Menyang kontèn

Slèdri

Saka Wikipédia Jawa, bauwarna mardika basa Jawa
(Kaelih saka Selèdri)
Slèdri
Klasifikasi ngèlmiah
Karajan: Plantae
Dhivisi: Magnoliophyta
Klas: Magnoliopsida
Ordho: Apiales
Famili: Apiaceae
Génus: Apium
Spésies: A. graveolens
Jeneng binomial
Apium graveolens
L.

Slèdri yaiku salah siji tuwuhan kang lumrah kita wéruhi ana sayur kaya ta sop, bakso, capcay lan salad.[1] Slèdri iku bisa dadi obat lelara kulit, saliyané iku uga bisa kanggo ngilangaké racun ing getih lan warasaké alèrgi.[1] Saliyané digawé campuran samubarang slèdri uga bisa dicampur karo tuwuhan liya kaya ta timun, wortel, lan bit.[1] Slèdri sing jeneng latiné Apium Graveolens wis ana ing Éropah kidul kurang luwih ing abad 15.[1] Tuwuhan iki wis misuwur minangka tamba utawa jamu, saliyané iku uga bisa kanggo nyedhepaké masakan.[1] Slèdri iki pranyata nduwé munpanggat kanggo ngilangaké ambu cangkem kang ora sedhep.[2] Amarga tuwuhan iki bisa nambahi ngundhakaké produksi idu ana njero cangkem kita kang ampuh banget ngresiki baktèri kang ala sing bisa dadékaké mambu cangekemé dhéwé.[2] Mula iku aja mamang yèn ta mamah tuwuhan iki.[2]

Ing nagara-nagara maju akèh banget sing wis bisa manfaataké sakabèhing pérangan sing ana ing wit slèdri, nganti ora ana pérangan sing disingkrihi.[3] Pranyata akèh banget ing Indonésia kang gampang tinemu ing laladan pagunungan kang uripé alasan ana alas.[3] Kaya ta ing laladan Yogyakarta, Pulo Jawa, Bali, Lombok, NTT lan sacedhaké.[3] Mumpangataké slèdri adoh sangisore 50% saka kasil panèn, sisané mung dijarké alum lan dadi lapuk bareng lemah.[3]

Jinising Slèdri

[besut | besut sumber]
Slédri

Ana rong jinis slèdri didelok saka warnané yaiku:

  1. Slèdri Kuning[1]
  2. Slèdri Ijo[1] jinisé uga ana loro yaiku 1. Golden Crisp luwih misuwur jeneng selèdri lokal kang godhongé cilik-cilik,[1] 2. Giant Pascal kang godhonge gedhé-gedhé.[1]

Menawa saka Hibitus[4] wit slèdri ana telu yaiku:

  1. Slèdri godhong. Slèdri bisa didelok saka tata cara panen yaiku dicabut galihé utawa dipethik godhongé.
  2. Slèdri potong. Slèdri kang bisa dipanèn kanthi cara diiris ing dhasar galihé.
  3. Slèdri umbi. Slèdri iki padatané dipanèn godhonge waé. ananging jinis iki nduwéni bonggol (umbi) ing bagéyan dhasaré.
Celery, raw
Ajiné nutrisi saben 100 g (3.5 oz)
Ènergi57 kJ (14 kkal)
3 g
Gula1.4 g
Serat panganan1.6 g
0.2 g
0.7 g
Vitamin
Vitamin C
(4%)
3 mg
Komponèn liyané
Banyu95 g
Persèntase sadarma pangira-ira sarana pamrayoga ing AS tumrap wong diwasa.
Sumber: Sasana Dhata Gizi USDA

Cara ngolah slédri

[besut | besut sumber]
  1. Nyuburaké rambut, Carané yaiku resiki slédri 7-10 iji nganti resik.[5] Banjur digecek nganti alus.[5] Yèn ta bar kramasan, slèdri mau digosokaké rata ana kulit sirah kanthi alus pijetan tangané. Yèn wis rampung rambut ditutup andhuk kurang luwih sakjam.[5] Banjur diwisuh banyu nganti resik.[5] Iki dilakokaké seminggu sapisan.[5]
  2. Ngedhunaké kolesterol, Carané yaiku resiki oyode slédri 30 gram nganti resik.[5] Banjur godhog nganggo rong gelas banyu putih ngati sisa kurang luwih sagelas.[5] yèn wis adhem, banjur disaring lan diunjuk kabèh.[5]
  3. Ngilangaké alergi, Carané yaiku rong iji slèdri, telu iji wotel sedheng, lan siji tela bit sedheng diresiki resik.[5] Banjur digawé jus.[5] Unjuk jus mau ngati entek pas weteng ngelih.[5] Sadina digawé kaping loro.[5]
  4. Ngurangi kolik lan lara weteng, Carané yaiku 60 gram slèdri seger, sakros jae abang, siji gula aren.[5] Kateluné banjur digodhog nganggo rong gelas banyu.yèn wis adhem, banjur disaring lan diunjuk kabèh.[5] nganti sisa sagelas.[5] yèn wis adhem, banjur disaring lan diunjuk kabèh.[5] yèn wis adhem, banjur disaring lan diunjuk kabèh.[5]
  5. Ngobati watuk, Carané yaiku resiki 30 gram slèdri.[5] Banjur dikethok-kethok.[5] Digodhog nganggo telung gelas banyu nganti sisa sagelas banjur disaring.[5] Yèn seneng bisa diwènèhi madu. Digawé sadina ping pindho, ésuk lan sore.[5]
  6. Ngobati bronkitis, Carané yaiku resiki 60 gram slèdri, 10 gram kulite jeruk mandarin, lan 25 gram gula aren.[5] Banjur dirajang, digodhog nganggo telung gelas banyu nganti sisa separoné.[5] yèn wis adhem, banjur disaring lan diunjuk kabèh.[5] yèn wis adhem, banjur disaring lan diunjuk kabèh.[5] Digawé sadina ping pindho, ésuk lan sore.[5]
  7. Ngudhunaké dharah dhuwur, Carené yaiku resiki 100 gram slèdri, digecek nganti alus.[5] Ditambah sagelas banyu anget.[5] Banjur disaring.[5] Yèn wis adhem diunjuk kaping pindho, ésuk lan awan.[5]
  8. Ngobati mata kering, Carené yaiku godhong slèdri kang senger digawé lalapan.[5] Dimadhang saben dina.[5]
  9. Ngobati rematik, Carané yaiku diresiki godhong slèdri antarané 30-40 iji. Banjur disiram nganggo banyu panas.[5] Dimadhang kanggo lalapan.[5] Kaping pindho sadina.[5]

Gladri

[besut | besut sumber]
  • Sop Kikil
    Sop Kikil
  • Bakso
    Bakso
  • Salad
    Salad
  • Seledri Ijo lokal
    Seledri Ijo lokal

Cathetan suku

[besut | besut sumber]
  1. ↑ a b c d e f g h i Kompas Online Archived 2012-06-24 at the Wayback Machine.(Kaundhuh tanggal 27 April 2011)
  2. ↑ a b c [1][pranala mati permanèn](Kaundhuh tanggal 28 April 2011)
  3. ↑ a b c d [2] Archived 2016-03-04 at the Wayback Machine.(Kaundhuh tanggal 28 April 2011)
  4. ↑ Rahayu, Sri (2017). Sehat Tanpa Obat dengan Seledri. Yogyakarta: Rapha Publishing. ISBN 978-979-29-6024-2.
  5. ↑ a b c d e f g h i j k l m n o p q r s t u v w x y z aa ab ac ad ae af ag ah ai [3] Archived 2010-09-01 at the Wayback Machine.(Kaundhuh tanggal 30 April 2011)


Dijupuk saka "https://jv.wikipedia.org/w/index.php?title=Slèdri&oldid=1660062"