Tina Toon

Saka Wikipédia Jawa, bauwarna bébas abasa Jawa
Jump to navigation Jump to search
Tina Toon
Tina Toon
Tina Toon
Latar wuri
Lair (1993-08-20) Agustus 20, 1993 (umur 24)
Indonésia Jakarta, Indonésia
Jinis Musik Pop
Pakaryan Penyanyi, artis
Taun aktif 1999 - sekarang
Parusahan rekaman Nagaswara

Agustina Hermanto kondhang kanthi jeneng Tina Toon (lair ing Jakarta, 20 Agustus 1993; umur 24 taun) ya iku salah sijiné penyanyi lan aktris cilik Indonésia.[1] Tina Toon dikenal kanthi goyang ngebor kang mirib kaya goyang ngebor Inul Daratista.[1] Tina Toon dikenal lumantar laguné kang judhulé Bolo-Bolo.[1] Saliyané iku, Tina Toon uga dikenal amarga obahan guluné kang bisa muter.[1]

Karir[besut | besut sumber]

Tina dadi anak pambarep saka sadulur kang cacahé loro.[1] Tina Toon iku anak saka pasangan Megawati lan Aan Hermanto.[1] Nalika cilik, Tina kerep lara.[1] Kamangka nalika iku wong tuwané manggon ing Pamanukan, Subang kang wektu iku angèl nemu dhokter spesialis.[1] Mulane Tina dititipaké ing simbahé kang manggon ing Kelapa Gading supaya gampang tamba ing dhokter spesialis.[1]

Bakat kang dinduweni Tina nurun saka ibune kang biyèn tau nggabung ing salah sawijiné kelompok musik ing Cirebon.[1] Simbahe Tina kang jenenge Ana Setiawati kerep ngajak Tina mèlu lomba nyanyi.[1] Nalika umuré patang taun, Tina éntuk juwara loro ing lomba nyanyi kang dianakake ing Mal Kelapa Gading.[1] Nalika iku Tina nyanyi lagi karangan A.T. Mahmud kang judhulé "Pelangi-Pelangi".[1]

Nalika taun 1998, paklike Tina ngajak rekaman.[1] Nanging amarga ana haruhara taun 1998, rekaman iku ora ditutugaké.[1] Banjur Ana nglebokaké Tina ing sanggar Papa T. Bob.[1] Sawisé lulus tes vokal, Papa T. Bob nggawékaké lagu lan nggawa Tina ing dapur rekaman. Papa T. Bob uga kang mènèhi jeneng Tina Toon.[1] Album kang sepisanan judhulé Bolo-bolo (1999).[1] Ing album iki lagu kang dadi andalan ya iku lagu kang judhulé padha karo albumé ya iku Bolo-Bolo.[1] Lagu iki dadi lagu kang hit ing pasaran.[1] Album kang prodhuksiné enték 200 yuta iku bisa kadol nganti 300.000 keping.[1] Sawisé kasil ing album kang sepisanan, Tina banjur nggawé album kang kaping loro ya iku Siram (2000), Goyang Tina Toon (2001), lan Arti Bolo-bolo (2003).[1]

Taun 2004, Tina njajal akting ing layar lebar.[2] Tina dadi bintang filem komedi kang judhule Tina Toon & Lenong Bocah.[2] Film garapan Aditya Gumay iki nyritakaké ngenani bocah wadon kang mlarat lan pungkasané dadi sugih amarga nyanyi.[2] Saliyané Tina Toon, filem iki uga diramékaké artis misuwur kaya ta Ingrid Widjanarko, Ria Irawan, Vicky Burky, Alicia Johar, lan Piyu Padi.[2] Sadurungé, tina uga tau main teater musikal dhuwéké Rachel Maryam lan Dian Sastrowardoyo kang judhulé Bawang Merah dan Bawang Putih.[3] Ing pagelaran iki Tina Toon meranaké dadi iwak louhan ajaib kang lincah megal-megolaké buntuté.[3]

Cathetan suku[besut | besut sumber]

  1. ^ a b c d e f g h i j k l m n o p q r s t u v [ Profil ing KapanLagi.com(dipunundhuh tanggal 10 Juli 2011)
  2. ^ a b c d 'TINA TOON & LENONG BOCAH' Diharapkan Mampu Tarik Minat Penonton Anak(dipunundhuh tanggal 10 Juli 2011)
  3. ^ a b Tina Toon Main Film 'TINA TOON dan LENONG BOCAH', (dipunundhuh tanggal 10 Juli 2011)