Delphinus

Saka Wikipédia Jawa, bauwarna mardika basa Jawa
DELPHINUS

Peta Delphinus
CekakanDel
GenitifDelphini
Asensio rekta21
Deklinasi+10
Area189 derajad pesagi (#69th)
Lintang utama5
Lintang
Bayer/Flamsteed
19
Lintang
mawa planèt
5
Lintang padhang0
Lintang cedhak2
Lintang paling padhangRotanev (β Del) (3.63m)
Lintang paling cedhakHU Del ( tc)
Obyèk Messier0
Udan météorNone
Rasi lintang
sing wewatesan
Vulpecula
Sagitta
Aquila
Aquarius
Equuleus
Pegasus
Katon antara lintang +90° lan −70°.
Katon paling cetha ing wektu 21.00 jroning sasi September.
'

Delphinus (/[unsupported input]dɛlˈfnəs/) inggih punika salah satunggaling jinis rasi lintang ingkang mapan wonten ing belahan langit sisih lor, caket kaliyan langit khatulistiwa. Delphinus inggih saking basa [[Latin kanggé lumba-lumba. Delphinus inggih salah satunggal saking 48 rasi lintang ingkang dipundhaptar déning astronom Ptolemy ing abad kaping kalih, lan rasi lintang punika ugi kalebet salah satunggal saking 88 rasi lintang modhérn ingkang dipundhapter déning International Astronomical Union. Delphinus inggih kalebet ugi salah satunggal rasi lintang ingkang paling alit, kanthi ranking 69 saking ukuranipun. Lintang Delphinus ingkang padhang piyambak maujud wujud khas asterisme ingkang saged kanthi gampil dipuntitiki. Rasi lintang punika inggih dipunkiteri rasi-rasi lintang sanèsipun ingkang kados wujud jam. Ing sisih lor wonten rasi lintang Vulpecula, srenggala, Sagitta, panah, ing sisih wétan, Aquila, garudha ing sisih kidul, Aquarius, ingkang mbeta toya, ing sisih kulon, Equuluus lan wonten ugi Pegasus.

Lintang-lintang[besut | besut sumber]

Rasi lintang Delphinus gadhah tlatah ingkang ambanipun kirang langkung 189 drajat persegi lan ngewrat sekawan lintang ingkang dipunmangertosi minangka planit-planit. Rasi lintang punika mapan wonten ing garis lintang antawisipun +90° lan-70° lan ingkang saé piyambak dipuntingali ing wekdal jam 9 dalu ing salebeting sasi Oktober.

Sekwan lintang ingkang paling baku ing rasi lintang Delphinus inggih punika alpha, beta, gamma, lan delta Delphini, inggih punika wujud asterisme pokok. Kalih lintang ingkang padhang piyambak inggih punika lintang alpha lan beta Delphini, ingkang dipunparingi nam déning Sualocin lan Rotanev ing katalog lintang ingkang dipunwedalaken déning Palermo Observatory ing Itali ing taun 1814.[1] Alpha Delphini ingkang ugi dipunsebat Sualocin, gadhah magnitudo 3,8, kanthi tebihipun 241 taun cahya. Beta Delphini ingkang ugi dipunsebat Rotanev inggih lintang binar ingakng paling caket lan ingkang padhang piyambak wonten ing Delphinus. Manawi dipuntingali, beta Delphini gadhah magnitudo 3,6 ingakng gadhah periode 27 taun lan tebihipun 97 taun cahya. Gamma Delphini, mapan wonten ing pucuking irung lumba-lumba, inggih kalebet lintang binar. Komponèn ingkang paling pokok inggih punika saking raksasa jene ngantos pethak lan dipunampingi déning sub raksasa oranye. Lintang punika tebihipun kirang langkung 101 taun cahya.[1] Epsilon Delphini utawi Deneb Dulfim (buntut lumba-lumba) inggih punika ngewrt raksasa biru-pethak ingkang tebihipun kirang langkung 358 taun cahya saking bumi. Delta Delphini inggih punika jinis lintang ganda kanthi kalih anggota ingkang identik, inggih punika metal rich class A giant, kirang langkung tebihipun 207 taun cahya. Rho Aquilae utawi Tso Ke inggih punika kurcaci pethah ingkang tebihipun taun 154 taun cahya.

Delphinus taksih kalebet kulawarga rasi lintang Heavenly Waters, sesarengan kaliyan rasi lintang Equuleus, Eridanus, Piscis Austrinus, Carina, Puppis, Vela, Pyxis lan Columba. Déné rasi lintang ingkang wonten ing sakitering Delphinus inggih punika rasi lintang Vulpecula, Sagitta, Aquila, Aquarius, Equuleus lan Pegasus.[2]

Cathetan suku[besut | besut sumber]

  1. a b Ridpath & Tirion 2001, kc. 138–139.
  2. Delphinus Archived 2014-01-03 at the Wayback Machine. (dipunundhuh tanggal 19 Pebruari 2013)
  • Makemson, Maud Worcester (1941). The Morning Star Rises: an account of Polynesian astronomy. Yale University Press.
  • Ridpath, Ian; Tirion, Wil (2001), Stars and Planets Guide, Princeton University Press, ISBN 0-691-08913-2
  • Ian Ridpath and Wil Tirion (2007). Stars and Planets Guide, Collins, London. ISBN 978-0-00-725120-9. Princeton University Press, Princeton. ISBN 978-0-691-13556-4.
  • Unniversity of Wisconsin http://www.astro.wisc.edu/~dolan/constellations/constellations/Delphinus.html