Saiful Jamil

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Saiful Jamil
Saiful Jamil
Latar wuri
Lair (1980-07-31) Juli 31, 1980 (umur 39)
Indonésia Serang, Banten, Indonésia
Jinis Musik dangdut
Pakaryan penyanyi, aktor
Taun aktif 2004-saiki
Parusahan rekaman Blackboard
Pasangan Dewi Perssik (pegat)
Virginia Anggraeni

Saiful Jamil (lair ing Serang, Banten, 31 Juli 1980; umur 39 taun), kang akrab diundang Ipul ya iku penyanyi dangdut. Saliyané nyanyi, Ipul uga tau dadi pemandu acara Kuis TakDut (Indosiar).[1]

Karir[besut | besut sumber]

Album Saiful kang paling sukses ya iku album dhuét bareng karo Ira Swara kang temane Duet Sang Bintang.[2] Album iku tau éntuk bebungah saka SCTV Music Awards 2006 Kategori Album dangdut Ngetop.[2] Saliyané iku laguné Saiful Jamil kang irah-irahané Jujur, uga éntuk nominasi bebungah MTV Indonésia 2006 kanggo kategori Best Dangdut.[2] Nanging pasangan dhuét iki dikalahaké karo Trio Macan, trio dangut kang lagi misuwur.[3]

Sawisé dhuét karo Ira Swara, Saiful Jamil banjur dhuét karo Ussy Sulistiawaty lan éntuk gelar jawara Selebriti Jam, salah sijiné acara reality show kang nyandingaké artis non penyanyi karo artis penyanyi.[1] Ing acara iki pasangan dhuét Saiful lan Ussy ngalahaké pasangan dhuét liyané kang difavoritké ya iku désainer Ivan GunawanIan Kasela, vokalis Radja, lan aktor Surya Saputra kang pasangané penyanyi senior Titiek Puspa.[1]

Sasi April 2008, Ipul nyalon dadi Calon Wakil Walikota Serang lan ndhampingi Ruhyadi Kirtam Sanjaya.[4] Pasangan calon walikota Serang, Kirtam Sanjaya lan Saiful Jamil éntuk urutan nomer urut 7 ing pamilihan kepala laladan Kutha Serang.[5]

Kauripan pribadi[besut | besut sumber]

Saiful nikah karo penyanyi dangdut kang urusané Dewi Perssik.[6] Saiful lan Dewi Persik nikah tanggal 26 Mèi 2005 ing Kantor Urusan Agama Kacamatan Sumber Sari, Kabupatèn Jember, Jawa Timur.[6] Nanging nalika sasi Agustus taun 2006, saiful jamil nggugat cerai Dewi Persik ing Pengadilan Agama Jakarta Utara bulan Agustus 2006.[6]

Tanggal 10 Maret 2011 Saeful nikah karo bojo kapindhone, ya iku, Virginia Anggraeni, pragawati kang isih duwé katurunan Jawa-Walanda. Sakloron nglakoni akad nikah ing Masjid Istiqomah, Bandung lan rong dina sawisé akad nikah, dianakake resepsi ing kutha Jakarta.

Filmografi[besut | besut sumber]

  • Setan Budeg (2008)
  • Pijat Atas Tekan Bawah (2009)
  • Arwah Kuntilanak Duyung (2011)

Cathetan suku[besut | besut sumber]

  1. a b c Ussy Jawara Selebriti Jam(dipunundhuh tanggal 9 Juli 2011)
  2. a b c Syaiful Jamil-Ira Swara Berbagi Tropi SCTV Music Award(dipunundhuh tanggal 9 Juli 2011)
  3. Trio Macan Sabet Penghargaan 'Best Dangdut'(dipunundhuh tanggal 9 Juli 2011)
  4. Saiful Jamil Jadi Calon Wakil Walikota Serang(dipunundhuh tanggal 9 Juli 2011)
  5. Saiful Jamil Dapat Nomor Keberuntungan(dipunundhuh 9 Juli 2011)
  6. a b c Saiful Jamil: Berpisah Demi Kebaikan(dipunundhuh tanggal 9 Juli 2011)