Pegasus

Pegasus (Yunani: Πήγασος; Pégasos) inggih punika satunggaling turangga lanang ingkang gadhah swiwi lan kalebet putra saking Poseidon lan Medusa wonten ing mitologi Yunani.^[1] Poseidon merkosa Medusa saéngga Athena ngewahi Medusa dados monster.^[2] Pegasus punika satunggaling turangga ingkang gadhah swiwi kanthi warni putih ingkang wiyar ^[3]. Pegasus piyambak kathah kapanggihaken wonten ing karya-karya seni saking Yunani, Romawi lan ugi Mesopotamia. Pegasus punika kalebet satunggaling makluk ingkang wujudipun nggambaraken wontenipun gayutan antawisipun déwa-déwa lan iblis utawi monster wonten ing donya kuna lan donya klasik.^[1]

Pegasus ugi paring pambiyantu dhateng Bellerofon sang pahlawan nalika perang nglawan Chimaera lan bangsa Amazon. Kala punika, Bellerofon nyobi damel pegasus mabur dhateng Gunung Olympus saéngga para déwa ngukum Bellerofon lajeng Bellerofon dipundamel dhawah saking Pegasus. Ingkang mandhapaken punika déning Zeus. Nanging Pegasus tetep saged mabur lan saged nglajengaken lampahipun dumugi ing Gunung Olympus. Awit saking punika, Pegasus nelasaken dinten-dintenipun kanggé mbeta gludhuk (petir) kanggé Zeus. Tembung pegasus kanthi wiyar punika kaginakaken kanggé tumuju ing manéka jinis turangga (jaran) ingkang gadhah swiwi.

Ètimologi

Penyair Hesiod ngubungaken nama Pegasus kaliyan tembung kanggé tuk (mata air), pēgē: " pegai Okeanos, punika papan anggènipun Okeanos wiyos;"^[4] Nanging asal usul nama pegasus saged dugi saking tembung ingkang asalipun saking Basa Luvian: pihassas, kanthi teges "petir".

Pegasus lan tuk (mata air)

Wonten pundi kemawon Pegasus nggedrugake (menghentakkan) sukunipun wonten ing bumi. Banjur punika lajeng medal sumber tuk utawi mata air. Salah satunggalipun punika ingkang wonten ing Gunung Helikon, ingkang dipunwastani Hippokrene ("mata air jaran"),^[5],^[6] lan Poseidon paring préntah dhateng redi mau supados boten mbengkak kanthi tembang Muse; lajeng mata air sanèsipun wonten ing Troezen.^[7] Hesiod nggambaraken bilih Pegasus punika nembé ngunjuk kanthi tentrem ing salah satunggaling tuk nalika Bellerofon dugi lan nyekel Pegasus. Hesiod ugi ngandharaken bilih Pegasus punika mbeta gludhuk kanggé Zeus.

Pegasus lan Muses

Pegasus punika dipunurus dumugi ageng déning Muses wonten ing Gunung helicon, papan nalika piyambakipun dipunbeta déning Dewi Athena.

Cathetan suku

↑ ^a ^b Joan Goodnick Westenholz. 2004. Dragons, Monsters and Fabulous Beasts. Yerusalem: Bible Lands Museum. Hal. 37.
↑ Medusa, in her archaic centaur-like form. He appears in the incised relief on a mid-7th century BCE vase from Boeotia at the Louvre (CA795), illustrated in John Boardman, Jasper Griffin and Oswyn Murray, Greece and the Hellenistic World (Oxford University Press) 1988, hlm. 87.
↑ 41 Legenda Makhluk-Makhluk Aneh Di Seluruh Penjuru Dunia Archived 2013-03-07 at the Wayback Machine., (dipunakses tanggal 6 Maret 2013)
↑ Noted by Karl Kerenyi, The Heroes of the Greeks, 1959:80: "In the name Pegasos itself the connection with a spring, pege, is through bummhole."
↑ Pausanias, 9. 31. 3.
↑ Antoninus Liberalis, Metamorphoses 9
↑ Pausanias, 2. 31. 9.

Ugi pirsani

Pigasus (pulitik)

Cithakan:Mitologi yunani-stub

[Joan-1] Joan Goodnick Westenholz. 2004. Dragons, Monsters and Fabulous Beasts. Yerusalem: Bible Lands Museum. Hal. 37.

[2] Medusa, in her archaic centaur-like form. He appears in the incised relief on a mid-7th century BCE vase from Boeotia at the Louvre (CA795), illustrated in John Boardman, Jasper Griffin and Oswyn Murray, Greece and the Hellenistic World (Oxford University Press) 1988, hlm. 87.

[pegasus-3] 41 Legenda Makhluk-Makhluk Aneh Di Seluruh Penjuru Dunia Archived 2013-03-07 at the Wayback Machine., (dipunakses tanggal 6 Maret 2013)

[4] Noted by Karl Kerenyi, The Heroes of the Greeks, 1959:80: "In the name Pegasos itself the connection with a spring, pege, is through bummhole."

[5] Pausanias, 9. 31. 3.

[6] Antoninus Liberalis, Metamorphoses 9

[7] Pausanias, 2. 31. 9.

[1]

[2]

[3]

[4]

[5]

[6]

[7]