Pasar Seni Gabusan
 | Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Pasar Seni Gabusan punika satunggaling wisata belanja ingkang mapan wonten ing Jln. Parangtritis km 9,5 Désa Gabusan, Kacamatan Sewon, Kabupatèn Bantul, Yogyakarta [1]. Pasar Seni Gabusan punika pusat kerajinan kanthi bahan baku saking kulit, kayu, logam, lemah, dumugi barang kerajinan ingkang kadamel saking tuwuhan eceng gondok.
Sajarah
[besut | besut sumber]Pasar Seni Gabusan punika jumeneng nalika taun 2004. Pasar punika mapan wonten ing lahan kanthi wiyar 4,5 hektar. Kanthi wiyar ingkang kados makaten, Pasar Seni Gabusan saged nampung manéka warni kerajinan saking manéka warni jinisipun ingkang mapan wonten los-los ing pasar mau. Los-los ing pasar jasebut dipundamel kelompok dhedhasar jinis barang lan bahan bakunipun. Pasar punika saged nampung kirang langkung 444 pengrajin ingkang kapérang dados 16 los. Saking wiwitan dipunyasa, pasar punika dipunrancang kanggé mbikak akses pengrajin dhateng pasar internasional. Perancangan yasan pasar punika boten namung ngginakaken arsitek saking nagari kemawon, nanging ugi ngginakaken arsitèk saking mancanagara.[2].
Pérangan pérangan los
[besut | besut sumber]Para rawuh ingkang mbetahaken barang kerajinan kanthi bahan dhasar saking kulit punika saged madosi wonten ing los 1 dumugi los 3. Ing pérangan punika wonten manéka kerajinan saking kulit, wiwit saking kulit lembu dumugi kulit domba. Barang kerajinanipun kados ta kaligrafi, dompet, tepas, pembatas buku saking kulit]], satunggal sèt wayang, lan sanèsipun [3].
Los 4 lan los 5 punika pusat kanggé bathik. Manéka motif bathik wonten ing los punika. Wonten kemeja bathik, kebaya bathik, kaos, sprei, bed cover, lan taksih kathah malih. Wonten ing los 8 punika cumawis barang-barang kerajinan saking wujud ingkang biyasa dumugi ingkang ruwet, saking rerenggan méja tamu dumugi papan lipstik. Maneka topèng saged kapanggih wonten ing los 10 lan los 11. Topeng mau dipundamel saking kayu, dipunlukis kanthi motif bathik ingkang manéka warni. Manawi remen kaliyan tanaman hias kados kembang kayu wonten guci - guci ing los 13.[3]. Kajawi barang kerajinan, ing Pasar Seni Gabusan ugi wonten lukisan karya seniman Bantul lan sekitaripun. Maneka kerajinan kanthi bahan baku logam, monel, pérak , tembaga ugi kuningan [3].
Cathetan suku
[besut | besut sumber]- ↑ [1], (id) http://gudeg.net Pasar Seni Gabusan (dipun-akses tanggal 01 Januari 2013)
- ↑ [2], (id) http://www.yogyes.com Pasar Seni Gabusan (dipun-akses tanggal 01 Januari 2013)
- ↑ a b c [3] Archived 2012-04-12 at the Wayback Machine., (id) http://jogjatrip.com Archived 2012-12-06 at the Wayback Machine. Pasar Seni Gabusan (dipun-akses tanggal 01 Januari 2013)