Adenin

Saka Wikipédia Jawa, bauwarna mardika basa Jawa
Adenin
Jeneng kimia 9H-purin-6-amina
Jeneng alternatif 6-aminopurin
Rumus kimia C5H5N5
Massa molekul 135.13 g/mol
Titik lebur 360-365 °C
Nomor CAS 73-24-5
SMILES NC1=NC=NC2=C1N=CN2
Struktur kimia adenin

Adenina iku saka loro basa N purina sing dipigunakaké kanggo mbentuk nukleotida saka asem nukleat DNA lan RNA. Ing DNA, adenina (A) iketan karo timina (T) liwat loro ikatan hidrogen kanggo mbantu nytabilaké struktur asem nukleat. Ing RNA mawa berkas dhobel (dsRNA), adenin iketan karo urasil (U).

Bareng karo gula ribosa adenin mbentuk nukleosida sing karan adenosina, sauntara bareng karo deoksiribosa adenin mbentuk deoksiadenosina. Adenosina bisa iketan karo gugus fosfat anorganik (PO43-). Yèn ngiket siji gugus fosfat dijenengi adenosina monofosfat (AMP), loro gugus fosfat dijenengi adenosina difosfat (ADP), lan telu gugus fosfat dijenengi adenosina trifosfat (ATP). ATP wujud salah siji senyawa wigati sajeroning metabolisme kabèh organisme urip minangka panggawa ènergi kimia kanggo manéka reaksi biokimiawi. Ing tèknik PCR, deoksiadenosina trifosfat (dATP) wujud siji saka papat nukleotida bébas sing perlu disedyakaké sadurungé prosès diwiwiti.

Pranala njaba[besut | besut sumber]