Okeanos

Saka Wikipédia Jawa, bauwarna mardika basa Jawa

Okeanos (Grikenlan: Ὠκεανός, "samodra")[1] yaiku Titan lautan lan samodra ana ing mitologi Yunani.[1] Okeanos yaiku putra saka Gaia lan Uranus.[1] Déning masarakat ing Yunani lan Romawi kuna, Okeanos dipercaya dadi Samodra donya, yaiku sagara reksasa kang ngubengu donya.[1] Sedulur kang uga dadi bojone Okeanos yaiku Tethis.[2] Saka hubungane Okeanos lan Tethis, lair 3000 putri kang dikenal karo para Okeanid.[2] Salah siji saka Okeanid kang misuwur yaiku Klimene utawa Asia.[2] Anak-anak Okeanos kang liyané yaiku kabèh kali, banyu mancur, lan tlaga kang ana ing donya.[2] Akèh sejarahwan kang percaya bahwa yèn Okeanos nglambangake kabèh sagara, kalebu uga Sagara Mediterania lan Samodra Atlantik, yaiku sagara kang gedhé dhéwé kang dikenal déning wong Yunani kuna.[2] Nanging amarga ngèlmu géografi kang sansaya akurat, Okeanos nglambangake siji sagara kang ora dikenal lan ora ana ing Samodra Atlantik. Déné Mediterania dipercaya masarakat dikuasai déning Poseidon.[2] Okeanos kang kalebu saka siji Titan, ana ing Titanomakhia dhèwèké ora mèlu mbantu Titan lan lewih milih kanggo nétral lan ora mbela salah sisji.[1] Nalika Kronos arep nggulingake kakuwasaane bapake Uranus, Okeanos uga ora mèlu cawe-cawe.[1]

Cathetan suku[besut | besut sumber]

  1. a b c d e f Ὠκεανός, Henry George Liddell, Robert Scott, A Greek-English Lexicon, di Perseus project
  2. a b c d e f Nonnos, Dionisiaka 6.352