Taman Wisata Mekarsari

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Pintu gerbang Taman Wisata Mekarsari

Taman Wisata Mekarsari punika salah satunggaling pusat kanggé nglestantunaken keanékaragaman hayati woh-wohan tropika paling ageng sakdonya. Mliginipun kanggé jinis woh-wohan unggulan ingkang dipunkempalaken saking sadaya tlatah wonten Indonesia, kejawi punika papan punika ugi kaginakaken kanggé papan panaliten budidaya (agronomi), pemuliaan utawi breeding saha damel bibit unggul kanthi jumlah kathah lajeng samangké dipunsebaraken dhateng para wong tani lan masarakat umum.

Lokasi[besut | besut sumber]

Taman Wisata Mekarsari punika mapan wonten ing Kacamatan Cileungsi, Kabupatèn Bogor, Jawa Barat [1]. Kanggé tindak dhateng papan punika saged kajamah kanthi transportasi umum saking Jakarta, Bogor, ugi Bekasi jurusan ingakng pinuju dhateng Jonggol.

Sarana wisata[besut | besut sumber]

Sabut Kelapa Outbound

Taman Wisata Mekarsari punika wiyaripun 264 hektar ingkang dipunjangkepi kaliyan papan pariwisata kanggé wisatawan nusantara ugi wisatawan mancanagara. Wisata wonten ing tengah-tengahing taman buah dipundukung kaliyan kathah wahana ingkang langkung ngraketaken para rawuh dhateng alam. Wahana punika kados ingkang mau wonten ing ngandhap punika:

  • Family Garden,
  • Rekreasi Danau (25 ha),
  • Baby Zoo,
  • Rusa Tutul,
  • Garden Center,
  • Greenhouse Melon [2],
  • Sabut Kelapa Outbound
  • Bunga Bangkai,
  • Kids Fun Valley,
  • Menara Pandang,
  • Wangunan Air Terjun (Puri Tirto Sari).
  • Pongo Show

Taman Wisata ingkang dipun-kelola déning PT. Mekar Unggul Sari punika nawèkaken kathah program ingkang menarik kanthi fasilitas ingkang jangkep. Ing Taman wisata punika wonten manéka warni jinis atraksi wisata. Kunjungan dhateng Taman Wisata Mekarsari punika saged dipunwiwiti kanthi nitih kereta wisata kanggé mirsani manéka kolèksi tuwuhan ingkang wonten. Nalika muter-muter aréa mau saged mirsani objek-objek kados ta aréal kanggé pembibitan, persemaian, aréal griya plastik, wahana kanggé outbond, kebon janganan, kolam pemancingan, tabulampot (tanaman buah dalam pot), kebon wisata melon, kebon salak, rambutan, jeruk, nangka, blimbing, lan taksih kathah malih [1].

Nalika liwat ing kebon wisata melon saged mirsani tuwuhan melon ingkang wonten ing griya plastik. Jinis melon ingkang wonten ing mriku punika manéka warni kados ta melon golden light, melon jade flower, melon glamour, melon golden langkawi, lan melon renong. Nalika badhé ngaso saged wonten ing grojogan [1].

Taman Wisata Mekarsari sapunika sampun gadhah koleksi tuwuhan saking manéka warni jinis spesiès. Kajawi woh-wohan ingkang dipuntandur kados aslinipun, wonten ugi woh-wohan ingkang kalebet asiling kreasi piyambak saking Laboratorium Mekarsari. Wonten produk ingkang dipunremeni déning para wisatawan lan dados produk unggulan. Produk ingkang dados produk unggulan punika kados ta nenas arnis, barbados cherry, jambu air irung petruk, jambu air cengkih, nangkadak, cempeka lan pedakka. Tiga jinis buah ingkang mau ing pungkasan punika asiling persilangan antawisipun cempedak lan nangka. Raos lan aromanipun khas sanget, legi kados cempedak nanging wujudipun kados nangka [1].

Paket Program Wisata[besut | besut sumber]

Kathah aktivitas wisata ingkang saged dipunlampahi ing Taman Wisata Mekarsari, wiwit saking wisata metik woh-wohan, wisata dolanan kanggé anak-anak, outbond dumugi wisata pendidikan. Kanggé ndhèrèk kagiyatan mau saged milih paket-paket ingkang sampun dipunsamektakaken déning pangelola taman wisata punika, kados ta paket tur nandur, budidaya tuwuhan, tur berkebon, paket pelajar, paket perusahaan, paket perkemahan, paket outbond, paket kultur jaringan tuwuhan, paket hiburan lan taksih kathah malih. Sedaya paket punika dipundamel kanthi ancas supados nggampilaken anggènipun para wisatawan milih aktivitas ing Taman Wisata Mekarsari [1].

Pranala[besut | besut sumber]

Cathetan suku[besut | besut sumber]

  1. a b c d e [1], Mekarsari (dipun-akses tanggal 25 Dhésèmber 2012).
  2. [2], Wisata di Mekarsari (dipun-akses tanggal 25 Dhésèmber 2012).