Si Doel Anak Modern

Si Doel Anak Modern
Disutradarani	Sjumandjaja
Diprodhuseri	Sjumandjaja
Ditulis déning	Sjumandjaja Wim Umboh
Dibintangi	Benyamin S. Christine Hakim Benyamin S. Tutie Kirana S. Bono Achmad Albar Farouk Afero Wahab Abdi Rd Mochtar Maruli Sitompul Yati Octavia Nico Pelamonia Urip Arphan
Dimusiki	Ahmad Albar Kemal Redha
Sinématografi	Djufri Tanissan FES Tarigan
Dibesut déning	Janis Badar
Dibabar déning	PT Matari Film
Suwéné	107 menit
Nagara	Indonesia

Si Doel Anak Modern ya iku filem drama kulawarga Indonésia terusané saka Si Doel Anak Betawi, kang digawé taun 1976 lan disutradarani Sjumandjaja. Film iki dibintangi Benyamin S., Tutie Kirana lan Christine Hakim.

Ringkesan carita

Nalika lulus sekolah, Si Doel (Benyamin S.) mung nganggur ing kampung. Dhèwèké ora tau gelem nalika dijodhoke déning ibuné, amarga dhèwèké trésna banget karo Nonon alias Kristin (Christine Hakim), kanca sekolahé ing kutha kang dadi pragawati.

Banjur Si Doel ngrayu ibuné supaya adol lemahé kanggo modhal kerja ing kutha. Wiwitané Si Doel mèlu kerja dol-tinuku mobil karo Sapii (Farouk Afero), kancané. Banjur ketemu Sinyo (Wahab Abdi), kang nduwè bojo akèh. Saliyané iku Si Doel uga mèlu dol-tinuku lemah. Si Doel kerja iki supaya bisa ketemu Kristin.

Kanca-Kancané Doel ora ngira yèn Si Doel iku tenanan, amarga wiwitané wong loro iku mung ngajari Si Doel supaya dadi moderen. Nalika ngerti Kristin wis duwèni pacar, Achmad (Ahmad Albar), kang rambuté kribo, Doel uga mèlu kribo. Kristin luwih seneng Doel kang lucu lan nyenengaké nalika dhèwèké lagi jèngkèl karo Achmad, musisi rock kang playboy.

Nalika Kristin karo Achmad pedhot, Doel diajak lunga menyang Bandung. Amarga Doel lunga Sapii lan Sinyo bingung kudu bayari dhuwit panjer lemah. Achmad uga bingung amarga Kristin lagi karo Si Doel. Achmad lan bala-balané banjur lunga menyang Bandung, semono uga Sapii lan Sinyo. Ing Bandung Doel dikroyok bala-balané Achmad, banjur Kristin misahké lan gelem bali karo Achmad, supaya Doel ora dikroyok. Doel uga kena masalah karo Sapii lan Sinyo, dhèwèké kudu ngrampungaké prakara bayar lemah.

Sawisé prakara iku ora let suwé, ana berita yèn Achmad arep nikah karo wong wadon liya. Kabar iku gawé Kristin nesu. Doel kang wis dadi wong sugih saka pangudiné karo bala-balané mara omahé Kristin nggawa rombongan. Ing kono Kristin kaget ngerti Doel kang mara karo nggawa rombongan, Doel nganggep Kristin matré, jebul iku salah.

Banjur Doel lumayu nggawa mobil, lan mobil iku lumebu jurang, lan Doel lumebu rumah sakit. Marang ibuné Doel matur kapok dadi wong moderen.