Nukleotida

Saka Wikipédia Jawa, bauwarna mardika basa Jawa
Jump to navigation Jump to search

Nukleotida iku molekul sing kasusun saka gugus basa heterosiklik, gula, lan siji utawa luwih gugus fosfat. Basa panyusun nukleotida racaké iku wujud purin utawa pirimidin sauntara gulané ya iku pentosa (ribosa), wujud deoksiribosa utawa ribosa.

Nukleotida iku monomer panyusun RNA, DNA, lan sapérangan kofaktor, kaya ta CoA, FAD, FMN, NAD, lan NADP. Ing sel, kofaktor iki mainaké peran wigati sajeroning fiksasi ènergi (contoné fotosintesis), metabolisme, lan biosignalling.

Elemen struktur saka nukleotida sing paling umum

Pamènèhan jeneng[besut | besut sumber]

Kodhe nukleotid
Kodhe Ekuivalen Komplementer
A A T utawa U
C C G
G G C
T utawa U T A
M A utawa C K
R A utawa G Y
W A utawa T W
S C utawa G S
Y C utawa T R
K G utawa T M
V A utawa C utawa G B
H A utawa C utawa T D
D A utawa G utawa T H
B C utawa G utawa T V
X utawa N A utawa C utawa G utawa T X

Jeneng-jeneng nukleotida disingkat dadi kodhe patang-huruf standar. Huruf pisanan wujud huruf cilik lan nengeri yèn nukleotid sing dipitakonaké ya iku sawijining ribonukleotid (r) utawa deoxyribonucleotid (d). Huruf angka 2 nengeri nukleoside sing ana gayutané karo nucleobase:

G: Guanin
A: Adenin
T: Timin
C: Sitosin
U: Urasil racaké ora ana ing DNA, nanging nggantèkaké Timin ing RNA

Huruf angka 3 lan angka 4 nandhakaké dawané ranté fosfat sing kaiket (Mono-, Di-, Tri-) lan anané sawijining fosfat (P).

Minangka conto, deoksi-sitidin-trifosfat disingkat dadi dCTP.

Pirsanana uga[besut | besut sumber]

Pranala njaba[besut | besut sumber]