Perseus

Saka Wikipédia Jawa, bauwarna bébas abasa Jawa
PERSEUS

Peta Perseus
Cekakan Per
Genitif Persei
Asensio rekta 3
Deklinasi +45
Area 615 derajad pesagi (#24th)
Lintang utama 6, 22
Lintang
Bayer/Flamsteed
65
Lintang
mawa planèt
7
Lintang padhang 5
Lintang cedhak 0
Lintang paling padhang α Per (Mirfak) (1.79m)
Lintang paling cedhak GJ 3182 ( tc)
Obyèk Messier 2
Udan météor Perseids
September Perseids
Rasi lintang
sing wewatesan
Aries
Taurus
Auriga
Camelopardalis
Cassiopeia
Andromeda
Triangulum
Katon antara lintang +90° lan −35°.
Katon paling cetha ing wektu 21.00 jroning sasi December.
'

Perseus inggih punika satunggaling rasi lintang ingkang alit ingkang mapan wonten ing belahan langit sisih lor. Nama punika medal sasampunipun wonten mitos Yunani kanthi wontenipun tokoh Perseus. Rasi lintang punika inggih kalebet wonten ing 88 rasi lintang modhern ingkang dipundhaptar déning International Astronomical Union. Konstelasi punika ngewrat kathah variabel lintang Algol (β Per), lan punika mapan wonten ing udan meteor taunan.

Lintang-lintang[besut | besut sumber]

Rasi lintang Perseus gadhah aréa ingkang ambanipun kirang langkung 615 drajat persegi ingkang tigang lintang ingkang dipunmangertosi minangka planet-planet. Rasi lintang punika paling saé dipuntingali wonten ing garis lintang ing antawisipun +90° lan-35°, ing jam 9 dalu ing sadangunipun sasi Dhésèmber. Lintang ingkang paling padhang wonten ing Persus inggih punika lintang alpha Persei ingkang ugi gadhah nama tradhisional Mirfak (siku) lan Algenib (sisinipun). Mirfak inggih punika super raksasa jene-pethak ingkang mapan wonten ing tebih kirang langkung 590 taun cahya saking bumi. Tingkat padhang lan kinclongipun langkung ping 5.000 tinimbang kagunganipun srengéngé.[1] Beta Persei inggih langkung misuwur kanthi nama tradhisionalipun, Algol, ingkang maujud saking frasa Arab "ra's al-ghul" ingkang tegesipun "sirah raksasa". Algol inggih punika lintang binar spektroskopik wujud elips, ingkang ing kasunyanipun wujud sistem tigang lintang, lan satunggal variabelipun kapanggih wonten ing langit. Tebihipun inggih kirang langung 92,8 taun cahya saking bumi. Zeta Persei inggih punika super raksasa sanèsipun ingkang kalebet kelas B, ingkang tebihipun kirang langkung 980 taun cahya. Lintang punika gadhah padhang ingkang langkung kinclong tinimbang srengéngé langkung ping 105.000. Epsilon Persei, utawi Adidi Australis inggih punika sistem lintang ganda sanèsipun ingkang wernanipun biru, ingkang kalebet kelas B. Adid Australis tabihipun kirang langkung 540 taun cahya saking bumi. Gamma Persei utawi ingkang dipunmangertosi kanthi sebatan Al Fakhir utawi Alpecher lan Seid, inggih punika kalebet sistem lintang ganda sanèsipun, ingkang ngewrat raksasa jene lan lintang pengamping pethak. Lintang punika tebihipun kirang langkung 260 taun cahya. Delta Persei utawi Adid Borealis inggih punika satunggaling raksasa biru ingkang tebihipun 530 taun cahya.[2] Lintang punika gadhah nama tradhisional, Basel, ingkang tegesipun "ingkang paling wantun". IIota Persei, inggih punika lintang ingkang kados srengéngé ingkang papanipun langkung caket kaliyan galaksi Bimasekti, ingkang tebihipun namung 34 taun cahya.

Perseus taksih kalebet kulawarga rasi lintang Perseus, sesarengan kaliyan rasi lintang Cassiopeia, Cepheus, Andromeda, Pegasus, Cetus, Auriga, Lacerta lan Triangulum. Rasi lintang sanèsipun ingkang wonten ing sakitering rasi lintang Perseus inggih punika rasi lintang Cassiopeia, Andromeda, Triangulum, Aries, Taurus, Auriga lan Camelopardalis.[3]

Cathetan suku[besut | besut sumber]

  1. ^ "V* alf Per – Variable Star". SIMBAD. Dijupuk 14 Pebruary 2013.  Priksa gandra date ing: |access-date= (pitulung)
  2. ^ "* del Per – Be star". SIMBAD. Dijupuk 14 Pebruary 2013.  Priksa gandra date ing: |access-date= (pitulung)
  3. ^ Perseus (dipunundhuh tanggal 14 Pebruari 2013)

Cithakan:88 rasi lintang modhern