Trigonomètri

Saka Wikipédia Jawa, bauwarna bébas abasa Jawa

Trigonomètri (saka basa Yunani trigonon = telu pojok lan metro = ngukur) iku sawijining cawang matématika sing magepokan karo pojok (basa Indonésia: ‘’sudut’’), segi telu lan fungsi trigonomètrik kaya sinus, cosinus, lan tangen. Trigonomètri duwé gayutan karo géomètri, sanadyan ana ora kasurujukan ngenani apa gayutan’e; tumrap sawetara pihak, trigonomètri iku bpérangan saka géometri.

Sajarah wiwitan[besut | besut sumber]

Awal trigonomètri bisa dilacak nganti jaman Mesir Kuna lan Babilonia lan peradaban Lembah Indhus, punjul 3000 taun kapungkur. Matématikawan India iku perintis pétungan variabel aljabar sing dipigunakaké kanggo ngitung astronomi lan uga trigonomètri. Lagadha iku matématikawan sing dikenal nganti saiki sing migunakaké géometri lan trigonomètri kanggo pétungan astronomi sajeroning bukuné Vedanga, Jyotisha, sing sapérangan gedhé asil kerjané ajur déning penjajah India.

Matematikawan Yunani Hipparchus watara 150 SM nyusun tabel trigonomètri kanggo ngétung segi telu.

Matematikawan Yunani liyané, Ptolemy watara taun 100 ngembangaké pétungan trigonomètri sabanjuré.

Matématikawan Silesia Bartholemaeus Pitiskus macak sawiji karya sing mrebawani ngenani trigonomètri ing taun 1595 lan ngenalaké tembung iki sajeroning basa Inggris lan Prancis.

Trigonomètri saiki[besut | besut sumber]

Ana akèh aplikasi trigonomètri. Mliginé ya iku tèknik triangulasi sing digunakaké sajeroning astronomi kanggo ngitung let menyang lintang-lintang paling cedhak, sajeroning géografi kanggo ngitung antara titik tinamtu, lan sajeroning sistem navigasi satelit.

Babagan liyané sing migunakaké trigonomètri kalebu astronomi (lan kalebu navigasi, ing segara, udara, lan angkasa), téyori musik, akustik, optik, analisis pasar finansial, èlèktronik, téyori probabilitas, statistik, biologi, pencitraan medhis/medical imaging (CAT scan lan ultrasound), farmasi, kimia, téyori angka (lan kalebu kriptologi), seismologi, météorologi, oséanografi, manéka cawang sajeroning èlmu fisika, survei dharat lan géodhèsi, arsitèktur, fonétika, ékonomi, tèknik listrik, tèknik mékanik, tèknik sipil, grafik komputer, kartografi, kristalografi.

Ana pangembangan modhèren trigonomètri sing nglibataké "panyebaran" lan "quadrance", dudu pojok lan dawa. ‘’Pendekatan’’ anyar iki diarani trigonomètri rasional lan minangka asil kerja saka Dr. Norman Wildberger saka Universitas New South Wales. Informasi luwih pepak bisa dipirsani ing situs webé[1].

Hubungan fungsi trigonomètri[besut | besut sumber]

Panjumlahan[besut | besut sumber]

Rumus pojok rangkep loro[besut | besut sumber]

Rumus pojok rangkep telu[besut | besut sumber]

Rumus setengah pojok[besut | besut sumber]

Uga delengen[besut | besut sumber]

Wikiquote-logo.svg
Wikiquote kagungan koléksi kutipan ingkang wonten kaitanipun kaliyan:

Rujukan[besut | besut sumber]