Si Unyil

Saka Wikipédia Jawa, bauwarna mardika basa Jawa

Si Unyil iku filem sèri télévisi Indonésia gawéyané PPFN sing digiyaraké saben dina Minggu ésuk ing stasiun TVRI. Acara kanggo bocah iki wiwit ana 5 April 1981 nganti 1993. Si Unyil karipta déning Suyadi.

Sinopsis[besut | besut sumber]

Critané magepokan karo murid-murid ing Sekolah Dasar (sing banjur saterusé bisa ngancik Sekolah Menengah Pertama). Lakoné Unyil. Tembung "Unyil" dijupuk saka tembung "mungil" sing tegesé "cilik".

Si Unyil iki nduwé sumbang sih marang kabudayan populèr ing Indonésia, ing antarané ukara "Hom-pim-pah alaiyum gambreng!" nganti paraga-paraga sing ana, kaya ta Pak Radèn lan Pak Ogah sing kondhang kanthi pocapan "Cepèk dulu dong!"

Saiki, bonéka-bonéka Si Unyil dadi kolèksiné Museum Wayang ing Jakarta.

Sèkuèl[besut | besut sumber]

Film iki naté diangkat manèh dëning PPFN kanthi pramayoga saka Helmy Yahya ing taun 2001. Usahané gagal.

Ing taun 2007, paraga Unyil diangkat manèh déning stasiun tv Trans7 kanthi jeneng Laptop Si Unyil. Karakter, lagu pambuka, lan latar carita tetep kaya mbiyèn, kajaba ana owah-owahan anyar karebèn bisa klop karo jaman. Pocapan Pak Ogah, sing mbiyèn "Cepèk dulu dong" saiki dadi "Gopèk dulu dong"; lan Unyil dikanthèni kanca-kancané ngrembug pendhidhikan nganggo laptop.

Ingkang maragani[besut | besut sumber]

Unyil, Ucrit, lan Usro
karakter utama ing filem Si Unyil
Pak Radèn
blangkonan lang njawani. Klambi beskap warna ireng lan nganggo tongkat. Bréngosé kandel. Kabèh sing kedadèn dirujuk menyang primbon. Tansah ngilari yèn ana kerjabakti ing désa Sukamaju kanthi alesan éncoké kumat.
Tokoh Pak Radèn iki uga duwé sipat medhit karo tangga, saéngga woh pelemé asring dicolong Pak Ogah. Kaya lumrahé paraga sing turun ningrat, Pak Radèn uga nduwé manuk perkutut sarta seneng nglukis. Lagaké rikat nesu nanging yèn ngguyu lakak-lakak. Pocapan sing kondhang ya iku "Wé lah dalah."
Pak Ogah
misuwur amarga pengangguran lan sirahé gundhul. Senengé cangkruk ana ing pos rondha lan njaluki dhuwit. Kanca akrabé Pak Ablèh.
Ukara Pak Ogah sing paling kondhang ya iku "Ogah, aah" lan "Cepek dulu dong." Ogah iku tembung padinan sing tegesé "ora", lumrahé amarga males.Kaya ta kadadéan kang dialami sajeroning filem iki,Pak Ogah manawa dijak lunga utawa ditawani makarya bakti, watara males uga wegah dijak lunga/mergawé hawané pengen ning omah, Pak Ogah ngomong, "Ogah, aah." Manawa diangen-agen tembung "ogah" duwé konotasi kurang sopan, manawa kanggo ngendikan karo wong kang luwih sepuh utawa kang luwih dhuwur statusé
"Cepek" kang tegesé satus, kang dijupuk saka dhialèk Hokkian lan sajeroning kiasan kanthi umum ya iku dhuwit receh logam utawa satus rupiah. Pak Ogah sajeroning filem seri lumrahé ngijinake kebeh wong kang lumantar ngarep gardu utawa bisa uga diarani "rondan", Pak ogah ngomong cepek dulu dong.
Karana kamisuwuran seri Si Unyil, tembung Pak Ogah banjur kalebu dadi wahana populèr lan didadèkaké tembung umum nyebut wong kang ora duwé pangawean utawa tunakarya kang luwih seneng males-malesan lan ora seneng makarya kang abot-abot (rekasa). Kaya ta kang ana ing prapatan dalan kang rame, asring ana wong nanging ora pulisi kang ngatur dalan (lalu-lintas).Kaanan mangkono dimumpangatake salah sijiné wong kanggo nata lajune lalu-lintas.Wong kang ngatur lalu-lintas kang ana ing prapatan dalan gedhé nanging dudu pulisi uga njaluk dhuwit sok diarani kanthi sesebutan Pak Ogah.
Paraga liyané
Kinoy
Meilani
Tinah
Bun Bun
Pak Ableh
Cuplis
Pak Unyil
Bu Unyil
Bu Raden
Pak lurah
Pak hansip
Endut
Mbok Bariah
Siti
Mbah Bejo
Nenek Ijah
Orang gila
Engkong
Menik
Itong
Bu guru
Penjahat

Pranala njaba[besut | besut sumber]