Taiyaki

Taiyaki mini

Taiyaki kang lagi dipanggang

Taiyaki (たい焼き、鯛焼き、たいやき、タイヤキ, Taiyaki^?) ya iku roti Jepang kang wujudé kaya iwak. Pérangan ndhuwur lang ngisore roti dipisah manggange. Sawisé roti arep mteng, kekarone didadèkaké siji nganggo selai kacang abang. Roti iki uga kerep diiseni nganggo coklat, custard, kèju, utawa sosis. Kayadene adonan dorayaki utawa panekuk, adonan taiyaki digawé saka campuran glepung, gula pasir, baking powder, endhog pitik, lan banyu.

Ing basa Jepang, tai (鯛, tai^?) ya iku sesebutan kanggo sakabehing iwak saka familia Sparidae. Loyang kang dianggo manggang roti wujudé iwak, dadi diarani taiyaki (ing basa Jepang, yaki tegesé panggang). Taiyaki kang paling apik padatan dibiji saka isi sele kacang abang kang tekan ing pérangan buntute.

Roti taiyaki dadi tema lagu "Oyoge! Taiyaki-kun" ("Ayo nglangi! si Taiyaki") kang dinyanyekake Masato Shimon. Nganti seprene, singel mau minangka singel paling laris ing sajarah indhustri rekaman Jepang.Hingga saat ini, singel tersebut merupakan singel terlaris dalam sajarah indhustri rekaman Jepang.

Asal-usul

Taiyaki wiwitane ya iku imagawayaki kang dicithak ing manéka wujud kéwan. Ing Jepang, iwak tai iku iwak larang, mung dipangan wong nalika ana pahargyan istimewa. Bakul imagawayaki uga nggawe rotine dadi wujud iwak supaya wong kang arang mangan iwak tai dadi bungah. Saliyané iku, iwak mau dipercaya dadi iwak kang nggawa kabegjan, mula imagawayaki kang wujudé iwak kawentar minangkan taiyaki.