Pegasus (rasi lintang)

Saka Wikipédia Jawa, bauwarna mardika basa Jawa
PEGASUS

Peta Pegasus
CekakanPeg
GenitifPegasi
Asensio rekta23
Deklinasi+20
Area1121 derajad pesagi (#7th)
Lintang utama9, 17
Lintang
Bayer/Flamsteed
88
Lintang
mawa planèt
12
Lintang padhang5
Lintang cedhak3
Lintang paling padhangε Peg (Enif) (2.38m)
Lintang paling cedhakEQ Peg ( tc)
Obyèk Messier1
Udan météorJuly Pegasids
Rasi lintang
sing wewatesan
Andromeda
Lacerta
Cygnus
Vulpecula
Delphinus
Equuleus
Aquarius
Pisces
Katon antara lintang +90° lan −60°.
Katon paling cetha ing wektu 21.00 jroning sasi October.
'

Pegasus inggih punika satunggaling rasi lintang ingkang mapan wonten ing belahan langit sisih lor. Rasi lintang punika kalebet pitung rasi lintang ingkang paling ageng ing langit. Nama punika medal sasampunipun wonten mitos sewiwi jaran lan dipuntepangaken déning astronom Yunani inggih punika Ptolemy ing abad kaping kalih. Rasi lintang punika inggih kalebet wonten ing 88 rasi lintang modhern ingkang dipundhaptar déning International Astronomical Union.

Lintang-lintang[besut | besut sumber]

Rasi lintang Perseus gadhah aréa ingkang ambanipun kirang langkung 1121 drajat persegi ingkang tigang lintang ingkang dipunmangertosi minangka planit-planit. Rasi lintang punika ingkang saé piyambak dipuntingali wonten ing garis lintang ing antawisipun +90° lan-60°, ing jam 9 dalu ing sadangunipun sasi Oktober. Lintang ingkang padhang piyambak wonten ing Persus inggih punika lintang epsilon Pegasi ingkang ugi kanthi sebatan "Enif" (irung). Epsilon Pegasi ingih satungaling super raksasa oranye ingkang tebihipun kirang langkung 672 taun cahya saking bumi. Lintang punika minangka irungipun Pegasus. Rasi lintang pegasus punika sapérangan ageng inggih wujud material asterik' ingkang misuwur dipunkenal minangka kothakan Pegasus. Asterik ingkang wonten inggih nggambaraken badanipun PEgasus, ingkang dipunsusun dhedhasar lintang alpha, beta, lan gama pegasi sesarengan kaliyan alpha Andromeda, Alpheratz.[1] Alpha Pegasi inggih punika lintang ingkang padhang piyambak nomer tiga ing konstelasi pnika, ingkang punika inggih kothak paling wigati lan amba ingkang mapan wonten ing tebih 140 taun cahya saking bumi. Lintang punika ugi misuwur kanthi sebatan Markab utawi Marchab, ingkang ing basa Arab tegesipun pelana jaran. Beta Pegasi utawi ingkang misuwur kanthi sebatan Scheat (karemenan), inggih punika satunggaling raksasa abrit ingkang kalebet lintang variabel ingkang boten aturan, lan punika inggih kalebet lintang ingkang padhang piyambak nomer kalih wonten ing PEgasus.[2] Gamma Pegasi utawi Algenib (sisinipun) inggih punika Cephei Beta jinis variabel ingkang tebihipun kirang langkung 335 taun cahya. Punika kalebet lintang biru ingkang panas, lan langkung kinclong tinimbang srengéngé ping 4000, kanthi magnitudonipun ingkang katingal inggih punika 2,83. Eta Pagasi utawi Matar (lintang udan ingkang bejo) inggih punika kalebt lintang binet ingkang mlebet sistem lintang ganda, ingkang tebihipun 215 taun cahya. Komponèn padhangaipun inggih lintang raksasa kelas G, déné lintang ingkang ngampingi inggih lintang kerdil kelas A. Zeta Pegasi utawi Homam inggi punika lintang kerdil kelas B ingkang tebihipun 209 taun cahya. 51 Pegasi, satunggaling lintang ing rasi lintang punika, inggih punika lintang sepisanan ingkang wujudipun kados srengéngé ingkang gadhah extrasolar planit. Pegasus taksih kalebet kulawarga rasi lintang Perseus, sesarengan kaliyan rasi lintang Cassiopeia, Cepheus, Andromeda, Perseus, Cetus, Auriga, Lacerta lan Triangulum. Rasi lintang sanèsipun ingkang wonten ing sakitering rasi lintang Pegasus inggih punika rasi lintang Lacerta, Andromeda, Cygnus, Vulpecula, Equuleus, Aquarius lan Pisces.[3]

Cathetan suku[besut | besut sumber]

Cithakan:88 rasi lintang modhern