawa
Disambig.svg
Kanggé kaginan sanès, pirsani Mayor (disambiguasi).

Mayor iku pangkat jroning kamilitèran kanggo perwira tingkat menengah. Umumé pangkat iki persis sadhuwuré pangkat Kaptèn lan persisi sangisoré Letnan Kolonèl. Umumé, Mayor kalebu kategori perwira "Level 4" (O-4), senadyan ana uga sistem kang nggolongaké Mayor minangka Level 3 (conto jroning sistem kapangkatan NATO).

Ing Indonésia, Mayor iku pangkat paling cendhèk ing jenjang perwira menengah, kang dianugerahaké marang kaptèn kang éntuk promosi munggah pangkat. Pangkat Mayor ing TNI setara karo Komisaris Pulisi ing Kepulisian Républik Indonésia (Polri).

Sebutan pangkat iki asalé saka pangkat majoor jroning katentaraan Hindia Walanda utawa het Koninlijke Nederlands(ch)-Indische Leger (KNIL). Wong pribumi Hindia Walanda/Indonésia kang naté ngancik pangkat iki ing jaman semana mung siji, ya iku Urip Sumohardjo, kang sabanjuré ing jaman perang kemerdekaan Indonésia (1945-1949) mengku jabatan minangka Kepala Staf Tentara Nasional Indonésia (TNI) kanthi pangkat Jenderal Mayor wiwit pembentukan Tentara Keamanan Rakyat, Tentara Républik Indonésia (TRI), nganti séda kanthi pangkat pungkasan Letnan Jenderal ing tanggal 17 November 1948.

Delengen uga[besut | besut sumber]

Sumber artikel punika saking kaca situs web: "https://jv.wikipedia.org/w/index.php?title=Mayor&oldid=1052759"