Segitiga Bermuda
Segitiga Bermuda (basa Inggris: Bermuda Triangle) utawa kang misuwur kanthi sesebutan Segitiga Sétan (Devils Triangle) yaiku panggonan kang ana ing Samodra Atlantik kang minangka garis segitiga antara Bermuda, wewengkon teritorial Karajan Manunggal minanga titik ing laladan lor, Puerto Riko, tèritorial Amérikah Sarékat minangka titik ing laladan kidul lan Miami, praja Florida, Amérikah Sarékat minangka titik ing laladan kulon.[1] Panggonan iki ambané 1,5 juta mil² atau 4 juta km².[2]
Segitiga bermuda dianggep misterius banget. Ana isu paranormal kang ngandharaké kenapa akèh kapal lan pesawat kang ilang.[3] Ana sing carita yèn iku pancèn tandha-tandha alam, mula ora èntuk léwat kana. Ana uga kang carita yèn iku amarga makhluk akasa jaba.[4]
Sajarah
[besut | besut sumber]Nalika ngulandara ing laladan Bermuda taun 1492, Christopher Columbus nyathet kabèh kaanan kang ana ing laladan iku. Nalika iku kompas bola-bali owah, ora ngerti apa sebabé.[5] Kamangka nalika iku cuaca ya cerah-cerah waé. Saliyané iku, nalika wengi awak kapalé weruh bal-bal geni kang tiba menyang sagara. Dhéwekè uga weruh sinar kang cumlorot saka dhuwur kaya meteor lan ora suwé banjur ilang. Columbus uga nyathet piranti navigasi kerep ujug-ujug mati dhéwé.[2]
Pirang-pirang prastawa ilang ing panggonan iku pisanan didokumentasi déning E.V.W. Jones saka kalawarta Associated Press ing taun 1951. Jones nulis artikel babagan ilange prastawa ilang kanthi misterius kang dialami déning montor mabur lan sagara ing panggonan iku lan ngarani panggonan iku kanthi sesebutan ‘Segitiga Setan’. Kaya mangkono iku kang dicaritakake manèh déning Fate Magazine kanthi artikel kang digawé déning George X. ing taun 1965. Vincent Geddis ngarani panggonan iku kanthi sesebutan ‘Segitiga Bermuda yang mematikan’.
Segitiga bermuda minangka panggonan kang ana ing ngisor sagara, ing kana ana piramida gedhé kang ukurane luwih gedhé tinimbang piramida kang ana ing Kairo, Mesir. Piramida iku adohe saka pucuk piramida lan lumah sagara kira-kira 500 m, ing pucuk piramida iku ana rong bolongan kang luwih amba.
Prastawa
[besut | besut sumber]
Akèh prastawa kadadéan ing segitiga bermuda kang asipat misterius.
Pamaburan 19
[besut | besut sumber]5 Dhésèmber 1945 awan, lima pesawat pembom torpédho Avenger lunga saka Naval Air Station ing Fort Lauderdale, Florida, karo Letnan Charles Taylor minangka komandan lan 13 murid juru anggegana. Nalika kartengah jam mabur, kanthi radhio Taylor carita yèn kompas iku ora obah, nanging dhèwèké ngira-ira yèn dhèwèké ana ing panggonan ing Florida. Létnan kang nrima sinyal radhio iku mréntah Taylor mabur menyang lor Miami. Nalika iku, dhéwékè yakin yèn dhéwékè ana ing dhuwur Florida. Sanadyan dhéwékè juru anggegana kang berpengalaman, Taylor èntuk kanyatan kang medeni lan dhéwékè ngupaya metu saka Florida. Taylor lan anak buwahé metu saya adoh menyang laut.[3]
Nalika wengi, ujug-ujug sinyal radhio dadi èlèk, nganti pungkasané ilang. Angkatan laut Amérika nylidhiki lan nglaporaké yèn bingungé Taylor kang ndadékaké bencana, nanging ibuné ngyakinaké Angkatan laut Amérika ngowahi lapuran resmi yèn pesawat iku tiba kanthi sebab kang ora dingertèni.[1]
Pamaburan 201
[besut | besut sumber]Pesawat Cessna lunga saka Fort Lauderdale tanggal 31 Maret 1984, kanthi rute menyang Pulau Bimini ing Bahama, nanging ora tau bisa. Ing tengah dalan, pesawat dialonaké kanthi kecepatan kang signifikan. Nanging ora ana sinyal radhio kang digawé saka pesawat kang ngatonaké tekanan. Makbedunduk, pesawat tiba saka akasa ing banyu, bener-bener ilang saka radar. Ana wong wadon ing Pulau Bimini sumpah dhéwékè weruh pesawat kang tiba ing sagara adohé kira-kira samil saka pasisir, nanging ora ana kang bisa nemu reruntuhan pesawat.[4]
USS Cyclops
[besut | besut sumber]Nalika isih panas-panasé Perang Dunia I, Amérika uga mèlu perang. USS Cyclops, dipréntahaké déning Létnan GW Worley, kang tinggal ing Pasisir Timur Amérikah Sarékat nganti taun 1918 nalika dhéwékè dikirim menyang Brazil kanggo ngisi bahan bakar kapal-kapal Sakuthu. kanthi 309 wong ing jero pesawat, kapal lunga saka Rio de Janeiro ing sasi Fèbruari lan tekan Barbados ing sasi Maret. Sawisé iku, Cyclops ora tau keprungu manèh. Angkatan Laut ngandharaké ing tetélan resmi, “Ilangé kapal iku wis dadi salah siji misteri kang paling mbingungaké sajeroning sajarah Angkatan Laut. Ora ana mungsuh kapal selem ing Atlantik Kulon nalika iku, lan ing Dhésèmber 1918 akèh upaya kang dilakokaké kanggo ngèntukaké sumber-sumber Jerman informasi ngenani ilangé kapal.[5][6]
Kronologi Prastawa-Prastawa kang Misuwur
[besut | besut sumber]- 1840: HMS Rosalie
- 1872: The Mary Celeste, salah siji prastawa kang gedhé dhéwé ilange kapal-kapal ing segitiga bermuda
- 1909: The Spray
- 1917: SS Timandra
- 1918: USS Cyclops (AC-4) ilang ing sagara nalika ana badai. Nanging sadurungé budhal, menara pengawas ngandhani yèn sagara nalika iku anteng banget, ora bakalan ana badai.
- 1926: SS Suduffco ilang nalika cuacane èlèk.
- 1938: HMS Anglo Australian ilang. Nalika iku ana lapuran yèn cuacane anteng banget.
- 1945: Pamaburan 19 ilang.
- 1952: Pesawat British York transport ilang kanthi nggawa 33 penumpang.
- 1962: US Air Force KB-50, kang awujud kapal tangker ilang.
- 1970: Kapal barang Prancis, Milton Latrides ilang nalika budhal saka New Orleans menyang Cape Town.
- 1972: Kapal Jerman, Anita (20.000 ton), ilang kanthi nggawa 32 kru.
- 1976: SS Sylvia L. Ossa ilang ing jero sagara 140 mil ing sisih kulon Segitiga Bermuda.
- 1978: Douglas DC-3 Argosy Airlines Flight 902, ilang sawisé lepas landas lan sawisé ilang kontak radhio.
- 1980: SS Poet; ngulandara menyang Mesir, ilang nalika ana badai.
- 1995: Kapal Jamanic K (digawé taun 1943) dilapuraké ilang sawisé ngelwati Cap Haitien.
- 1997: Para pelayar ilang saka pesiar Jerman.
- 1999: Freighter Genesis ilang sawisé budhal saka Port of Spain menyang St Vincent.
Pirsani uga
[besut | besut sumber]Kapustakan
[besut | besut sumber]- Zona Misteri:Segitiga bermuda
- Excerpts from Christopher Columbus' Log
- Text of Feb, 1964 Argosy Magazine article by Vincent Gaddis
- United States Coast Guard database of selected reports and inquiries
- Website of historian & Bermuda Triangle researcher Gian Quasar
- U.S. Navy Historical Center Bermuda Triangle FAQ
- U.S. Navy Historical Center (Selective Bibliography)
- The Bermuda Triangle: Startling New Secrets Archived 2009-02-25 at the Wayback Machine.
- Bermuda Triangle & Bermuda links
- Navy Historical Center: The Loss Of Flight 19
- On losses of heavy ships at sea
- Bermuda Shipwrecks Archived 2009-02-12 at the Wayback Machine.
- Association of Underwater Explorers shipwreck listings page Archived 2009-02-13 at the Wayback Machine.
- Dictionary of American Naval Fighting Ships
- ↑ a b id.shvoong.com Archived 2011-05-20 at the Wayback Machine. kaakses tanggal 15 Mèi 2011
- ↑ a b the-az.com Archived 2011-08-11 at the Wayback Machine. kadeleng tanggal 15 Mèi 2011
- ↑ a b dunia.vivanews.com Archived 2010-08-22 at the Wayback Machine. kadeleng tanggal 15 Mèi 2011
- ↑ a b idebagus.com Archived 2011-07-14 at the Wayback Machine. kadeleng tanggal 15 Mèi 2011
- ↑ a b koranbaru.com kadeleng tanggal 15 Mèi 2011
- ↑ Erabaru.net Archived 2011-08-25 at the Wayback Machine. kadeleng tanggal 15 Mèi 2011
Pranala njaba
[besut | besut sumber] |
Wikimedia Commons duwé médhia ngenani Segitiga Bermuda. |
 |
Wikicuplik duwé cuplikan ngenani: Segitiga Bermuda |