Imagawayaki

Saka Wikipédia Jawa, bauwarna bébas abasa Jawa
Imagawayaki

Imagawayaki (今川焼き?) inggih menika satunggaling dhaharan awujud kué Jepang mawi isi selai kacang abrit.[1] Adonan saking dhaharan menika encer, lan dipundamel saking campuran glepung terigu, tigan, gula, lan toya. Imagawayaki menika dipunpanggang wonten ing loyang tembaga ingkang wonten bolongan bunder-bunder. Nalika dhaharan menika sampun badhe mateng, selai kacang abrit dipunparingaken wonten ing salah satunggaling sisih. Menawi sampun lajeng kekalih sisihipun kué lajeng dipundadosaken setunggal nalika kué menika tasih ing saknginggilipun geni. Dhaharan menika gadhah nama ingkang maneka werni wonten ing saperangan wewengkon ing Jepang.

Sajarah[besut | besut sumber]

Namanipun kué menika asalipun saking papan nalika kué menika dipundamel. Imagawayaki kaping setunggal dipunsadé ing toko kué ingkang mapan wonten ing Kreteg Imagawa, wewengkon Kanda wonten ing Edo kirang langkung nalika taun 1772-1780 (tengahaning jaman Edo).[2] Kué menika laris sanget dumugi mèrèk dagangipun imagawayaki (imagawa panggang) ewah dados nama generik. Saksampunipun nyebar wonten ing wewengkon-wewengkon Jepang, lajeng kué menika boten dipunsebut imagawayaki, ananging asring éwah gumantung kaliyan papan utawi toko ingkang nyadé. Wonten ing wewengkon Kansai, dhaharan menika dipunsebut kaliyan obanyaki (大判焼き?), nijuyaki (二重焼き?), kaitenyaki (回転焼き?), utawi minangka kaitenmanju (回転饅頭?) wonten ing Osaka lan Sakai. Wonten ing Hokkaido, Aomori, lan Hirosaki, kué menika ugi sinebat oyaki (おやき?).

Ugi pirsani[besut | besut sumber]

Rujukan[besut | besut sumber]

  1. ^ "Imagawayaki 今川焼き (Obanyaki 大判焼き) • Just One Cookbook". Just One Cookbook (ing basa Inggris). 2017-08-23. Dijupuk 2017-11-27. 
  2. ^ Motoyama, Tekishū (1958). 飲食事典 (Inshoku Jiten). Heibonsha. k. 40.