Nanakusa

Saka Wikipédia Jawa, bauwarna bébas abasa Jawa
Bubur nanakusa
pitung janganan musim semi (nanakusa)

Nanakusa (七草? pitung suket) inggih punika tradisi nalika énjing ing tanggal 7 Januari ing Jepang kagem nedhi bubur saking beras kacampur 7 jinis janganan ingkang dipunwastani bubur nanakusa [1] (nanakusa-gayu). Sadèrèngipun kalender Grégorius dipun-ginakaken wonten ing Jepang, tanggal 7 wulan kapisan dipunwastani Jinjitsu (人日? hari orang) utawi Nanakusa no sekku (七草の節句?) ingkang kalebet salah satunggal saking 5 karaméan musim (sekku) ing satunggal taun miturut tradisi kalender Tionghoa. Bubur nanakusa dipundhahar supados damel weteng ngaso bibar taun énggal ing Jepang dipunisi kaliyan lauk-pauk masakan osechi ingkang kathahipun arupi janganan. Kajawi punika, bubur nanakusa dipunpitadosi nebihaken tiyang saking gerah pilek lan manéka jinis lelara. Ing Jepang asring dipunwontenaken adicara dhahar bubur sesarengan nalika 7 Januari.

Pitu tanduran suket (rumput) ing musim semi[besut | besut sumber]

Pitu jinis janganan mapan wonten nginggilipun talenan saking dinten sedèrèngipun. Sadèrèngipun mlebet ing bubur nalika énjing tanggal 7 Januari, janganan kedah dipungebuki mawi ngginakaken kayu ing ngajengipun altar déwa taun énggal. Tembang ingkang dipunwastani Nanakusabayashi prelu dipunsekaraken supados medalaken khasiat saking pitung jinis janganan mau. Wiwitanipun, pitung jin janganan musim semi punika saking tanduran ingkang béda-béda miturut pakulinan tiyang ing tlatah. Pitung janganan ingkang dipun-ginakaken sapunika saking nama janganan ingkang dipunserat wonten ing buku anotasi Hikayat Genji kanthi irah-irahan Kakaishō terbitan taun 1362.

Nama tanduran Nama Basa Jepang (nama sapunika/nama lawas)
Seladren (Oenanthe javanica) Seri
Capsella bursa-pastoris Penpengusa utawi nazuna
Gnaphalium affine Hahakogusa utawi gogyō
Stellaria media Hakobe atau hakobera
Lapsana apogonoides Ko-oni Tabirako utawi hotokenoza
Lobak cina (Brassica rapa) Kabu utawi suzuna
Lobak (Raphanus sativus) Daikon utawi suzushiro [2]

Pitung jinis tanduran kembang ing musim palastra[besut | besut sumber]

Nalika jaman rumiyin, istilah pitung suket kagem taun énggal wonten ing Jepang dipunserat mawi aksara Kanji 七種 (pitu suket musim semi), déné aksara kanji 七草 dipunagem kanggé nyerat 7 kembang musim palastra. Wonten ing kempalan geguritan Man'yōshū dipunsebat babagan 7 jinis tanduran kembang musim palastra. Pitu jinis tanduran kembang musim palastra ingkang dipunsebat ing ngandhap punika boten dipunmasak, ananging kagem dipuntingali sesawanganipun.

Nama tanduran Nama Basa Jepang (nama sapunika/nama lawas)
Lespedeza bicolor Hagi
Miscanthus sinensis Susuki utawi obana
Kudzu (Pueraria lobata (Willd.) Ohwi) Kuzu
Patrinia scabiosifolia Ominaeshi
Eupatorium fortunei Fujibakama
Platycodon grandiflorus Kikyō
Anyelir (Dianthus) Nadeshiko

Sajarah[besut | besut sumber]

Miturut tradisi Tionghoa kuno, dinten kapisan dumugi dinten kaping enem nalika taun énggal dipun-ginakaken kagem ngramal nasib kéwan piaraan. Dinten kapisan kagem ngramal pitik, lajeng dinten kaping kalih kagem anjing piaraan. Mekaten salajengipun dinten kaping tiga dumugi dinten kaping enem kaginakaken kagem ngramal nasib babi, menda, sapi, lan jaran piaraan. Dinten kaping pitu punika kagem ngramal nasib tiyang, déné dinten kaping wolu kagem ngramal asilipun panèn.[3]

Tiyang Dinasti Tang gadhah tradisi dhahar sup mawi isi 7 janganan ingkang dipunpitadosi nebihaken saking samubarang lelara. Tiyang Jepang ugi ndhèrèk tradisi mau kanthi dhahar bubur mawi isi 7 jinis serealia (beras, jewawut, proso milet, Echinochloa esculenta, wijen, kacang azuki, lan Beckmannia syzigachne) ingkang dipunparingi sarem sakedhik. Tradisi dhahar bubur saking 7 jinis serealia sareng kaliyan tradisi ngopek godhong enèm wakana tsumi) saking tanduran ingkang nembé katutup salju pungkasanipun dados bubur nanakusa kados sapunika.[4] Nalika jaman Edo, dinten Nanakusa kalebet dinten libur. Tradisi dhahar bubur nanakusa minangka sarapan kawiwitan saking shogun lajeng kathah rakyat ingkang ndhèrèk.[4]

Cathetan suku[besut | besut sumber]

  1. ^ 5 Makanan Khas Tahun baru di Jepang, (dipunakses tanggal 17 Fèbruari 2013)
  2. ^ Keadaan alam dan musim di Jepang, (dipunakses tanggal 17 Fèbruari 2013)
  3. ^ "Jinjitsu no sekku (nanakusa no sekku)". Koyomi no Page. 
  4. ^ a b "Jinjitsu no sekku". Encyclopedia of Japanese Culture. 

Pranala njawi[besut | besut sumber]